Jump to content

University Shalom of Bunia

From Wikipedia
University Shalom of Bunia
educational institution, private university
Year dem found am1961 Edit
Motto textExcellence Spirituelle et Académique pour la Transformation de la Société par Christ Edit
CountryDemocratic Republic of the Congo Edit
Edey de administrative territorial entity insydBunia Edit
Coordinate location1°33′13″N 30°14′42″E Edit
Dema official websitehttps://www.unishabunia.org/ Edit
Map

Shalom University of Bunia (French: Université Shalom de Bunia), dem sanso know am as USB, be private Christian university wey dey locate insyd de city of Bunia, insyd de Democratic Republic of Congo (DRC). Plus enrolment of over 1,100 students for de 2019–2020 academic year,[1] ebe one of de largest universities insyd de city of Bunia, along plus Bunia University (UNIBU). E currently get six faculties wey dey offer 35 majors.[2] Ebe one of 11 universities dem authorize make dem offer doctoral studies insyd de DRC.[3]

Campus

[edit | edit source]

Shalom University dey make up of two campuses. De main campus, Campus Southard, be 12 hectares (30 acres) wey dey locate insyd de center of de city of Bunia. Campus Langford be 38 hectares (94 acres), wey dey locate to de west of Bunia near de Bunia airport. Shalom ein 58 buildings den numerous annexes dey provide 44 classrooms, 26 staff houses, 66 student apartments, nursery, primary den secondary school complex of 2500 students, den one medical clinic.[4]

History

[edit | edit source]

Na dem originally establish Shalom University as theological institute insyd 1959 dem bell Theological School of Northern Congo (École de Théologie au Congo du Nord - E.T.C.N.). Insyd 1961 na dem gbele ein doors insyd Banjwade 65 kilometers north of Kisangani. Three years later e temporarily interrupt ein operations wey dem force am make e relocate to Bunia secof de 1964 Simba rebellion. Insyd 1967 de school move to de current location of ein main campus.

De university continue make e develop wey insyd 1973 e change ein name to Institut Supérieur Théologique de Bunia (ISTB). E launch ein first master's degree in theology insyd 1986. During de violent tribal fighting insyd Bunia during de Ituri Conflict, na dem dey see ISTB as neutral ground wer warring tribes fi meet den talk.[5]

Then, insyd 2007, de school take ein current form as Shalom University of Bunia, wey dey offer five faculties. Na dem choose de name Shalom (peace) secof of de role de university play insyd de Ituri Conflict peace process.

Insyd 2011, Shalom University begin dey offer ein first doctorate program within de School of Evangelical Theology, den insyd 2015 Shalom University launch ein sixth faculty, de Faculty of Medicine.

Insyd February 2018, violence reignite insyd de territory of Djugu, just north of Bunia. Armed militias burn 70 villages to de ground, killed hundreds, wey dem displace over 100, 000.[6] Shalom University sanso play active role make e diffuse hostilities by hosting public debate production put for top by Radio Okapi wey dey involve local politicians den humanitarian workers wey dey address de violence den how make dem bring am to end.[7]

Partnerships den accreditations

[edit | edit source]

Shalom University be accredited den recognize by presidential decree by de government of de DRC.[8] Ein theological programs sanso be accredited by de Association for Christian Theological Education insyd Africa (ACTEA).

Shalom University be de creation of five denominations insyd DRC: Emmanuel Community (dem found am by CMML), de Community of Baptist Churches of Eastern Congo (dem found am by WorldVenture), de Evangelical Community in de Center of Africa (dem found am by AIM International), de Evangelical Community of Christ in de Heart of Africa (dem found am by WEC International) den de Nation of Christ in Africa Community (dem found am by Crossworld den UFM Worldwide). Dese five denominations be full members of de university wey dey provide members for de board of directors.

Alo Library
Muchmore Doctoral Center

For addition de organizations wey dey follow partner plus Shalom University: Langham Partnership, URCO, ACTEA, SIL International, SIM, Hilfe für Brüder, Development Associates International (DAI), TEEAL (De Essential Electronic Agricultural Library), Overseas Council, Christliche Fachkräfte International, den Engineering Ministries International. Shalom dey collaborate plus SIL International for ein major insyd Bible Translation. E dey collaborate plus Development Associates International for ein Master of Arts in Organizational Leadership,[9] plus de Agricultural Association for Development for ein faculty of Agriculture den faculty of Development, den plus Centre Médical Évangélique (CME) for ein faculty of Medicine.

COBAC

[edit | edit source]

Plus ein library of 47, 000 volumes, de largest library insyd Bunia,[10] Shalom University spearhead de development of de “Consortium of Academic Libraries of Congo” wich dem officially launch am insyd June 2015. Dis consortium of 12 universities be de first of ein kind insyd de Democratic Republic of Congo.[11]

Faculties

[edit | edit source]
  • Faculty of Agronomy
  • Faculty of Medicine
  • Faculty of Development Studies
  • Faculty of Environmental Sciences    
  • Faculty of Evangelical Theology
  • Faculty of Management den Administration

References

[edit | edit source]
  1. ↑ "Nombre d'inscriptions à la fin des années 2012 à 2019 selon Faculté". sis.unishabunia.org. Retrieved 2020-02-20.
  2. ↑ Bunia, Université Shalom de. "Université Shalom de Bunia". Université Shalom de Bunia (insyd French). Retrieved 2019-03-16.
  3. ↑ N307/MINESU/CABMIN/TMF/RK3CPM/2016. (in French) 27 September 2016. Ministre de l'Enseignement Supérieur et Universitaire.
  4. ↑ Engineering Ministries International. Central Campus Report. Calgary: Engineering Ministries International. June 2014.
  5. ↑ Atido, George Pirwoth. “From Seminary to University at Bunia: A Paradigmatic Mission Re-Focus.” African urban Christian Identity: Emerging Patterns, Ed. Philomena Njeri Mwaura, J. Steven O’Malley, Acton Publishers, 2016, pp. 165-194.    
  6. ↑ "Militias Are Burning Villages in Congo. We Tracked the Toll". The New York Times. ISSN 0362-4331. Retrieved 2019-03-16.
  7. ↑ "Comment promouvoir la paix en Ituri?". Radio Okapi (insyd French). 2018-04-24. Retrieved 2019-03-16.
  8. ↑ N507/MINESU/CABMIN/FL/RS/2006. (in French) 28 July 2006. Ministère de l’Éducation Supérieur et Universitaire.
  9. ↑ Background information on the MAOL Programme
  10. ↑ "Bibliothèque Alo de l'Université Shalom de Bunia -- Université Shalom de Bunia". librarytechnology.org. Retrieved 2019-03-16.
  11. ↑ "WELCOME TO COBAC (LE CONSORTIUM DES BIBLIOTHÈQUES ACADÉMIQUES DU CONGO) | EIFL". www.eifl.net. Retrieved 2019-03-16.
Dem retrieve am from "https://gpe.wikipedia.org/w/index.php?title=University_Shalom_of_Bunia&oldid=34601"