Jump to content

Sophie Kamlish

From Wikipedia
Sophie Kamlish
human
Ein sex anaa genderfemale Edit
Country wey e be citizenUnited Kingdom Edit
Country for sportUnited Kingdom Edit
Name wey dem give amSophie Edit
Ein date of birth20 August 1996 Edit
Place dem born amLondon Borough of Camden Edit
Languages edey speak, rep anaa signEnglish Edit
Ein occupationathletics competitor Edit
Sportathletics Edit
Participant insyd2012 Summer Paralympics Edit

Sophie Kamlish (born 20 August 1996) be British Paralympic athlete wey dey compete insyd sprint events insyd T44 events. She represent Great Britain for de 2012 Summer Paralympics den 2016 Summer Paralympics.

Early life

[edit | edit source]

Na dem born Kamlish insyd Camden, London insyd 1996.[1] Na dem born am plus right foot wey na ebe severely turned insyd, for wich na dem fit splint make e straighten am. Despite dis na ein right leg be significantly shorter dan ein left den wen na Kamlish be nine ein doctors suggest de fitting of gradual extension frame make e lengthen ein leg. Na Kamlish already dey insyd significant pain wey na der be no guarantee say de frame go work so she den ein family opt for below de knee amputation. Insyd 2012 interview, Kamlish state say na ebe good decision.[1]

Kamlish grow up insyd Camden insyd London wer na she attend Fleet Primary School.[2] Ein family then move go Bath, Somerset wer na she educate for Oldfield School, before she attend foundation course insyd illustration for Bath College.[3]

Athletics career

[edit | edit source]
She dey boot world record time insyd Rio

Insys 2011 Kamlish attend 'Playground to Podium' event for de University of Bath, scheme dem intend make e find talented potential athletes. Despite she play wheelchair basketball for junior level, she prefer de solo aspect den self-reliance wey dey cam plus athletics.[1] Kamlish make ein senior international debut for de 2012 Paralympic World Cup insyd Manchester wey dat year na dem select am give de Great Britain team for de London Paralympics.[1] For de London Games na dem select am for two events, de 100 metres den 200 metres T44 sprints. Kamlish qualify thru de heats insyd both events buh she no achieve podium finish insyd either, though na she achieve personal best insyd de 200m.[4]

Year later na Kamlish be back insyd de Great Britain team, dis time she travel go Lyon make she compete insyd de 2013 Lyon. She cam fourth insyd de 100 metres sprint buh she win ein first major international medal wen na she fini third insyd de 200 metres.[4] Kamlish sanso represent ein country for de 2014 IPC Athletics European Championships insyd Swansea den de 2015 World Championships insyd Doha.[1]

For 17 September 2016 for de 2016 Summer Paralympics Kamlish break de World Record insyd de heats for T44 100m.[5]

For 17 July 2017, Kamlish break ein own T44 100m world record insyd de heats for de World ParaAthletics Championships insyd London.[6] For de same day, she sanso win ein first international gold medal in front of home crowd, wey she beat four-time world champion Marlou van Rhijn.

References

[edit | edit source]
  1. ↑ 1.0 1.1 1.2 1.3 1.4 "Kamlish, Sophie". IPC. Archived from the original on 17 August 2016. Retrieved 27 July 2016.
  2. ↑ Amara, Pavan (30 August 2012). "Seven years after being told her leg would have to be amputated, Sophie goes for gold in Paralympic sprints". camdennewjournal.com. Retrieved 27 July 2016.
  3. ↑ Connolly, Nancy (13 June 2016). "Bath's Golden Girls: meet Paralympic sprinter Sophie Kamlish". bathchronicle.co.uk. Retrieved 27 July 2016.
  4. ↑ 4.0 4.1 "Sophie Kamlish". powerof10.info. Retrieved 27 July 2016.
  5. ↑ "Women's 100m - T43/44 - Standings". Rio2016. 17 September 2016. Archived from the original on 23 September 2016. Retrieved 15 August 2024.
  6. ↑ "Domain im Kundenauftrag registriert".
[edit | edit source]

Wikimedia Commons get media wey relate to Sophie Kamlish.

Dem retrieve am from "https://gpe.wikipedia.org/w/index.php?title=Sophie_Kamlish&oldid=37211"