Maseno University

Maseno University

university

Year dem found am	1991
Country	Kenya
Edey de administrative territorial entity insyd	Kisumu
Coordinate location	0°0′17″S 34°36′2″E
Member of	Association of African Universities
Dema official website	http://www.maseno.ac.ke/

Maseno University be public varsity wey base insyd de Maseno district of de Kisumu County, Kenya, along de Equator. Na ebe fully fledged as varsity insyd 2001, after na ebe constituent college of Moi University for decade. E get ova 10,000 students wey dey pursue programmes de varsity campuses dey offer wey dem currently rank am among de best varsities insyd Kenya.

De main campus dey locate insyd Maseno Township along Kisumu-Busia road, 25km from Kisumu City den 400km northwest of Nairobi. Apart from de main campus, e get other four satellite campuses insyd Nairobi, Kisumu, Homa Bay, den online campus dem know as de eCampus.

De varsity get 12 schools den institute wey dey offer various degrees, diplomas den certificates.

De eCampus,de first of ein kind insyd Kenya, be virtual campus wey dey run flexible online programmes both give on-campus students as well as off-campus students enroll insyd various Maseno University programmes thru eLearning.

Rev. J.J. Willis coin de name 'Maseno' from de name of tree dem know for local dialects insyd as "Oseno" anaa "Oluseno" wey dey stand next to de spot wer de first missionaries insyd de region erect dema base.

Faculties den schools

De university dey offer undergraduate den post-graduate program at de faculties den schools wey dey follow:

• School of Arts den Social Sciences
• School of Education
• School of Biological den Physical Sciences
• School of Public Health den Community Development
• School of Environment den Earth Sciences
• School of Development den Strategic Studies
• School of Graduate Studies
• School of Nursing
• School of Business den Economics
• School of Medicine
• School of Agriculture den Food Security
• School of Mathematics, Statistics den Actuarial Science
• School of Computing den Informatics
• School of Law
• School of Planning den Architecture
• Institute of Gender Studies

History

Insyd October 1990, dem merge Maseno Government Training Institute plus Siriba Teacher’s Training College make dem form Maseno University College as constituent college of Moi University. E cam turn full fledged university 11 years later insyd 2001. Ebe accredited varsity, wey Act of Parliament enact insyd 1991.

For de December 2008 graduation ceremony, de presido Mwai Kibaki, appoint Professor Frida Karani, as de second chancellor, after de expiry of de tenure of William Wamalwa. Dem honour de fresh chancellor by Maseno University, wey he receive de Doctor of Education honoris causa before presiding ova de ninth graduation ceremony for 17 December 2009.

Na dem appoint de vice-chancellor for 18 February 2011, wey dey succeed Professor Frederick N. Onyango. De Chancellor be Dr. Michael Joseph den de Chair of Council be Professor Rosalind Mutua. De current vice-chancellor be Professor Julius Omondi Nyabundi.

Now dem charter am by de Commission of University Education (CUE) under de Education Act 2012.

Kisumu Hotel

Dem acquire de Kisumu Hotel by de varsity insyd 2004 under de then Vice-chancellor, Prof. Fredrick Onyango. De bed space double from de original 40 to 80 rooms. De hotel enable de varsity make dem offer training insyd eco-tourism, den hotel den institution management.

De eCampus

De eCampus of Maseno University evolve from wat na initially dem set up insyd 2007 by de then Vice-Chancellor, Prof. Frederick N. Onyango, as eLearning Centre. De eLearning Centre dey situate for Maseno University ein City Campus (now Kisumu Campus) wey dey provide capacity building den technical support services to lecturers make dem prepare dem make dem offer open, distance den eLearning courses to off-campus students (anaa 'distance education' students as na dem know dem then).