Jump to content

Kayleigh Haggo

Edit links
From Wikipedia
Kayleigh Haggo
human
Ein sex anaa genderfemale Edit
Country wey e be citizenUnited Kingdom Edit
Name wey dem give amKayleigh Edit
Family nameHaggo Edit
Ein date of birth1999 Edit
Place dem born amIrvine Edit
Ein occupationathletics competitor Edit
Participant insydboccia at the 2024 Summer Paralympics, 2024 Summer Paralympics Edit

Kayleigh Haggo (born 1 February 1999) be Scottish boccia player, frame runner, den para swimmer. Dem schedule am make she represent Great Britain for de 2024 Summer Paralympics insyd Paris insyd boccia insyd de women's individual den mixed team events.[1][2]

Early life den education

[edit | edit source]

Dem born Haggo insyd Irvine wey she grow up insyd Ayr. Although she attend mainstream school growing up, na Haggo no be involve insyd school sports, as na school staff be unsure how make dem accommodate ein cerebral palsy.[3]

She attend Ayrshire College, wer she study Coaching den Developing Sport.[3]

Athletic career

[edit | edit source]

As of 2024, Haggo dey work as Disability Inclusion Trainer for Scottish Disability Sport, wey she dey run trainings give PE teachers for how make dem accommodate disabled students.[3] She previously work insyd South Ayrshire, wer na she be Active Schools coordinator dey begin insyd 2021.[4][5] She sanso dey run Inspire, organization wich dey serve disabled kiddies den young adults involve plus sport.[6]

Para athletics

[edit | edit source]

Haggo begin frame running for age 12, wey she go travel to Glasgow weekly make she train. By age 13, na she dey compete internationally insyd de sport.[3] For de 2012 European Para Youth Games insyd Brno, Czech Republic, Haggo win three gold medals.[7] She sanso attend de 2012 Summer Olympics insyd London as spectator, wich spark ein goal of she compete for de Paralympics.[8]

After several years as para swimmer, Haggo return to frame running insyd 2018, wen na World Para Athletics take up de sport.[3][7] She represent Great Britain for de 2018 European Para Athletics Championships.[9] Insyd 2019, she win de inaugural women's 100m RR3 event for de World Para Athletics Championships insyd Dubai plus time of 18:32.[7][10] Insyd 2021, she win gold medal insyd frame running for de Para-athletics European Championships insyd Poland.[2]

Haggo hope make she attend de Paralympics as frame runner, buh na dem no include de event insyd de 2024 Summer Paralympics lineup.[3] As of 2024, she remain de world record holder for frame running insyd de 100, 200, 400, 800, 1500 den 5000 metre events.[2][8]

Para swimming

[edit | edit source]

Haggo take up para swimming for four years between 2014 den 2018, for part secof na dem no include de discipline insyd World Para Athletics' program.[3][7][9]

Boccia

[edit | edit source]

Haggo begin dey play boccia insyd February 2022,[2] driven by de desire make she compete for de Paralympics after na dem announce dem no go include frame running insyd de event's 2024 lineup.[3][11] She compete insyd de Scottish Championship few months later.[4] She first compete internationally insyd Poznan insyd August 2022.[5][12]

She cam turn full-time player insyd 2023 as part of de United Kingdom ein World Class Programme, wich dey provide funding to athletes, dey allow dem make dem train full-time.[3] Dat year she compete insyd de Montreal World Cup, were na she win bronze insyd de BC1/2 team event.[12]

Insyd 2024, Haggo win gold medals insyd de women's individual event den de BC1/2 Team event for de Lahti Challenger insyd Finland.[2] Na dem name am to Great Britain ein Paralympic boccia team insyd June 2024.[4][12]

Honours

[edit | edit source]

Insyd 2017, YMCA Scotland name am for dema list of 30 most inspiring women under 30 top.[12] Insyd 2020, na dem nominate Haggo for Sports Personality of the Year at de South Ayrshire Sports Awards.[7] She receive de Young Scot Health & Wellbeing Award insyd 2021.[6] Insyd 2022 na dem induct am into Ayrshire College's College Hall of Fame.[13]

Ein life matter

[edit | edit source]

Haggo get quadriplegic cerebral palsy plus dystonia.[5] Insyd 2015, Department for Work and Pensions disability benefit rules dem change mean Haggo fi loose ein motability vehicle. Around 2,900 people sign Change.org petition for support of Haggo.[14]

She live insyd Maybole plus ein mommie as of 2020. During de COVID-19 pandemic, town residents raise money make dem buy Haggo equipment so she go fi train for ein home.[7]

Haggo dey plan make she marry ein fiancé, Kevin, for late 2024 insyd.[2]

References

[edit | edit source]
  1. ↑ "HAGGO Kayleigh". www.paralympic.org. Retrieved 2024-08-28.
  2. ↑ 2.0 2.1 2.2 2.3 2.4 2.5 "Kayleigh Haggo". ParalympicsGB. Retrieved 2024-08-28.
  3. ↑ 3.0 3.1 3.2 3.3 3.4 3.5 3.6 3.7 3.8 McEvoy, Milly (2024-04-07). "Paris 2024: Kayleigh Haggo reveals childhood struggles and switch from frame running to boccia". The Scotsman.
  4. ↑ 4.0 4.1 4.2 "Kayleigh's boccia switch books Paris place". Sport First. Sportscotland. Retrieved 2024-08-28.
  5. ↑ 5.0 5.1 5.2 N, Viv (2022-08-19). "From frame-running to boccia, Kayleigh gets GB call-up". Boccia UK. Retrieved 2024-08-28.
  6. ↑ 6.0 6.1 Greenaway, Heather (2021-09-14). "World record holder Kayleigh Haggo eyes up medal at 2024 Paralympics". Daily Record. Retrieved 2024-08-28.
  7. ↑ 7.0 7.1 7.2 7.3 7.4 7.5 "Kayleigh Haggo racerunning for something bigger". International Paralympic Committee. 2020-07-28. Retrieved 2024-08-28.
  8. ↑ 8.0 8.1 "Maybole's Kayleigh Haggo wants to relish Paralympic experience". Ayr Advertiser. 2024-08-26. Retrieved 2024-08-28.
  9. ↑ 9.0 9.1 "Scots teen sportstar Kayleigh champions racerunning on global platform". Aberdeen & Grampian Chamber of Commerce. 2018-08-21.
  10. ↑ "Kayleigh Haggo - Athletics, Swimming | Paralympic Athlete Profile". International Paralympic Committee. Retrieved 2024-08-28.
  11. ↑ "I'm living my Paralympic dream after switching sports". www.bbc.com. 2024-08-14. Retrieved 2024-08-28.
  12. ↑ 12.0 12.1 12.2 12.3 "Kayleigh Haggo". Boccia UK. 2024-08-26. Retrieved 2024-08-28.
  13. ↑ "Kayleigh Haggo inducted into the Hall of Fame at Virtual College Expo22". College Development Network. 2022-08-24. Retrieved 2024-08-28.
  14. ↑ Gander, Kashmira (2015-06-01). "Teenage Paralympic star Kayleigh Haggo to lose motability car because she is not disabled enough under new DWP rules". The Independent.
Dem retrieve am from "https://gpe.wikipedia.org/w/index.php?title=Kayleigh_Haggo&oldid=38841"