Jump to content

Namibia University of Science and Technology

From Wikipedia
Namibia University of Science and Technology
institute of technology
Year dem found am1996 Edit
CountryNamibia Edit
Edey de administrative territorial entity insydWindhoek Edit
Coordinate location22°33′55″S 17°4′37″E Edit
Member ofORCID, Inc., International Federation of Library Associations and Institutions, National Digital Stewardship Alliance, Association of African Universities Edit
Tym dem start1994 Edit
Dema official websitehttp://www.nust.na Edit
Map

De Namibia University of Science and Technology (NUST), formerly dem know am as Polytechnic of Namibia, be public university wey dey locate insyd de city of Windhoek, Namibia. Na NUST be head by de founding vice-chancellor Tjama Tjivikua til March 2019. After two acting appointments, dem appoint Erold Naomab vice-chancellor insyd January 2021. Peter Katjavivi dey hold largely de ceremonial role of chancellor of de university.

History

[edit | edit source]

E emerge from de Academy for Tertiary Education, dem found insyd 1980, wey na ebe de first institution of higher education insyd de Republic of Namibia. Act 9 of 1985 of de South African administration define three sections give dis academy, university part, de College of Out-of-School Training (COST) give vocational training programs den de Technikon Namibia give technical programs wey dey relate to science den technology.[1] Wen for 1992 insyd wey na dem found de University of Namibia (UNAM), de academy lost ein university section. De sections wey remain, COST den Technikon, wey na dem merge am make e form de Polytechnic of Namibia per Act of Parliament 33 / 1994.[1] Na dem appoint de founding council den rector Tjama Tjivikua insyd July 1995. Insyd 2015 dem rename Polytechnic to de Namibia University of Science and Technology (NUST), again per Act of Parliament, as de 1994 Act prescribe de name "Polytechnic of Namibia".

A red-roofed yellow building in bright sunlight, built in German colonial style. Over the entrance is a red cross and the inscription "Elisabeth Haus"
Elisabeth house for NUST ein main campus

De Namibia University of Science and Technology dey consist of two campuses den number of former residential buildings dem scatter all dey locate insyd de Windhoek West suburb close to de city centre. De main campus dey consist of de structures dem originally erect give de Academy for Tertiary Education.[1] For ein center be de Elisabeth house, Windhoek ein former obstetric hospital design by Wilhelm Sander insyd 1907. Elisabeth house be national monument since 1986 den dey house de Senate chambers den de office of de Vice-Chancellor.[2]

De Engineering campus dey adjacent to de main campus; construction of dis area start insyd 1995.[3] Originally dem intend make dem house de School of Engineering per, dis campus gradually grow wey dey accommodate de library, all auditoria, den chaw of de oda faculty venues, wey dey include, most recently, fresh building give de School of Health Sciences. Further building, make dem house fresh lecture venues den de Department of Architecture den fresh library give de maters den PHD students, dem currently dey construct for dis campus top.

Academic den vocational offerings

[edit | edit source]
NUST main campus

Til de 2010s classic polytechnic, de institution offer both higher-level vocational training den academic degrees insyd technical subjects den de applied sciences. For chaw cases dem fi combine dese programs such that dem fi attempt de academic degree after dem successfully pass more basic vocational training.[4]

Since e gain university status insyd 2015 dem develop several Master den PhD programs, wey dem phase out short, entry-level certifications.

De Namibia University of Science and Technology dey comprise six academic faculties den dey offer undergraduate as well as postgraduate degrees insyd de areas of business den management, engineering, information technology, journalism, hospitality, natural resource management, den medicine. As of 2010 na der be 86 undergraduate den 19 postgraduate degrees offer for de institution.[1] De university now sanso dey offer master's degree courses. Dem sanso set up Centre of Excellence in Information Technology (CEIT).[5]

Sign for de then Polytechnic of Namibia plus de old logo insyd 2008

Competition plus de University of Namibia

[edit | edit source]

NUST dey in constant competition plus Namibia ein oda state-owned university, de University of Namibia (UNAM).[6] University rankings consistently dey list both institutions among Africa ein Top-50, til 2009 usually plus UNAM few places ahead of NUST.[7] For recent years insyd na NUST dey ahead of UNAM; de Webometrics 2013 dey list am for rank 28 insyd Africa (2,284 globally), den UNAM for rank 48 (3,160).[8]

For de local level top, judging service den contributions to de Namibian economy, NUST usually dey top all oda educational institutions.[9][10] Insyd 2010 de argument about who dey deliver de best tertiary education insyd Namibia enter fresh stage wen local study find de NUST again dey far ahead for terms of services delivery. De Students' Representative Council of UNAM[11] subsequently reject dis study buh NUST management staff endorse am.[10]

Naming controversy

[edit | edit source]

De Polytechnic of Namibia for number of years attempt make e change ein name den ein mandate to dat of Namibian university of science den technology. De institution intermittently adopt de name for ein web site top den for much of ein official communication insyd.[6] Dis, however, na ebe against de law wey establish de institution. Insyd August 2010, de motion make dem stop by cabinet, dey state upcoming overall changes to de Namibian education sector as de reason make e decline de name change.[12]

More dan two years later insyd December 2012, cabinet instruct de Ministry of Education make e grant de Polytechnic of Namibia university status den change to de name dem desire. Na part of de transition process be make dem phase out of one-year Diploma den one-semester Certificate courses within five years.[13] Insyd 2015 na dem gazette de fresh act wey de name change cam be official.

Events

[edit | edit source]

De institution dey conduct cultural festival every year for de onset of spring. Activities dey include International Cuisine Day wer staff den students dey prepare den sell traditional food, flea market, den de Miss and Mr NUST competition.[14]

NUST get Internet radio station dem dey bell NustFM.[15]

Staff

[edit | edit source]

University leadership

[edit | edit source]

Na NUST be head by de founding vice-chancellor Tjama Tjivikua from 1995 til March 2019. After several consecutive acting vice-chancellor appointments of Morné Du Toit insyd 2019 den Andrew Niikondo insyd 2020,[16] na dem appoint Erold Naomab vice-chancellor insyd January 2021.[17] Peter Katjavivi largely hold ceremonial role of chancellor of de university.[18]

Notable staff

[edit | edit source]
  • Anicia Peters, de pro-vice-chancellor give research, innovation den development for de University of Namibia, former dean of computing den informatics for NUST

Notable alumni

[edit | edit source]
  • Dr. Sam Nujoma, first presido of Namibia, he receive doctorate honoris causa insyd public management insyd 2005[19]
  • Harold Pupkewitz, entrepreneur, he receive doctorate honoris causa insyd business management insyd 2011[20]
  • Hon. Erastus Uutoni, Minister of Sport, Youth den National Service of Namibia, dey hold Diploma insyd Police Science den Certificate insyd Marketing from NUST[21]

References

[edit | edit source]
  1. ↑ 1.0 1.1 1.2 1.3 Polytechnic of Namibia Archived 5 January 2011 at the Wayback Machine Historical Perspective
  2. ↑ "Neues Leben im "Storchennest"" [New life in the "Storch's nest"]. Allgemeine Zeitung (insyd German). 17 April 2007.
  3. ↑ "Laureate Tjama Tjivikua". Junior Achievement Namibia. Archived from the original on 4 March 2016. Retrieved 24 August 2010.
  4. ↑ "Prospectus for Undergraduate Studies" (PDF). Polytechnic of Namibia. 2010. Archived from the original (pdf) on 5 January 2011.
  5. ↑ "Centre of Excellence in Information Technology (CEIT) | Namibia University of Science and Technology". www.nust.na. Retrieved 8 May 2020.
  6. ↑ 6.0 6.1 Smith, Jana–Mari (23 August 2010). "Cabinet to decide on Polytechnic name". The Namibian.
  7. ↑ Kiremire, Enos (21 August 2009). "African University Ranking Sub-Saharan Africa: (July 2009: University of Namibia)". New Era. Archived from the original on 16 March 2012.
  8. ↑ "Africa Ranking". Webometrics.info. Retrieved 25 February 2013.
  9. ↑ Katswara, Tonderai (21 January 2005). "Excellence and hard work honoured at PMR awards". The Namibian.
  10. ↑ 10.0 10.1 Ekongo, John (9 June 2010). "Poly not at war with Unam". New Era. Archived from the original on 16 March 2012.
  11. ↑ Shipanga, Selma (23 August 2010). "Unam slams Polytech over survey findings". The Namibian.
  12. ↑ Philander, Frederick (23 August 2010). "Poly stays a Poly". New Era.
  13. ↑ Shipanga, Selma (21 January 2013). "Polytechnic prepares for transition to university". The Namibian. Archived from the original on 21 February 2013.
  14. ↑ "Accommodation, Sport & Culture". Polytechnic of Namibia. Archived from the original on 3 April 2012. Retrieved 3 July 2012.
  15. ↑ "NUST FM". Retrieved 28 February 2019.
  16. ↑ Ngatjiheue, Charmaine (26 May 2020). "Niikondo now acting vice chancellor at Nust". The Namibian.
  17. ↑ Iikela, Sakeus (16 November 2020). "Nust appoints vice chancellor amid red flags". The Namibian. p. 1.
  18. ↑ "Katjavivi appointed NUST chancellor". New Era. 18 October 2016.
  19. ↑ Philander, Frederick (11 April 2005). "Namibia: Do We Have What It Takes?". New Era. Archived from the original on 31 March 2012.
  20. ↑ "Hundreds graduate from Poly". New Era. 18 April 2011. Archived from the original on 31 March 2012.
  21. ↑ "Know Your MPs. Erastus Amutenya Uutoni (Swapo)". New Era. 24 June 2016. p. 4.
[edit | edit source]

Wikimedia Commons get media wey dey relate to Namibia University of Science and Technology.

Dem retrieve am from "https://gpe.wikipedia.org/w/index.php?title=Namibia_University_of_Science_and_Technology&oldid=33349"