University of Bamenda
| Year dem found am | 2011  |
|---|---|
| Country | Cameroon |
| Edey de administrative territorial entity insyd | Bamenda |
| Coordinate location | 5°55′48″N 10°10′12″E |
| Member of | Association of African Universities |
| Dema official website | http://www.unibda.net/ |
De University of Bamenda (UBa) be Anglophone university insyd Bamenda, NorthWestern Cameroon.
History
[edit | edit source]De university open insyd 2011 as de second English language university insyd Cameroon, na de University of Buea be de one up per til then.[1] E begin plus de Higher Teachers Training College den de Higher Technical Teachers Training College as de faculties per.[2]
Campus
[edit | edit source]De main campus of de University of Bamenda dey insyd Bambili,[3] subdivision insyd Bamenda, Mezam Division, Northwest region of Cameroon. De village dey along de Ring Road northeast of Bamenda. Anglophone area, dem dey teach chaw school kiddies for English insyd, wey de use of Pidgin English be widespread. English den Pidgin dey play significant role insyd community life, buh de Mbeligi language dey still maintain ein place as de heart language of chaw Bambili people.
Students insyd de Faculty of Health Science dey currently take studies for Mile 3 Nkwen Bamenda for de campus between Fonab Polytechnic den Saint Louise Higher Institute of Health.
Bambili be surrounded by number of languages wey dey relate (Bambui, Babanki, Bafut, Mankon, Nkwen, Mendakwe den Awing). Mbeligi be de dialect of Bambili, buh distinctly dey relate to de oda ngemba languages (den each group dey insist for ein independent identity).
Organisation den administration
[edit | edit source]De top official insyd de University of Bamenda, like oda state universities insyd Cameroon, be de Minister of Higher Education.
De position dey follow by de pro-chancellor den next de vice-chancellor. Dem assist de vice-chancellor by de registrar.
De dean den vice-dean be in charge of each faculty.
De university institutes be headed by de director. Each department be controlled by de Head of department. De student administration be headed by Student Union Presido.
Admission
[edit | edit source]Dem dey do admission into de higher institutes/university colleges insyd de University of Bamenda thru competitive entrance exams wich dey involve written den oral examination. Dem dey require students into oda faculties make dem follow registration procedure wich dey involve presentation of results den study of files.
Pass insyd ordinary level English be major requirement give students from Cameroon. Dem dey require students from oda countries make dem possess proficiency insyd de English language; without dis requirement, dem dey automatically disqualify de applicant.[4]
Faculties den schools
[edit | edit source]De University of Bamenda dey make up of de faculties, schools den colleges wey dey follow:[5]
- Faculty of Arts
- Faculty of Law den Political Science(plus 4 departments for undergraduate program wich be English private law, public law, political science den French private law.) Dis faculty sanso get post graduate programs insyd English Law den political science, no dey live out Capacity insyd law wich be program wich students plus 4 ordinary level papers fi enroll insyd.
- Faculty of Economics den Management Science
- Faculty of Education
- Faculty of Science
- Faculty of Health science
- De College of Technology
- De Higher Institute of Commerce den Management
- De Higher Institute of Transport den logistics
- De Higher Teachers’ Training College of Bamenda insyd Bambili[6]
- De Higher Technical Teachers’ Training College of Bamenda insyd Bambili[7]
- National Higher Polytechnic Institute (NAHPI, School of Engineering)
References
[edit | edit source]- ↑ "Education in Cameroon". CameroonWeb. Retrieved 11 September 2018.
Originally The University of Buea was the only English-model university, but with the University of Bamenda opening its doors in 2011 Cameroon now has two English Universities.
- ↑ "Higher Education: Pioneer Vice Chancellor of Cameroon's Bamenda University Takes Office". Cameroon Today News. Cameroon Today. 5 October 2011. Retrieved 11 September 2018.
For now, only the Higher Teachers Training College and the Higher Technical Teachers Training College, the two pioneer institutions of the Bamenda University are functional and government sources say, the other faculties and institutions will soon go operational.
- ↑ "Where is Bambili in Nord-Ouest, Cameroon located?". www.gomapper.com. Retrieved 2017-09-17.
- ↑ The University of Bamenda Faculties and Admission, Ask Cameroon
- ↑ DARAVE, Dramane. "University of Bamenda: Presidential decree gives a picture - Langaa Research and Publishing Common Initiative Group (Langaa RPCIG)". www.langaa-rpcig.net. Retrieved 2017-09-17.
- ↑ "H.T.T.C. – Higher Teacher Training College". httcbambili.com. Retrieved 2017-09-17.
- ↑ "ENSET BAMBILI – Higher Technical Teacher Training College Bambili". ensetbambili.net (in French). Retrieved 2017-09-17.