Mercy ffoulkes-Crabbe
| Ein sex anaa gender | female  |
|---|---|
| Country wey e be citizen | Ghana |
| Name wey dem give am | Mercy |
| Family name | Crabbe |
| Ein date of birth | 1894 |
| Date wey edie | 1974 |
| Ein poppie | Benjamin Quartey-Papafio |
| Ein occupation | teacher, journalist |
| Award e receive | Member of the Order of the British Empire |
Mercy Kwarley ffoulkes-Crabbe, née Quartey-Papafio (dem born am 6 January 1894 – wey she die 14 June 1974) be Ghanaian teacher, de first indigenous woman wey head school for Gold Coast Times. She san be women's columnist for de pseudonym Gloria, for Gold Coast Times.[1][2]
Ein Early Life den Education
[edit | edit source]Na Mercy Quartey-Papafio be daughter of Benjamin Quartey-Papafio, de first Gold Coast doctor, den Hannah Maria Duncan of Cape Coast. She attend school for Wesleyan Methodist School wey dey Cape Coast den Accra Grammar School wey ein be part of de skul founders. As she chop 16 years na she be de first girl for West Africa wey gain College of Preceptors den Senior Cambridge Certificate. As she start dey teach for Accra Government Girls School na ein annual salary be £25 for 1911 insyd. For 1913 insyd, dem send she den ein sisto Ruby go Saxonholme School wey dey Birkdale, wey she return go Accra for 1915 insyd. Na she be assistant headmistress for Accra Government Girls School, wey samtym too she act as headmistress.[3]
Dem appoint am as headmistress give Cape Coast Government Girls School for 1921. She chop dat post saa till she retire for 1949, wey she train ein teachers after school give preparation for external certificate examination. Na she be de first person for Gold Coast wey introduce Parent Teacher Association so say ego improve understanding between parents den teachers. She san introduce evening classes give adult women for Cape Coast, though na she for discontinue de initiative after opposition from husbands.[3]
Dem give am MBE award for 1949. She help Evelyn Amarteifio form de National Federation of Gold Coast Women for 1953, wey she san serve as dema first presido.[3]
Ein life matter
[edit | edit source]Na she marry Edward Atkin Niven Ffoukles-Crabbe wey Professor Dorothy Jane Oluman Ffoukles-Crabbe be dema daughter.[4]
Ein Death
[edit | edit source]She die for June 1974, wey dem bury am for Osu cemetery.[3]
References
[edit | edit source]- ↑ Gadzekpo, Audrey (27 September 2016). "The Hidden History of Women in Ghanaian Print Culture". In Oyeronke Oyewumi (ed.). African Gender Studies: A Reader. Springer. p. 291. ISBN 978-1-137-09009-6.
- ↑ Gadzekpo, Audrey (2006). "Public but Private: A transformational reading of the memoirs and newspaper writings of Mercy Ffoulkes-Crabbe". In Karin Barber (ed.). Africa's Hidden Histories: Everyday Literacy and Making the Self. Indiana University Press. pp. 314–337. ISBN 0-253-34729-7.
- ↑ 3.0 3.1 3.2 3.3 Chinbush, A. B. (16 December 2005). "Heroes of Our Time: Mrs Mercy Kwarley ffoulkes-Crabbe". The Daily Graphic. No. 149613. p. 11. Retrieved 18 April 2020.
- ↑ "Alumni Stories". Old Achimotan Association. Retrieved 2023-11-06.