Kisii University
| Year dem found am | 2013, 2007, 1965  |
|---|---|
| Motto text | Fons Scientiae |
| Country | Kenya |
| Edey de administrative territorial entity insyd | Kisii |
| Coordinate location | 0°41′28″S 34°46′59″E |
| Dema official website | http://www.kisiiuniversity.ac.ke |
Kisii University be public university wey dey locate insyd Kisii.[1] Na dem found am insyd 1965 as primary teachers’ training college for 61-acre land top wey dem donate by de County Council of Gusii. De college continue up to 1983 wen na dem upgrade go secondary teachers’ college make e offer Diploma programmes.
History[edit | edit source]
De Government of Kenya mandate de university make e take over de college as ein campus insyd 1994.[2] Na Kisii Campus be one of de earliest campuses make dem create am insyd Kenya by de then Head of State, H.E. Daniel arap Moi. Insyd 1999, de Faculty of Commerce establish Bachelor of Business den Management as ein first degree programmes within de campus make e run alongside postgraduate Diploma insyd Education, wich na dem phase out insyd 2001.[3]
For 23 August 2007, na dem establish Kisii University College thru Government Legal Notice No.163 of 2007 as constituent college of Egerton University.[4] For 6 February 2013, na dem award charter make e cam turn de 13th public university insyd Kenya.[5]
De university main campus dey situate 2 km from Kisii Town Centre, off the Kisii – Kilgoris Road.[6]
Campuses den schools[edit | edit source]
De students dey distribute over de Main Campus, Kisii Town Campuses, Keroka Campus, Nyamira Campus, kisumu, Ogembo Campus den Migori Campus.
De university get de faculties, schools den institutes wey dey follow:
- School of Law
- School of Pure den Applied Sciences
- School of Health Sciences
- School of Business den Economics
- School of Education den Human Resource Development
- School of Arts den Social Science[7]
- School of Information Science den Technology
- School of Agriculture den Natural Resource Management
As part of ein expansion programme, de university gbele campuses insyd Nairobi, Eldoret, Kisumu, Kitale den Kabarnet.[8]
Directorate of E-Learning[9]
Due to de COVID-19 virus wey dey ravage de whole world, e-learning cam turn model of teaching give de university plus full directorate wey dey spearhead dey offer learning thru dat platform.
Departments
De university get several oda departments wey dey support de academic wing of de university. One of de notable ones be de Anti-Ada[10] Unit wey dey coordinate de prevention, early detection den mitigation of substance abuse thru education, advocacy, empowerment den partnership give productive university community - students den staff.
Oda Supportive Programmes
- Online Orientation
Special moments dey call for special interventions. De university thru de vice chancellor ein officer dey now offer online orientation give students wey want make dem enrol into fresh semesters. Dis dey save both students den staff time den money wey dem fi use take cam physically for campus make dem participate for de exercise insyd.
- Selfcare[11]
Dem enable make staff den students make dem request for university services for de comfort of dema homes thru de selfcare platform of de university.
Up-Coming Centre
De main mission of university be research den teaching. While de later be obvious, de former be yet make dem well cultivate am. Make dem dey respond to de global mandate of universities, Kisii University dey set up Centre for Natural Products den Drugs for Nyangweta farm insyd South Mugirango Constituency of Kisii County. Dis centre go get botanical garden of flora den fauna of medicinal value found insyd de western region of Kenya from wich dem go extract natural products of medicinal value, isolate am den elucidate am for de healing of diseases.
References[edit | edit source]
- ↑ "Commission for University Education - Status Of Universities (Universities Authorized to Operate in Kenya) - Status Of Universities (Universities Authorized to Operate in Kenya)". www.cue.or.ke. Retrieved 2020-05-25.
- ↑ "About Us". Kisii University. Retrieved 2020-05-29.
- ↑ "About Us". Kisii University. Retrieved 2020-05-29.
- ↑ "About Us". Kisii University. Retrieved 2020-05-29.
- ↑ "About Us". Kisii University. Retrieved 2020-05-29.
- ↑ "About Us". Kisii University. Retrieved 2020-05-29.
- ↑ "SASS – School of Arts and Social Sciences". Retrieved 2020-05-29.
- ↑ "Status of Universities.Universities Authorized to Operate in Kenya, 2013". Commission for University Education. Archived from the original on 7 July 2013. Retrieved 12 July 2013.
- ↑ "Kisii University E-learning Portal". elearning.kisiiuniversity.ac.ke. Retrieved 2020-05-30.
- ↑ "Anti-ADA Unit". Kisii University. Retrieved 2020-05-30.
- ↑ "Kisii University". selfcare.kisiiuniversity.ac.ke. Retrieved 2020-05-30.