Karen Donaldson

Karen Donaldson

human

Ein sex anaa gender	female
Country wey e be citizen	United States
Name wey dem give am	Karen
Family name	Donaldson
Ein date of birth	1947
Place dem born am	Kirkland
Date wey edie	2005
Manner of death	natural causes
Cause of death	pneumonia
Languages edey speak, rep anaa sign	American English
Ein occupation	para swimmer, para athlete
Educate for	Wayne State University
Participant insyd	1976 Summer Paralympics, 1972 Summer Paralympics, 1980 Summer Paralympics
Described at URL	https://www.seattletimes.com/seattle-news/woman-didnt-let-disability-hold-her-back/

Karen Donaldson (1947 - October 28, 2005) na she be American Paralympic swimmer den athlete. She compete for de 1968 Summer Paralympics, 1972 Summer Paralympics, 1976 Summer Paralympics, den 1980 Summer Paralympics, wey she win five gold medals, one silver medal, den three bronze medals for total, gold medals insyd Women's 25 meters Backstroke 1A, den Women's 25 meters Freestyle 1A.

Early life den education

Donaldson, born to American parents, spend ein early childhood insyd England, wer na ein father station as member of de Air Force. For age six, Donaldson suffer unknown illness wey result in she cam turn paraplegic. Dey follow ein illness, de family return to de United States, wer na dem treat Donaldson for Walter Reed Army Medical Center. She begin dey swim as part of ein treatment.

Donaldson ein mommie push for am make she attend de same high school as ein bros, although she use wheelchair.

She study for Wayne State University.

Sports career

While she dey attend Wayne State University, Donaldson join de Michigan Wheelchair Athletic Association.

For de 1968 Summer Paralympics insyd Tel Aviv, Donaldson win three medals: gold medal insyd de 25m breaststroke, den silver medals insyd de 25-meter freestyle den 25-meter backstroke.

For de 1972 Summer Paralympics, Donaldson take gold insyd women's 25m backstroke 1a, den bronze insyd women's 60m wheelchair 1a.

For de 1976 Summer Paralympics, Donaldson win bronze medals insyd de women's 25m backstroke 1a den women's slalom 1a. She sanso compete insyd de 1a category for women's discus den club throw.

She compete for de 1978 Pan‐American Wheelchair Games, wey she win gold medal insyd de 25meter freestyle insyd de 1-A category.

Na dem induct am into de Wheelchair Sports Hall of Fame insyd 1982.

Ein life matter

Donaldson meet den marry Jack Donaldson while for college insyd. De two later divorce, wey Donaldson move go Washington insyd 1992 soon after. Der, she work insyd de Information Technology department for Boeing.

Donaldson die from pneumonia for age 58. Dem note am by ein family for ein "strong will", Donaldson live independently til de end of ein life.