Wolfgang Amadeus Mozart

From Wikipedia

Wolfgang Amadeus Mozart (27 January 1756 – 5 December 1791) na he be influential composer for de Classical period. Despite sey he die early, na he get more than 800 works for all de genres wey dey ein time. if you sheda spy ein works aa, you go see sey na dem get symphonic, concertante, chamber, operatic, den choral repertoire. Everbro know Mozart sey he dey mong de greatest composers Western music insyde.

Dem born am for Salzburg, den time na edey mong de Holy Roman Empire, wey currently edey Austria. Mozart ein abilities dey show sey na he be prodigy since ein kiddy time. Sake of sey na he already dey play betters for de keyboard den violin top, he start dey compose na he dey age five wey he san dey perform give the European royalty. Ein Poppii take am go tour for Europe den three trips for Italy. Den time na he be 17 no, na he be musician for Salzburg court but he travel go search better position for some other place.