African Leadership Academy

African Leadership Academy

secondary school

Country	South Africa
Edey de administrative territorial entity insyd	Johannesburg
Coordinate location	26°4′31″S 27°54′58″E
Dema official website	http://www.africanleadershipacademy.org/

De African Leadership Academy (ALA) be sam educational institution wey dey de outskirts of Johannesburg, South Africa, give students between de ages of 16 den 19 years old, plus current alumni wey dey cam from 46 countries.

Fred Swaniker, Chris Bradford, Peter Mombaur, den Acha Leke form am for 2004 insyd, ALA officially open for September 2008 insyd plus sam inaugural class of 97 students. ALA dey seek say ego transform Africa by say ego identify, develop, den connect de next generation of African leaders. So say dem go achieve dis goal, ALA dey teach sam two-year curriculum for African Studies, Writing den Rhetoric den Entrepreneurial Leadership insyd, as well as de usual academic core subjects.

Dema History

Around 2004, de founders of ALA, launch Global Leadership Adventures, sam summer program wey go be precursor give ALA.

For 2006 insyd, Echoing Green recognize Swaniker den Bradford, wey dem describe dem as two of de 15 best emerging social entrepreneurs for de world insyd. For 2007 insyd, wey dem confirm de initial campus wey dem announce Christopher Khaemba as de inaugural Dean give de School. De current dean of African Leadership Academy be Derek Smith.

Dema ALA campus

De campus dey Honeydew, for de outskirts of Johannesburg top. Students dey share dormitory, wey modern facilities wey dey includesports field, 450 seater auditorium, classrooms den dining hall dey. For 2016 insyd, ALA renovate ein dormitories, wey emake de school ein number of students increase for each class by 30%.

Dema Admission process

De African Leadership Academy dey receive several thousand applications for dema first round insyd, wer dem dey select approximately 400 say make dem attend finalist events wey dey happen for across de continent. De finalists dey write entrance exams, participate for group activities den dem go interview dem. Dem dey select 120 students annually make dem attend de Academy. Dem dey finalize admissions status usually by mid-April.

Dema Selection criteria

De African Leadership Academy dey use four criteria for admission:

• Intellectual Readiness
• Courage den Perseverance
• Ownership
• Interdependence

Dema Curriculum

Two Year Pre-University Program

De academic core dey combine sam two-year pre-university program wey dey base for Cambridge A Levels den ALA's unique curricula for Entrepreneurial Leadership, African Studies den Writing den Rhetoric insyd.

Entrepreneurial Leadership den African Studies

ALA dema primary Entrepreneurial Leadership curriculum be sam cornerstone of de student experience wey dey create opportunities so say you go practice leadership den entrepreneurship skills through simulation den project-based learning. Dem dey encourage students so say dem go work for team building den original thinking top. For interdisciplinary African studies curriculum insyd, students dey study hunger eradication, health care provision, economic growth, den conflict resolution.

Dema Faculty

Dean of African Leadership Academy

Na inaugural Dean Christopher Situma Khaemba previously be Principal of Alliance High School wey dey de outskirts of Nairobi, Kenya. Khaemba receive ein MBA from Kenyatta University wey dey Nairobi.

De current Dean of de Academy be Derek Smith.

Faculty members

Faculty members dey go through sam process wey dey include multiple interviews, academic background checks, den verification of personal den professional references. After de first round of interviews, de prospective teacher dey conduct sam mock lesson for de students den two faculty members dema presence. Dis dey follow plus sam final round of interviews.

All faculty members be graduates from universities wey dem previously teach for leading institutions.

Student life

Sports

Dem dey encourage students say make dem participate for sam fitness activity insyd. Current competitive sports dey include soccer, basketball, den volleyball.

Student clubs den organizations

Students dey participate for variety of clubs, wey dem dey expect each student say dem go create anaa run either sam "Student Enterprise," sam "Original idea for Development," anaa sam "Community Service Project".

Supervised trips

Students dey explore de local community, Africa, den de world, by say dem go participate for sam excursion program. Outdoors enthusiasts dey participate for weekend hiking trips for Drakensberg mountains insyd den longer excursions for holiday periods insyd, while scientists go fi apply say dem go attend de American Association give de Advancement of Science conference wey dey United States insyd.

Global Scholars Program

Global Scholars Program be sam three-week, global leadership summer program give teens wey dema age be 13 go 19. Students wey dey comot from oda countries around de world dey get de chance cam ALA wey dem dey learn chaw about de continent as well as skills wey dey relate plus leadership den entrepreneurship.

Catalyst Term

Sam study abroad experience give secondary students wey dey komot from around de world so say dem go develop as social innovators. Students go fi choose say dem go take sam trimester anaa sam full year for ALA wer dem dey go fi take de core subjects den engage for deferent activities for campus top.

Model African Union

MAU be sam four-day conference wer participants wey dey comot from secondary schools around de world dey debate den discuss sam of de most complicated issues wey dey de continent top. Participants sana dey attend presentations by African Union officials den foreign policy experts.

Anzisha Prize

De Anzisha Prize dey seek say ego award young entrepreneurs wey develop den implement solutions give social challenges anaa businesses wey dem start within dema communities. 15 finalists wey dey comot from across Africa dey win sam spot for sam lifelong fellowship so say ego help accelerate dema path give entrepreneurship success. Dem dey win sam trip go South Africa so say dem go be part of sam ten-day long workshop den conference for African Leadership Academy campus insyd. De grand prize winners, dem dey select from dese finalists, go share prizes worth US$100,000. De fellowship dey continue thereafter, wey go offer winners business consulting services den sam support network.

Africa Careers Network

Africa Careers Network (ACN) be sam platform wey dey connect young African talents from ALA den de MasterCard Foundation Scholars Program give high-impact internship den job opportunities across de African continent.

Global Advisory Council

As well as de Board of Trustees, de Academy ein Global Advisory Council dey compose of African den global luminaries wey dey business, leadership development, secondary education, den social entrepreneurship insyd. De Global Advisory Council dey provide strategic input den guidance give de ALA management team.

African Leadership Foundation

De African Leadership Foundation be sam USA 501(c)(3) non-profit foundation wey dey support de African Leadership Academy den de next generation of African leaders.

Additional sources

• African Leadership Academy website
• University of Cambridge International Examinations
• Media Club of South Africa
• Echoing Green
• The Diamond Empowerment Fund
• MV Gazette
• Cisco
• McKinsey
• Global Changemakers
• The Daily Show
• Huffington Post
• Steve Spengler
• Inaugural African Leadership Indaba