Kassena
De Kassena people be ethnic group wey dey locate along de Northern Ghana den Burkina Faso border. Dema chief dey live for de Tiébélé town insyd. De Kasenna dey closely relate plus de Nankanni people wey dem bring dem together so say dem go form de Kassena-Nankana administrative district for 1936 insyd.[1] As of 2008 de (Kassena-Nankana) area dey comprise of two districts: Kassena Nankana West den Kassena Nankana East.[2][3]
Religious beliefs
[edit | edit source]De Kassena historically be monotheistic animist people wey dey worship de Creator God "We" den dem dey venerate de ancestors. E be dis same syllable "We" wey be found for chao Kassena names lyk "Webedouh", "Wettelne", den , "Wepouli." For traditional Kassena society dem dey bury de decease for dema family ein ancestral courtyard.
Political systems
[edit | edit source]Dem dey bell de traditional ruler for de Kassena town "Peh." Every town get ein own "Peh" wey de most powerful ruler be de Tiébélé Peh.
Art
[edit | edit source]Dem know de Kassena people sake of dema wooden masks, clay sculptures, den wooden jewelry, as well as dema music. De Djongon be de name of de traditional Kassena dance festival where gatherers dey dance de Djongo or nagila dance.
Society
[edit | edit source]Dem group traditional Kassena society for chiefdoms insyd, five of dem be predominant:Navrongo, Paga, Chiana, Kayoro, Katiu den Nakon.[1]
Home call
[edit | edit source]De Belgian anthropologist, Ann Cassiman, conduct detailed ethnographic accounts give de Kassena. For ein book insyd “Stirring Life: Women's Paths and Places Among the Kasena of Northern Ghana”,[4] she dey elaborate for de material culture top, rituals den social practices as dem experience for rural Kassena village. Dis research san lead to museum exhibition wey dem entitle am 'Home Call', de Museum Aan de Stroom (MAS) wey house am for Antwerp, Belgium.[5]
References
[edit | edit source]- ↑ 1.0 1.1 Austin, Dennis (1976). Ghana Observed: Essays on the Politics of a West African Republic. Manchester University Press. pp. 72. ISBN 9780841902787.
- ↑ Koram, Kwadwo A.; Ahorlu, Collins K. (2014). Towards Effective Disease Control in Ghana: Research and Policy Implications: Volume 2 Other Infectious Diseases and Health Systems. Sub-Saharan Publishers. p. 264. ISBN 9789988647629.
- ↑ Awedoba, A. K. (2010). An Ethnographic Study of Northern Ghanaian Conflicts: Towards a Sustainable Peace : Key Aspects of Past, Present and Impending Conflicts in Northern Ghana and the Mechanisms for Their Address. African Books Collective. p. 289.
- ↑ Stirring Life Northern Cultural Anthropology. amazon.com.
- ↑ Home Call. kuleuven.be.
External links
[edit | edit source]Wikimedia Commons get media wey relate to Kassena people.