University of Abuja

University of Abuja

public university, university

Year dem found am	1 January 1988
Official name	University of Abuja
Native label	University of Abuja
Affiliate plus	National Universities Commission
Motto text	For Unity and Scholarship
Country	Nigeria
Edey de administrative territorial entity insyd	Abuja
Located in time zone	Central European Time
Coordinate location	8°58′49″N 7°10′49″E
Member of	African Library and Information Associations and Institutions, Association of African Universities
Demma headquarters location	Abuja
Language dem use	English
Color	green, white
Dema official website	https://www.uniabuja.edu.ng/

De University of Abuja be tertiary institution wey dey Nigerian capital, Abuja. Dem establish am for January 1988 (under Decree No. 110 of 1992 as amended) as dual-mode university plus de mandate say dem go run conventional den distance learning programmes. Academic work start for de university for 1990 insyd plus de matriculation of ein pioneer students.

Demma History

De university start from sam temporary site, made up of three blocks of building wey be for sam primary school wey dey Gwagwalada, wey be de mini-campus". Academic activities start for de mini-campus for 1990 insyd, after wey dem allocate university sam expanse of land covering ova11,800 hectares (29,000 acres) along de Abuja city Airport road for de development of ein main campus.

Relocation go de permanent site be ongoing to date. De campus now dey host three female den two male hostels housing thousands of students. However, de distance learning offices of de university dey within de Abuja municipality (Area 3 Garki) wer dem dey hold contact sessions of de programme.

Demma Library

Dem establish de University Libraryfor 1988 so say ego support teaching, learning den research so say ego meet de objectives of de University of Abuja plus information resources online den offline. De University main library dey de main Campus along Airport Road, Abuja.

Demma Academics

De university dey offer diploma, undergraduate den post-graduate degree programmes as well as sam Centre for Distance Learning School wey dey provide university education give menners wey no go fi acquire such education through de regular university system den menners wey get interest say dem go acquire new knowledge den specialised skills.

Sam list of faculties den colleges wey currently dey de University of Abuja dey include:

• Faculty of Agriculture
• Faculty of Art
• Faculty of Education
• Faculty of Engineering
• Faculty of Law
• Faculty of Management Sciences
• Faculty of Sciences
• Faculty of Social Sciences
• Faculty of Veterinary Medicine
• School of Post Graduate Studies
• School of Remedial Studies
• College of Health Sciences
• College of Medicine
• The Institute of Legislative Education

De University get further plans say ego commence de Geology den Mining program for 2023/2024 academic session wey de Vice Chancellor of de University of Abuja, Professor Abdul-Rasheed Na’Allah state.

Demma Council den Administration

De key organs den officers wey dey de administration den governance of de university insyd be de Governing Council, de Senate, de Congregation den de Convocation, de Vice-Chancellor, Two Deputy Vice Chancellors (Administration den Academic), de Registrar den Secretary to Council, de Bursar, de University Librarian, Deans of Faculties, Directors of Centres den Institutes den Heads of Department. All dese organs den officials dey get support from de Committee system wey be de pivot of administration of de university.

De Governing Council

De Council dey consist of de Chairman wey sana be Pro-Chancellor of de university, de Vice Chancellors (Administration den Academic) sam representative of de Federal Ministry of Education, four persons wey National Council of Ministers appoint dem say make dem represent broad national interests, four persons wey Senate appoint from ein members, one persons each wey Congregation appoint den de Convocation among demma members den de Registrar as Secretary give Council. De council be de highest policy-making organ give de university.

De Senate

De Senate be de highest University authority for academic matters top. Ebe de general function of ce Senate say ego organise den control teaching for de university den de admission den discipline of students, as well as ce promotion of research. De Senate dey comprise of de Vice-Chancellor as Chairman, de Deputy Vice-Chancellors, de Professors, de University Librarian, Deans, Directors den Deputy Deans, Heads of Academic Departments, one member of academic staff wey dey represent each Faculty den de Registrar as Secretary.

De Congregation

De Congregation be made up of all members of staff of de university wey na dem be university graduates by appointment. De Vice-Chancellor be de Chairman wey de Registrar be de Secretary. Congregation meetings, wey be statutory, dem dey bell dem so say dem go give members opportunities den get say for matters wey dey affect demma welfare.

De university dey run sam consultancy services sub-degree program den sam institute of education wey dey cater for de professional needs of teachers den specialised needs of government education bodies; edey provide avenues give de establishment of linkages for education matters top plus organisations den institutions wey dey within den outsyd Nigeria.

De University for ein 96th regular meeting tym for May 2023 insyd promote 19 of ein academic staff t=go professorial rank. Dem promote 8 go de rank of professor, wey dem promote 11 go de rank of associate professor.

For de 96th Regular meeting insyd, de Governing Council of de University of Abuja approve de appointment of de youngest professor of law wey dey Nigeria insyd den de first female professor of law from Northwest Nigeria, Aisha Sani Maikudi, alongsyd Professor Philip Afaha as Deputy Vice Chancellors Academic den Administrative respectively.

Gallery

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

Notable alumni

• Aishah Ahmad, deputy governor Central Bank of Nigeria.
• Chuks Anyaduba - lawyer, filmmaker den humanitarian
• Jake Okechukwu Effoduh - radio personality, human rights activist den lawyer
• Olumide Idowu - youth campaigner and climate change activist
• JaySynths – record producer
• Kanayo O. Kanayo - actor, film maker den lawyer
• Ebuka Obi-Uchendu - Lawyer, media personality
• P-Square, Afrobeat duo
• Imaan Sulaiman-Ibrahim – director-general of NAPTIP
• Uba Sani, Current governor of Kaduna State