Tai Solarin University of Education

Tai Solarin University of Education

university

Year dem found am	2005
Dem name after	Tai Solarin
Country	Nigeria
Edey de administrative territorial entity insyd	Ijebu Ode
Coordinate location	6°47′34″N 3°55′50″E
Dema official website	https://tasued.edu.ng/
Accredited by	National Universities Commission

De Tai Solarin University of Education be state varsity of education insyd Nigeria. Dem establish am insyd 2005. Edey locate insyd Ijagun, Ijebu-Ode, Ogun State.

Demma History

Dem name de university after de Nigerian educational administrator den human rights activist Tai Solarin (1922–1994). Ebe de 76th approved university for Nigeria insyd. De Tai Solarin University of Education (TASUED, dem dey pronounce am TARSUD), dem proclaim sam full-fledged university (den sam transformation of de erstwhile Tai Solarin College of Education, dem establish for January 1978 insyd), for 29 January 2005 by de administration of Otunba Gbenga Daniel. De Nation ein Premier University of Education.

Dem officially approve TASUED as university by de National Universities Commission (NUC) for Tuesday 28 November 2005. Ebe citadel of learning wey dem dedicate say give de production of competent professional educators den teachers wey get immense knowledge of demma chosen subjects/disciplines of study den de requisite pedagogical skills of subject delivery. De University be unique for dat insyd, from inception, estart four-year mandatory vocational den entrepreneurial study go de curriculum of ein B.Ed, B.Sc(Ed), B.Sc den B.A (Ed) programmes so say students go get two certificates for graduation; one for demma chosen course of study den de oda proficiency certificate for de vocational den entrepreneurial study insyd. Furthermore, for sam sequel give de NUC Resource Assessment exercise for April 2019 insyd, de Commission in addition give de existing programmes (undergraduate den postgraduate) grant de university de approval say ego establish sam postgraduate programmes den de full-time mode of sam undergraduate programmes. In all, dem newly approve 59 programmes: 33 PhD programmes, 13 M.A, M.Sc, M.A(Ed) den M.Sc(Ed) programmes den 13 B.A den B.Sc programmes.

Demma Vice Chancellors

De Vice Chancellors of de varsity since ein founding dey as follows:

• Professor Olukayode Oyesiku
• Professor Segun Awonusi
• Professor Oluyemisi Oluremi Obilade
• Professor Abayomi Arigbabu
• Professor Oluwole Sikiru Banjo (2023 - Till date)

Demma Colleges

De varsity get five colleges for ein undergraduate programmes den postgraduate college.

• College of Specialised and Professional Education (COSPED)
• College of Science and Information Technology (COSIT)
• College of Humanities (COHUM)
• College of Social and Management Sciences (COSMAS)
• College of Vocational and Technology Education (COVTED)
• The Postgraduate College (TPC)

Demma Campus den hostels

De university get halls den auditoriums such as de Otunba Gbenga Daniel Auditorium, University (e-learning) block, Alex O. Onabanjo Complex, CEPEP building, de Science Complex, den de Lecture Theatre. E sanso get halls of residence (hostels) give students. Students sanso dey reside for hostels dem build insyd by de residents of de local communities such as Ijagun, Ijele, Imaweje, den Ijebu Ode. Mosun Filani, Ademola Adeegbe den Toyin Oyinlola be notable alumni of de varsity.

Occupy TASUED

New government wey na Senator Ibikunle Amosun dey lead cam power for Ogun State for 2011 wey dem attempt say dem go scrap TASUED. Students of de institution rise against de decision wey dem form de #OccupyTASUED campaign.

For February 14, 2012, for one of demma trips go de state house wey dey Oke-Mosan, Abeokuta, de bus wey na edey convey TASUED supporters ein tyre get puncture wey e roll ova twice. De accident inflict injuries for chaw wey e eventually cause de death of Olatunji Fashina aka Humble TeeJay. Layemi, Azeez Agboola (Olofin), Ishola Adebayo Crown, Owoblow, Tola Ben, wey na sam few odas wey sana dey de bus top get accident.

Today, dem honour Tunji Fashina as hero of de successful struggle secof he pay huge price plus ein life. Dem name de Students Union Govt (SUG) building after am.

Demma Notable alumni

• Mosun Filani (Actress)
• Glory Onome Nathaniel (Athlete)
• Olamide (Artist)