Susan Ofori-Atta

Susan Barbara Gyankorama Ofori-Atta san be de Graft-Johnson, (1917 – July 1985) be Ghanaian medical doctor – de first female doctor for de Gold Coast inside. She be de first Ghanaian woman den fourth West African woman wey earn university degree. Ofori-Atta san be de third West African woman wey come turn physician after de Nigerian dema Agnes Yewande Savage (1929) den Elizabeth Abimbola Awoliyi (1938). For 1933 inside, Sierra Leone dema political activist den higher education pioneer, Edna Elliot-Horton come turn de second West African woman university graduate den de first wey earn bachelor's degree for liberal arts inside. Eventually Ofori-Atta come turn medical officer-in-charge at de Kumasi Hospital, den later, she assume in charge for de Princess Louise Hospital for Women. Hin contemporary be Matilda J. Clerk, de second Ghanaian woman den fourth West African woman wey turn physician, na she educate for Achimota den Edinburgh. University of Ghana make Ofori-Atta Honorary Doctor of Science sake of hin work on malnutrition for kiddies inside, she san receive de Royal Cross from Pope John Paul II de tym wey he come Ghana for 1980 inside, hin recognition for hin offering of free medical services for hin clinic. Na she help establish de Women's Society for Public Affairs den na she be Foundation Fellow of the Ghana Academy of Arts and Sciences. Hin achievements be symbol of inspiration give aspiring women physicians for Ghana inside.