Michael Elliot Kwabena Okyere Darko dem popularly know am as Obrafour, oda names dey include Rap Executioner den Rap Sofo[1] (born c. 1976) be a Ghanaian hiplife musician den rapper.[2] Obrafour get a unique style of Twi rapping den storytelling.[3] Ein popular den hit debut album "Pae Mu Ka", for wich he win 3 awards during de 2000 edition of Ghana Music Awards be arguably one of de best selling albums insyd Ghana. Insyd May 2019, Obrafour celebrate de 20th anniversary of de "Pae mu ka" album.[4] He be revered as one of de Most Iconic figures insyd de Ghana Music Industry.
Na dem born Obrafour insyd Obo Kwahu to a chorister mommie by name Mrs. Gladys Agyapomaa den Mr. Kwaku Okyere Darko.[5] Na he wan make he cam turn a lawyer wich fail after ein mommie ein death.[6][7] Na dis be insyd 1995 after one term for St. Peter's Boys Senior High School wen na he dey prepare for ein A levels. He get ein basic education for New Star Preparatory School wey he proceed to Abetifi Secondary before he get into St. Peter's Boys Senior High School.[5] For a very young age, he go perform plus ein mommie insyd church[8] wey na he celebrate de role of motherhood thru out ein career.
Oduro-Frimpong, Joseph. "The Pleasure(s) of Proverb Discourse in Contemporary Popular Ghanaian Music: The Case of Obrafour’s Hiplife Songs." Being and Becoming African as a Permanent Work in Progress: Inspiration from Chinua Achebe's Proverbs, edited by Franics B. Nyamnjoh, Patrick Nwosu, and Hassan M. Yoimbom. Bamenda, Cameroon: Langaa Research and Publishing. (2021): 259-280.
