Tubman University
| Year dem found am | 1978  |
|---|---|
| Country | Liberia |
| Edey de administrative territorial entity insyd | Harper |
| Coordinate location | 4°24′1″N 7°41′48″W |
| Dema official website | http://www.tubmanu.edu.lr/ |
William V. S. Tubman University, dem commonly know as Tubman University, be public university wey dey locate insyd Harper, Maryland County, Liberia. Dem name de university after William Tubman, de 19th President of Liberia.
Dem found am insyd 1978 as de William V. S. Tubman College of Technology, na de school dey originally offer associate's degrees insyd architecture, civil engineering, electrical engineering, electronics den mechanical engineering.[1] Na Tubman sanso be one of de main schools insyd Liberia make e produce secondary school teachers.[2] Insyd 1990, na de college be accredited make dem offer Bachelor of Science degrees for those fields insyd, buh soon e close following de outbreak of de First Liberian Civil War. De school remain closed thru de 1990s up to de end of de Second Liberian Civil War insyd 2003.[1] Enrollment numbers show 264 students den faculty of 28 insyd 1999.[2]
Insyd 2008, na dem reopen de college by Presido Ellen Johnson Sirleaf, plus dem appoint Dr. Elizabeth Davis-Russell dat year as de first female presido of de university.[3] Insyd April 2009, Sirleaf sign bill wey dey elevate Tubman to university status, wey dem gbele newly university wey dem rename den renovate am for 14 September 2009.[3] De school ein enrollment stand for 288 for dat time, of wich na 219 be male den 69 be female.[4] Enrollment stand for 838 for de first semester of de 2013-14 school year, den de school dem hold ein first commencement insyd June 2014.[5] William V. S. Tubman University be proud of ein graduating class of nursing students wey experience 100% pass-rate for de State Board of Nursing examinations. De nation ein first female mechanical engineer graduate from William V. S. Tubman University insyd 2016.
Organization[edit | edit source]
De university be governed by board of trustees dem appoint by de presido of Liberia.[6] Dem organize de university into six colleges:[1]
- College of Agriculture den Food Sciences
- College of Education
- College of Engineering den Technology
- College of Health Sciences
- College of Management den Administration
- College of Arts den Sciences
References[edit | edit source]
- ↑ 1.0 1.1 1.2 "About TubmanU". Tubman University. Retrieved 2010-10-23.
- ↑ 2.0 2.1 "Liberia". World Data on Education (Sixth ed.). UNESCO-IBE. June 2006.
- ↑ 3.0 3.1 "Sirleaf Dedicates Tubman University". The Daily Observer. March 5, 2010.
- ↑ Kwanue, C.Y. (February 7, 2010). "Faculty at Liberia's 9 Universities, Colleges Numbers 1,137". Daily Observer. Retrieved June 27, 2011.
- ↑ Sirleaf, Ellen Johnson. "Annual Message to the Third Session of the 53rd National Legislature of the Republic of Liberia". Daily Observer. Liberian Observer Corporation. Retrieved 21 February 2014.
- ↑ "Board of Trustees of the Tubman University Appointed". The Perspective. January 23, 2010.