Kırkpınar
| Inception | 1346  |
|---|---|
| Sport | oil wrestling |
| Country | Turkey |
| Location | Edirne |
| Country of origin | Ottoman Empire, Turkey |
| Intangible cultural heritage status | Representative List of the Intangible Cultural Heritage of Humanity |
| Official website | http://www.edirnekirkpinar.com |
| Described at URL | https://ich.unesco.org/en/RL/00386, https://ich.unesco.org/fr/RL/00386, https://ich.unesco.org/es/RL/00386 |
Kırkpınar be sam Turkish oil wrestling (Turkish: yağlı güreş) tournament wer Pehlivans (wrestlers) dey compete for three days. Dem dey hold am every year, usually for late June insyd, near Edirne, Turkey since 1360. For de finals wey dem dey hold for de last day insyd, dem dey show de first, second den third winners of each category. For de tournament tym insyd, dem sana dey organize Kırkpınar Festival.
Oil wrestling be sam sport for de forefront of traditional Turkish sports insyd. Na dem dey hold Wrestling for all of de fairs wey dem organize all ova de Ottoman Empire insyd, bah de wrestler wey win de "chief" title only for Kırkpınar insyd na dem dey bell am de "chief wrestler" till next year ein Kırkpınar wrestling. Dis idea still dey today.
Ein Description[edit | edit source]
De contestants dey wear only leather knee-length shorts wey dem dey bell am kıspets. Before each bout, de wrestlers dey pour olive oil ova demma entire bodies.[1]
Kırkpınar dey hold de Guinness World Record for de longest-running athletic competition insyd.[2]
Ein History[edit | edit source]
Oldest known evidence[edit | edit source]
De history of oil wrestling dey link back go 2650 BC plus evidence from Ancient Egypt, Assyria, den oda regions for Middle East insyd. De Babylonian body of evidence, dem excavate sam tiny bronze, wey na ebe near de Chafadji-temple. De bronze clearly dey concern oil wrestlers as dem dey depict both athletes plus olive vessels for demma head top.
De oldest-known proof of de existence of oil-wrestling for Ancient Egypt insyd dey limestone insyd from de tomb of Ptahhoteb near Saqqara from de Fifth dynasty (about 2650 BC) from de same period as de Chafadji-bronze.
Oil-wrestling for Iran insyd[edit | edit source]
De history of de oil-wrestling tournaments as dem know today dey date go de Persian Mythical Era, wey, according to Ferdowsi's Shahnameh, dem start am for 1065 BC insyd. De legendary pehlivan of dis era be Rostam, sam hero wey dem depict say he go constantly save ein country from evil forces.
Greco-Roman Oil-wrestling[edit | edit source]
Na dem first use de word "Pehlivan" wey be for sam wrestler for dis period insyd, as de Parthians (238 BC - 224 AD) expel de Greeks from Iran.
Huns[edit | edit source]
De Huns arrive for de fringes of de Roman Empire top for late 4th century insyd, wey dem move for horseback out of de steppes of Central Asia top go Germany den France insyd. As dem dey approach de Black Sea wey dem conquer de Ostrogoths, dem sana drive de Visigoths across de Danube go de Roman Empire insyd, wey ecause de crisis wey laed go de astounding defeat of de Roman army under de Emperor Valens near Adrianople (Edirne) for 378 AD insyd.
Most wins[edit | edit source]
Hüseyin Pehlivan win de event 7 consecutive years, wey start for 1935 insyd. Ahmet Taşçı win de event 9 tyms for 11 years. Ali Gürbüz wey win de 2021 event, ein 4th victory.
Make you sana see[edit | edit source]
References[edit | edit source]
- ↑ "UNESCO - Kırkpınar oil wrestling festival". ich.unesco.org. Retrieved 2022-09-12.
- ↑ "Historical Kırkpınar oil wrestling festival kicks off in northwestern Turkey". DailySabah. 13 July 2018. Retrieved 2019-03-09.
External links[edit | edit source]
- Pages with script errors
- Articles using generic infobox
- Intangible Cultural Heritage of Humanity
- Sport insyd Edirne
- Sports competitions insyd Turkey
- Turkish traditional sports
- Recurring sporting events dem establish insyd de Middle Ages
- 1360 establishments insyd Asia
- Recurring events dem establish insyd de 14th century