George William Kyeyune

George William Kyeyune

human

Ein sex anaa gender	male
Country wey e be citizen	Uganda
Name wey dem give am	George
Family name	Kyeyune
Ein date of birth	1962
Place dem born am	Masaka
Languages edey speak, rep anaa sign	English
Ein occupation	artist
Employer	Makerere University
Educate for	Margret Trowell School of Fine art, Maharaja Sayajirao University of Baroda, School of Oriental and African Studies, University of London

Professor George William Kyeyune (born 1962) be an artist den professor for de Makerere University, Kampala, Uganda. He dey lecture insyd sculpture den history of African art at de College of Engineering, Design, and Technology – Makerere University, plus research interest insyd contemporary art den metal casting technology. He sanso be de vicar of de Namirembe Cathedral of de Church of Uganda.

Early life

Na dem born Prof. George Kyeyune insyd 1962 into a traditional Ugandan family for Masaka, Kyanamukaka Subcounty insyd central Uganda. For early age, he start dey depict signs of an artist by he dey draw pictures dey use de ground as ein canvas. Dis later translate into a career insyd art (painting den sculpture).

Education

Prof. George Kyeyune be a product of de then Margaret Trowell School of Fine Arts (now Margaret Trowell School of Industrial and Fine Arts), wer he graduate plus a Bachelor of Fine Art insyd 1985. Wey later he obtain a Diploma insyd Education de year wey dey follow. Prof. George Kyeyune obtain a Master of Fine Arts Degree from de Maharaja Sayajirao University of Baroda, India plus speciality insyd Sculpture. Insyd 1999, Prof. George Kyeyune receive a scholarship from de Commonwealth Scholarship Commission make he study for ein PhD insyd Art History at de School of Oriental and African Studies (SOAS), University of London.

Career

Prof. George Kyeyune return from India wey he take up a teaching position insyd sculpture for ein former school. He currently be an associate professor for de College of Engineering, Design, and Technology – Makerere University. He sanso dey do sculpture den painting for exhibitions. Sam of ein works dey include: The Kampala I Will Always Come Back To (2011); At the Salon (2011); Gossip I & II (2011); Telephone Call (2011); Roadside Vendor (2011); Boodaboda I, II & III (2011); En Route from Mbale (1983) den Jesus Writing in the Sand (1983) among odas.

Ein life matter

Prof. George Kyeyune be poppie to de Ugandan musician Ragga Dee (born Daniel Kazibwe).