Jump to content

Hannah Cockroft

From Wikipedia
Hannah Cockroft
human
Ein sex anaa genderfemale Edit
Country wey e be citizenUnited Kingdom Edit
Country for sportUnited Kingdom Edit
Name wey dem give amHannah Edit
Family nameCockroft Edit
Ein date of birth30 July 1992 Edit
Place dem born amHalifax Edit
Languages dem dey speak, rep anaa signEnglish Edit
Ein occupationathletics competitor Edit
Educate forCoventry University Edit
SportPara-athletics Edit
Sports discipline competed inT34 Edit
Participant insyd2012 Summer Paralympics, 2016 Summer Paralympics, 2020 Summer Paralympics Edit
Award e receiveMember of the Order of the British Empire, Officer of the Order of the British Empire Edit
Dema official websitehttp://www.hannahcockroft.co.uk/ Edit
100 m 18.06 gold medal for de 2012 Paralympic Games
Cockroft dey win de 100 m T34 qualifying heat for de 2012 Summer Paralympics

Hannah Lucy Cockroft[1] (born 30 July 1992) be British wheelchair racer wey dey specialise insyd sprint distances insyd de T34 classification den TV presenter.[2][3] She dey zuk de world records for de 100 metres, 200 metres, 400 metres, 800 metres den 1500 metres insyd ein classification den de Paralympic records for 100 metres, 200 metres, 400 metres den 800 metres.[4] She compete give Great Britain for de 2012 Summer Paralympics, she win two gold medals.[5][6] She win three further gold medals for de 2016 Summer Paralympics insyd Rio de Janeiro.[7]

Early years

[edit | edit source]

Na dem born Cockroft for 30 July 1992 insyd Halifax, West Yorkshire. She get two cardiac arrests after birth wich lef am plus permanent damage insyd numerous areas of ein brain, wey result in weak hips, deform feet den legs den mobility problems wey affect de fine motor skills insyd ein hands.[8] She be able make she walk short distances buh she dey use wheelchair for long distances.[9]

Introduction to wheelchair racing

[edit | edit source]

After dem turn am away from sport thru out ein primary education, Cockroft compete for secondary school insyd swimming, seated discus den wheelchair basketball.[10][11]

As result of silver medal performance insyd de seated discus for de UK School Games, she attend British Paralympic Association talent day for Loughborough University insyd October 2007.[10][12] Here, na dem give am first opportunity make she try elite racing wheelchair by Dr Ian Thompson, husby of former wheelchair racer Tanni Grey-Thompson.[13]

Thompson go on dey coach am for de first year of ein career.[10] Insyd 2008 dance academy she attend give de proceeds from programme sales for ein annual show make e help am buy ein own racing chair, buh wen na e arrive, dem make am-to-measure set up na ebe incorrect, so ein poppie, welder, modify de wheelchair make e fit.[11] After she return to de UK School Games dat year, wey she take gold insyd ein first competitive 100 metres race, na dem subsequently invite am make she join de Great Britain Paralympic Team shortly after de Beijing Paralympics.[10] Insyd 2009, Cockroft participate insyd ein first ever road race; de London Mini Marathon, wey she take de Champion title insyd de girls 14–19 age group category.

2010

[edit | edit source]

By 2010, na Cockroft be coached by Peter Eriksson, head Paralympic coach for UK Athletics.[14] She san compete insyd de London Mini marathon, wey she retain ein title as de female champion den for de Knowsley disability athletics challenge insyd May, she break ein first World Record insyd de T34 400 metres, dey record time of 65.51 seconds. Later dat month, Cockroft sit ein A-level exams wey she break seven more world records insyd de space of eight days.[15][16][17] For de Aviva den UK Athletics Awards insyd December, she receive de Best British Paralympic Performance award for 2010.[18]

2011

[edit | edit source]

Cockroft make ein senior Great Britain team debut for de age of 19, for de 2011 IPC Athletics World Championships insyd Christchurch, New Zealand. Hie, she take gold insyd de T34 100 metres den de T34 200 metres.[19] Later dat year she make ein junior representative debut for de IWAS World Junior Championships, wey she win both de 200 metres den 400 metres. Ein performances earn am second Best British Paralympic Performance award insyd November 2011 den honorary lifetime membership of ein athletics club, Leeds City AC.

2012

[edit | edit source]

Insyd May 2012, Cockroft cam turn de first Paralympic athlete make she break world record insyd de London Olympic Stadium, wey she record time of 18.56 seconds make she win de T34 100 metres.[20] She san break de record for de Swiss National Championships later dat month, wey she fini insyd 17.60 seconds.

For 31 August 2012, Cockroft compete insyd ein first Paralympic Games final wey she win Great Britain ein first track gold medal since 2004, den first track den field gold medal of de 2012 Summer Paralympics, wey she win de final of de 100 metres T34 insyd 18.05 seconds, Paralympic record.[21] For 6 September, she win anoda gold medal insyd 200 metres T34 insyd 31.90 seconds, sanso be Paralympic record.[22] For honour of ein achievements for London 2012, Royal Mail issue two postage stamps wey dey feature Cockroft wey dem paint two post boxes gold insyd ein home town of Halifax.[23][24] Na dem award am de freedom of Calderdale for homecoming event for de Halifax Piece Hall wey na dem name am MBE insyd de 2013 New Year Honours.[25][26]

2013

[edit | edit source]

For 28 July, Cockroft win de T33/T34 100 metres race for de Anniversary Games for de Olympic Stadium plus stadium record time of 17.80 seconds.[27] Later dat month, for de IPC Athletics World Championships insyd Lyon, Cockroft retain both ein T34 100 metres den T34 200 metres titles.[28][29]

Na dem name Cockroft insyd de 2013 BBC Sports Personality of de Year shortlist, wey she cam 7th overall. Na she be de first Paralympian make dem ever nominate am for de award outsyd of Paralympic year.[30][31]

2014

[edit | edit source]

Insyd March, Cockroft compete insyd wey she win Sport Relief edition of Strictly Come Dancing, wey she boogie plus Pasha Kovalev.[32] For 1 June, Cockroft record fresh world-record time of 3.53.57 over 1500 metres during de Bedford International Games.[33]

Insyd August, Cockroft take gold insyd 100 metres den for de first time she compete insyd de 800 metres, wey she win gold for ein first IPC European Championships wey na dem hold insyd Swansea. She later take ein fourth title as British Athletics Para athlete of de year wey na dem name am Athletics Weekly female para athlete of de year.

2015

[edit | edit source]

2015 see Cockroft loose ein first race insyd seven years, wen she cam second to British compatriot Kare Adenegan over 400 metres for de Newham open meet insyd July. She win de 800 metres later de same day. Insyd Doha for de IPC World Championships for de end of de season, Cockroft retain ein world champion title over de 100 metres, wey she win ein first gold medals over de 400 metres den 800 metres, for world championship stage.

2016

[edit | edit source]

For de 2016 Rio Summer Paralympic Games, Cockroft win three gold medals, wey she retain ein title insyd de Women's 100 metres T34 Final,[34] wey she win de Women's 400 metres T34 Final, wey she record fresh world-record time of 58.78 seconds,[35] den de Women's 800 metres T34 Final.[36] She break de Games record insyd all three events. Upon ein return home, na dem appoint am Deputy Lieutenant of West Yorkshire.

2017

[edit | edit source]

Insyd 2017, Cockroft race over de 1500 metres for de third time for ein career insyd, wey she break de T34 World record plus time of 3.50.22. She now hold de full set of T34 World Records for de first time. For de same meet, dem hold insyd Arbon for Switzerland insyd, she sanso demolish ein 400-metre World record set de previous year for de Rio 2016 Paralympic Games, den ein 800-metre World Record, wey she record fresh time of 1.55.73. Insyd July, she return 'home' to de QEII Olympic Stadium insyd Stratford make she compete insyd ein fourth World Championships. Although na she get food poisoning de night before de T34 100 metres final, Cockroft power home make she take gold insyd fresh world-record time of 17.18 seconds. She sanso cam turn world champion over de 800 metres den 400 metres, wey make am 10-time world champion den de most decorated British athlete insyd World Championship history. Na dem name Cockroft British Sportswoman of de year by de Sports Journalists Association for ein achievements. Na she be de first Paralympic athlete make she ever win de award for ein 57-year history insyd.

2018

[edit | edit source]

2018 see Cockroft ein first defeat for de international stage. After she top de podium for seven years, de 26-year-old win silver insyd de T34 100 metres for de World Para Athletics European Championships insyd Berlin. She then go on make she regain ein European Champion title over de 800 metres, after she miss de event insyd 2016.

2021

[edit | edit source]

Insyd June 2021, na Cockroft dey mong de first dozen athletes make dem chose dem make dem represent de UK for de 2020 Paralympics dem postpone insyd Tokyo.[37] For de end of June, na she dey insyd Manchester for de British Athletic Championships wer na she be first insyd mixed classification 400 metres wheelchair race in front of Sammi Kinghorn den Mel Woods.[38] She successfully retain ein women's 100 metres T34 Paralympic title after she win gold for de Tokyo Paralympics plus fresh world record timing of 16.39 seconds.[39] Na e sanso ne ein third consecutive Paralympic gold medal insyd women's 100 metres event den ein sixth Paralympic gold medal.[40][41]

2023

[edit | edit source]

Insyd July 2023, she win ein sixth 100m world title for de Para Athletics World Championships insyd Paris.[42]

Ein life matter

[edit | edit source]

Cockroft lef ein home den training base insyd Yorkshire make she study journalism den media for Coventry University insyd 2013. She move back to ein home town of Halifax insyd 2016 make she prepare for de Rio Paralympic Games. She get ambitions make she work insyd television media after ein athletics career.

Insyd October 2014 she launch 17 Sports Management Limited ("17"), sports management company.[43]

She dey cite Canadian wheelchair racer Chantal Petitclerc as ein sporting inspiration.[44] Petitclerc, winner of 15 Paralympic gold medals wey formerly Eriksson coach am, dem involve am plus Cockroft ein development as mentor den advisor.[45][46]

Insyd March 2019 she appear for special Stand Up To Cancer episode of The Great British Bake Off for Channel 4 top.[47][48] Insyd 2020, Cockcroft den ein partner Nathan Maguire appear togeda for celebrity special top of de BBC television programme The Hit List.[49]

Hannah Cockroft ein gold postbox insyd Mount Tabor, West Yorkshire

Honours

[edit | edit source]

Na dem appoint Cockroft Member of de Order of the British Empire (MBE) insyd de 2013 New Year Honours[50][51] den Officer of de Order of the British Empire (OBE) insyd de 2022 New Year Honours,[52][53] both for services to athletics.

  • Na dem award am de Freedom of de Borough of Calderdale for 13 September 2012.[25]
  • Insyd 2014 na dem award Cockcroft honorary degree by de University of Bradford.[54]
  • Insyd 2016 na dem award Cockcroft honorary degree by York St John University[55]
  • Insyd October 2016, na dem appoint Cockroft Deputy Lieutenant of West Yorkshire.
  • Na dem appoint Cockroft was appointed Officer of de Order of the British Empire (OBE) insyd de 2022 New Year Honours for services to athletics.[52][56]

Statistics

[edit | edit source]
Personal Bests
Event Time Competition Location Date
100m 17.18 World Para Athletics Championships London, UK 14 July 2017
200m 30.51 Daniella Jutzeler Memorial Meet Arbon, Switzerland 4 June 2015
400m 57.73 Swiss National Championships Arbon, Switzerland 27 May 2017
800m 1.55.73 Swiss National Championships Arbon, Switzerland 28 May 2017
1500m 3.50.22 Para Athletics Grand Prix Nottwil, Switzerland 3 June 2017

Records

[edit | edit source]
Event Time Competition Location Date
World records
200 metres T34 30.51 Daniella Jutzeler Memorial Meet Arbon, Switzerland 4 June 2015
400 metres T34 57.73 Swiss National Championships Arbon, Switzerland 27 May 2017
800 metres T34 1.55.73 Swiss National Championships Arbon, Switzerland 28 May 2017
Paralympic records
100 metres T34 17.42 2016 Summer Paralympics Rio de Janeiro, Brazil 10 September 2016
200 metres T34 31.90 2012 Summer Paralympics London, United Kingdom 6 September 2012
400 metres T34 58.78 2016 Summer Paralympics Rio de Janeiro, Brazil 14 September 2016
800 metres T34 2.00.62 2016 Summer Paralympics Rio de Janeiro, Brazil 16 September 2016

References

[edit | edit source]
  1. ↑ "Hannah Lucy Cockroft- Double World Champion". Facebook. Retrieved 12 September 2012.
  2. ↑ "Hannah Cockroft OBE". Sporting Heritage. Retrieved 15 August 2024.
  3. ↑ "Tokyo Paralympics: Great Britain's Hannah Cockroft wins third successive 100m gold". BBC Sport. 29 August 2021. Retrieved 15 August 2024.
  4. ↑ "IPC Athletics Records". www.paralympic.org. Retrieved 10 September 2012.
  5. ↑ "Paralympics 2012: Cockroft wins first GB track gold". BBC Sport. 31 August 2012. Retrieved 1 September 2012.
  6. ↑ "Paralympics 2012: Hannah Cockroft wins second sprint gold". BBC Sport. 6 September 2012. Retrieved 6 September 2012.
  7. ↑ "Rio 2016 Paralympic Results".
  8. ↑ "Hannah Cockroft remembers her fifth birthday, 1997". Daily Telegraph. 7 March 2014. Archived from the original on 26 January 2018. Retrieved 4 March 2020.
  9. ↑ Marsh, Jennie (29 August 2012). "London 2012 Paralympics: Ten essential facts about ... Hannah Cockroft". Evening Standard. London. Retrieved 10 March 2020.
  10. ↑ 10.0 10.1 10.2 10.3 "Hannah Cockroft". Leeds Gold. Archived from the original on 24 December 2012. Retrieved 11 September 2012.
  11. ↑ 11.0 11.1 Williams, Richard (31 August 2012). "Hannah Cockroft burns up the track to relight a flame at Paralympics". The Guardian. Retrieved 11 September 2012.
  12. ↑ "London 2012 Athletes: Hannah Cockroft". ParalympicsGB. Archived from the original on 9 July 2016. Retrieved 10 September 2012.
  13. ↑ Steinberg, Jacob (18 August 2012). "Paralympics 2012: Hannah Cockroft fears freeze on London's big stage". The Guardian. Retrieved 10 September 2012.
  14. ↑ "Hannah Cockroft". London 2012. Archived from the original on 11 September 2012. Retrieved 11 September 2012.
  15. ↑ "Sports Personality contender: wheelchair racer Hannah Cockroft". BBC Sport. 4 December 2013. Retrieved 15 August 2024.
  16. ↑ Steinberg, Jacob (18 August 2012). "Paralympics 2012: Hannah Cockroft fears freeze on London's big stage". The Observer. ISSN 0029-7712. Retrieved 15 August 2024.
  17. ↑ "Paralympics 2012: Hannah Cockroft storms away from the field to win GB's first athletics gold". The Telegraph. 31 August 2012. Retrieved 15 August 2024.
  18. ↑ "Gaudio Designs and Manufactures UKA Aviva Athletics Awards". Gaudio Trophies. Retrieved 15 August 2024.
  19. ↑ "London 2012 Athletes: Hannah Cockroft". ParalympicsGB. Archived from the original on 9 July 2016. Retrieved 10 September 2012.
  20. ↑ "London 2012 Athletes: Hannah Cockroft". ParalympicsGB. Archived from the original on 9 July 2016. Retrieved 10 September 2012.
  21. ↑ "Paralympics 2012: Cockroft wins first GB track gold". BBC Sport. 31 August 2012. Retrieved 1 September 2012.
  22. ↑ "Paralympics 2012: Hannah Cockroft wins second sprint gold". BBC Sport. 6 September 2012. Retrieved 6 September 2012.
  23. ↑ "Another stamp for Hannah's second gold medal win!". Halifax Courier. 10 September 2012. Retrieved 10 September 2012.
  24. ↑ "Location of Hannah Cockroft's second golden post box revealed". Halifax Courier. 19 September 2012. Retrieved 28 September 2012.
  25. ↑ 25.0 25.1 "Hannah Cockroft awarded Freedom of Calderdale". BBC News. 13 September 2012. Retrieved 14 September 2012.
  26. ↑ "Crowds welcome Hannah home!". Halifax Courier. 13 September 2012. Retrieved 14 September 2012.
  27. ↑ "Anniversary Games: Alan Oliveira world record, Jonnie Peacock PB". BBC Sport. BBC. 28 July 2013. Retrieved 28 July 2013.
  28. ↑ "IPC Athletics: Hannah Cockroft and Aled Davies win gold medals". BBC Sport. BBC. 20 July 2013. Retrieved 21 July 2013.
  29. ↑ "IPC Athletics: Hannah Cockroft secures sprint double in Lyon". BBC Sport. BBC. 22 July 2013. Retrieved 22 July 2013.
  30. ↑ "Hannah Cockroft OBE DL | Paralympic Speakers | Evolve Agency". Evolve. Retrieved 15 August 2024.
  31. ↑ Purcell, Emma (20 August 2021). "Tokyo 2020 Paralympics: Hannah Cockroft". Disability Horizons. Retrieved 15 August 2024.
  32. ↑ "Sport Relief does Strictly". Wheelchair Dance Support Association (UK). Archived from the original on 14 July 2014. Retrieved 12 June 2014.
  33. ↑ "Bedford International Games – Results" (PDF). Bedford International Games. Retrieved 12 June 2014.
  34. ↑ "Gold and silver in Paralympics 100m for Coventry's Hannah Cockroft and Kare Adenegan". Coventry Telegraph. 11 September 2016. Retrieved 16 September 2016.
  35. ↑ "Paralympics 2016: Britain surpass Beijing 2008 gold medal total as Sarah Storey and Hannah Cockroft triumph". The Independent. 15 September 2016. Retrieved 16 September 2016.
  36. ↑ "Rio Paralympics: Halifax's Hannah Cockroft leads golden streak to beat London 2012 tally". Yorkshire Post. 16 September 2016. Retrieved 16 September 2016.
  37. ↑ "British team for Paralympics starts to take shape". AW. 23 June 2021. Retrieved 24 June 2021.
  38. ↑ "Muller British Champs (Sunday): Jemma and Beth book Tokyo tickets". Scottish Athletics. 27 June 2021. Retrieved 23 July 2021.
  39. ↑ Media, P. A. (29 August 2021). "Cockroft breaks T34 100m world record to claim sixth Paralympic gold". The Guardian. Retrieved 29 August 2021.
  40. ↑ "Cockroft wins third successive 100m gold". BBC Sport. Retrieved 29 August 2021.
  41. ↑ "ATHLETICS PARALYMPIC GOLD MEDALLISTS AMONG THOSE RECOGNISED IN THE NEW YEAR HONOURS LIST". British Athletics. Retrieved 15 August 2024.
  42. ↑ "Para Athletics World Championships: Hannah Cockroft leads 100m British clean sweep". BBC Sport. 13 July 2023. Retrieved 15 August 2024.
  43. ↑ Hannah Cockroft launches sports management company
  44. ↑ "London 2012 Athletes: Hannah Cockroft". ParalympicsGB. Archived from the original on 9 July 2016. Retrieved 10 September 2012.
  45. ↑ Hart, Simon (6 September 2012). "Paralympics 2012: Hannah Cockroft destroys the field as she wins T34 200m final to claim gold for Great Britain". The Telegraph. Retrieved 11 September 2012.
  46. ↑ "Hannah Cockroft Q&A". Channel 4. Archived from the original on 10 September 2012. Retrieved 10 September 2012.
  47. ↑ Spink, Alex (19 August 2021). "Hannah Cockroft primed for Paralympic take off after Celebrity Bake Off". The Mirror. Retrieved 15 August 2024.
  48. ↑ "The Great Celebrity Bake Off for Stand Up To Cancer press pack | Channel 4". www.channel4.com. Retrieved 15 August 2024.
  49. ↑ "Nathan Maguire". Paralympic.org. International Paralympic Committee. Retrieved 9 August 2021.
  50. ↑ "No. 60367". The London Gazette (Supplement). 29 December 2012. p. 24.
  51. ↑ "2013 New Year's Honours" (PDF). Retrieved 29 December 2012.
  52. ↑ 52.0 52.1 "No. 63571". The London Gazette (Supplement). 1 January 2022. p. N11.
  53. ↑ "New Year Honours 2022: Jason Kenny receives a knighthood and Laura Kenny made a dame". BBC Sport. 31 December 2021.
  54. ↑ "Hannah Cockroft receives honorary degree". The Telegraph and Argus. 17 July 2014. Retrieved 2 August 2014.
  55. ↑ Lewis, Haydn (15 November 2016). "Degree of success for York St John". York Press. Retrieved 11 November 2019.
  56. ↑ "New Year Honours 2022: Jason Kenny receives a knighthood and Laura Kenny made a dame". BBC Sport. 31 December 2021.
[edit | edit source]

Wikimedia Commons get media wey relate to Hannah Cockroft.

Dem retrieve am from "https://gpe.wikipedia.org/w/index.php?title=Hannah_Cockroft&oldid=37603"