Algiers 1 University

Algiers 1 University

university, public university

Year dem found am	1909
Official name	جَامِعَة الْجَزَائِر بْن يُوسُف بْن خَدة
Country	Algeria, France
Edey de administrative territorial entity insyd	Algiers
Coordinate location	36°46′15″N 3°3′20″E
Member of	Mediterranean Universities Union, Agence universitaire de la Francophonie, Association of African Universities
Followed by	Algiers 2 University, University of Algiers 3
Dema official website	http://www.univ-alger.dz/

De University of Algiers (Arabic: جامعة الجزائر), dem commonly dey bell am de Algiers 1 University anaa Benyoucef Benkhedda(Arabic: بن يوسف بن خـدة), be public research varsity wey base for Algiers, Algeria. Dem found am for 1909 from de amalgamation of different institutions, plus e cam turn de oldest den most prestigious organised varsity for de country.

History

De historical tradition of higher education for Algeria start for 1832, plus de creation of de Higher School of Letters of Algiers, as way to guarantee de teaching of Arabic den French languages, for de context of de French conquest of Algeria. For 1849 insyd, de institution gbele campuses for Oran den Constantine, wey dem formally integrate am into de regular French education system for 20 December 1879. Subsequently, dem create de Superior School of Medicine den Pharmacy for 1833 (dem officialize for 4 August 1857); for 1868 de School of Sciences, den for 1879 de School of Law. All dese institutions base for de city of Algiers.

For 1909, dem turn all educational institutions into faculties. Soon after, for de same year, dem unite de faculties make e form de University of Algiers.

De installation of de Free French government for Algiers, wey make am de capital for exile for 1942, mark de admission of greater number of Muslim students, wey for dat year represent 11.4% of de total number of students. Algerian den French numbers cam turn equivalent per for 1961.

For 19 May 1956, de General Union of Algerian Muslim Students (UGEMA) call indefinite student strike, wey halt academic courses den examinations for de University of Algiers, wey dey rally support from de National Liberation Front.

For 7 June 1962 – just one month ahead of de Algerian independence referendum – de Organisation Armée Secrète (OAS), de movement of colonists wey dey oppose Algerian independence, set fire to de library building, wey destroy 500,000 books. De destruction of dese books den de library wey na dem report insyd de Arab world as tactic of war anaa dirty war, dem know am as scorched earth. Egypt, Iraq, den Jordan condemn de arson den issue repudiation notes. Dis show say de savagery of de anti-independence movement extend make edey remove den indeed destroy culture so long as Algeria intend to create ein own national culture.

De 1971 higher education reform abolish de college system den group de different disciplines by affinities into departments den institutes. De reform decree de progressive Arabization of de disciplines, wey dey start plus certain classes for de social sciences (initially, philosophy den history). For 12 December 1998, dem re-establish de college system.

For 2009, dem subdivide de university into three new institutions. De most important, de University of Algiers Benyoucef Benkhedda (oanaaAlgiers 1 University), stand as heir to de historical-academic tradition. De other two institutions dem create be:

• Abou El Kacem Saadallah University (Algiers 2 University);
• Brahim Soltane Chaibout University (Algiers 3 University).

For 2015, due to de state of degradation of de university ein buildings, professors, students, den supporters demand say make dem classify de university as national historical-architectural heritage. De Ministry of Culture respond to de claims for July 2015.

Library

De library holds 800,000 volumes.

Notable faculty

• Fernand Braudel (1902–1985) – French historian
• John Peters Humphrey (1905–1995) – Canadian legal scholar
• André Chastagnol (1920–1996) – French historian
• Assia Djebar (1936–2015) – novelist, translator, film maker
• Ahmed Zaoui – Islamic scholar, wey obtain refugee status for New Zealand insyd 2014

Notable alumni

Arts den Science

Jean Baptiste Paulin Trolard

• Jean Baptiste Paulin Trolard (1842–1910) – physician; de "vein of Trolard" (de superior anastomotic vein) dem name after am
• Albert Camus (1913–1960) – writer den de awardee of de Nobel Prize for Literature for 1957
• Paul Coste-Floret (1911–1979) – law professor den politician
• Albert Memmi (1920–2020) – Tunisian scholar
• Suzanne Carrell (1923–2019) – educator
• Gabriel Camps (1927–2002) – archaeologist den social anthropologist
• Maurice Audin (1932–1957) – mathematician den political activist
• Fadéla M'rabet (born 1935) – writer den feminist
• Fatima Gallaire (1944–2020) – author den playwright
• Youcef Saad (born 1950) – mathematician
• Bernard Picinbono (born 1933) – applied statistician
• Elias Zerhouni (born 1951) – Algerian-born American physician scientist radiologist den biomedical engineer
• Saddek Rabah (born 1968) – University Professor den academic researcher
• Kaouther Adimi (born 1986) – writer
• Abdelkader Rezig Elmokhadimi (1950–2022) – author den journalist

Politics den Diplomacy

• Ferhat Abbas (1899–1985) – politician
• Mohamed Lamine Debaghine (1917–2003) – political activist
• Mehdi Ben Barka (1920–1965?) – Moroccan politician; disappear insyd 1965
• Lakhdar Brahimi (born 1934) – UN diplomat den Algerian Minister of Foreign Affairs
• Hassiba Ben Bouali (1938–1957) – political activist
• Ferhat Mehenni (born 1951) – political activist
• Ahmed Djoghlaf (born 1953) – executive secretary of de Convention on Biological Diversity
• Said Djinnit (born 1954) – United Nations diplomat
• Brahim Djamel Kassali (born 1954) – Algerian Minister of Finance
• Khalida Toumi (born 1958) – feminist activist

External links

• University of Algiers Website (insyd Arabic, English, den French)
• Faculty of Islamic Sciences (insyd Arabic)