Jump to content

University of Medical Sciences and Technology

From Wikipedia
University of Medical Sciences and Technology
medical school, university
Year dem found am1996, 1995 Edit
CountrySudan Edit
Edey de administrative territorial entity insydKhartoum Edit
Coordinate location15°34′37″N 32°33′27″E Edit
Dema official websitehttp://www.umst-edu.org/ Edit
Map

De University of Medical Sciences and Technology (UMST) be co-educational mainly medical oriented college insyd Khartoum, Sudan. De mission of UMST be make e serve de educational needs of Sudanese, African den Arab students.[1] Edey locate insyd de Riyad district of Khartoum. E first gbele first ein doors insyd 1995 plus student body of only forty students den two faculties. Insyd 2017 e cam turn home to 5,000-6,000 students wey dey cost US$15,000 give de school of medicine insyd 2018.[2] De university get 14 faculties. Insyd 2014 de University state dat na 60% of ein students be foreign.[3]

History

[edit | edit source]

De UMST begin as private, non-profit making educational Academy, insyd Khartoum, Sudan for 1996 insyd. Na dem establish UMST by Professor Mamoun Homeida former vice-chancellor for de University of Khartoum (den later Minister of Health for Khartoum State).[4] Homeida sanso recruit several faculty members from de University of Khartoum.[5] Since then, de Academy expand to 14 undergraduate faculties, namely, Medicine, Dentistry, Pharmacy, Medical Laboratory Sciences, Radiological Sciences, Anaesthesia, Nursing Technology, Engineering, Computer Science den Information Technology, Business Administration, Economics Social den Environmental Studies, Mass Communication, den Law.[1][6] E sanso get School of Nursing Technology[6] den dey offer 14 Master's degree programs, four PhD programs den four postgraduate diplomas.[7] E cam turn full university insyd 2007.[4]

Annual student undergraduate fees give de year 2016-2017 range from US$1,500 (Nursing Diploma) to US$15,000 (Bachelor of Medicine, Bachelor of Surgery).[8] Local Sudanese den international students dey bia de same fees.[2]

From 2014-2017 na der be reports say dem recruit about 20[9] students for UMST by organisation dem dey bell de Islamic Cultural Organisation (ICO) make dem join ISIS.[3][10][11][12] Na Mamoun Homeida ban ICO Mamoun Homeida wey na dem no dey regard UMST by de British Medical Journal as university dem particularly expose to radical Islamic influences.[4]

Faculty of Medicine

[edit | edit source]

Insyd Sudan, endemic diseases, mainly of tropical nature, dey constitute significant cause of diseases den dey lay extra burden for medical students wey dey learn top. Plus dese challenges for mind insyd, dem establish de Faculty of Medicine insyd 1996.[13]

Dem equip de Faculty of Medicine plus lecture theatres den laboratories (Biochemistry, Physiology, Physics, Dissection room, Biology/Molecular biology den Skills laboratory). Dem establish de Teaching Hospital den number of health centers make e receive de students. Dem gbele two specialized high-tech diagnostic/treatment clinics make e receive de students for training: Yastabshiroon Centre wer na dem house imaging techniques, e.g., MRI, Spiral CT, ultrasound den echo scan, EEG, EMG, endoscopy plus laparoscopic surgery, laser treatment facilities.

UMST dey offer BM den BS undergraduate degrees insyd medicine, several MSc degrees (wey dey include Public den Tropical Health)[1] den postgraduate diplomas insyd HIV/AIDS, Epidemiology den Biostatistics den Research Methodology den Biostatistics.[7]

Faculty of Dentistry

[edit | edit source]

Na dem establish de school of Dentistry insyd 1997 as part of Faculty of Medicine buh na dem rename am Faculty of Dentistry insyd 1998 after expansion of buildings den departments.

De Faculty of Dentistry dey conduct course of studies wey dey lead to de degree of Bachelor of Dental Surgery (B.D.S.) to students wey dey satisfy de regulations den successfully pass de examinations dem undertake during five academic years. De Faculty of Dentistry dey located for de Academy Charity Teaching Hospital (ACTH), insyd Elimtidad, Khartoum,[14] den among heavily populated residential area wich dey guarantee excellent catchments of patients for training of students den within reach of transport facilities from de centre of Khartoum. Dem equip de dental clinic plus dental units (one unit per student) dey within de main outpatient department of ACTH. De Deans office, de lecture theatres den de laboratories dey insyd one block den within 50 meters of de dental outpatient department. De School of Dental Technology dey share de same building.

Der be two lecture halls plus capacity of 42 students each, two phantom skills laboratories plus 24 phantom heads for preclinical training insyd operative dentistry den prosthodontics dem fix, chrome cobalt /porcelain den acrylics laboratories each plus capacity for 20 students for a time.

Faculty of Pharmacy

[edit | edit source]

De Faculty of Pharmacy dey comprise lecture theatres, laboratories, library den two teaching pharmacies wich dey locate for de main Academy premises den for de Academy Charity Teaching Hospital.[15]

Faculty of Anaesthesia

[edit | edit source]

Sudan get lack of de anaesthetists especially outsyd de Center State " Khartoum " as few universities get faculties of Anaesthesia Sciences wich dey offer four-year BSc insyd Anaesthesia. Na UMST be de third University make e establish BSc degree insyd Anaesthesia after de University of Gezira den Alzaiem Alazhari University. De UMST program dey consist of eight semesters wey dey cover medical sciences den anaesthesia courses wey na dem approve am by de Sudanese Ministry of Higher Education, Ministry of Health den de WHO. Candidates dey graduate as Anaesthesia Technologists. De first batch of anesthesia students for UMST start dema studies insyd 2004.[16] Graduates dey use de titles "Second Anesthesia Specialist" insyd Sudan, "Specialist of Anesthesia Technology" insyd Saudi Arabia den "Anesthesia Technologist" for oda Gulf countries insyd.

Faculty of Nursing Sciences

[edit | edit source]

De Faculty of Nursing Sciences start insyd 1999, as part of de Academy of Medical Sciences and Technology.[17] Apart from ein undergraduate programs, UMST dey offer two master degrees in Nursing (insyd community & paediatrics)[1] den PhD program in Nursing Sciences.[7]

Faculty of Engineering

[edit | edit source]

De University of Medical Sciences and Technology establish de Faculty of Engineering insyd 2002 make e manage graduate education den research. De Faculty of Engineering dey manage teaching den research programs insyd de Faculty ein departments of Biomedical Engineering den Electronics Engineering. Dem design specialization-option courses make e introduce de students to specialization insyd specific areas. Students dey select either from among departmental courses base for dema personal interests top anaa choose one anaa two option sequences from among those dem specify by dema department.[18]

De course be 5 academic years for length insyd den dey lead to B.Sc. (Honors) in Biomedical Engineering (specialization insyd Bio-instrumentation, Medical Imaging den Medical Informatics) den Electronics Engineering (specialization in Communication den Control). De course dey base for de international curricula dem update top for biomedical engineering den electronics engineering top wey ebe according to de guidelines dem lay by de Ministry of Higher Education den Sudan Engineering Council. De curriculum dey include courses insyd life sciences, electronics, communication, electrical engineering computer sciences den information systems. Dem dey conduct de practical part of de medical science portion insyd de Faculty of Medicine laboratories den supervise by de faculty staff. De faculty establish advanced Electronics den Biomedical laboratories den workshop such as Electrical, Electronics, Communication, Digital den Bio-instrumentation, Biosensors, Microprocessor, Microcontroller & interfacing, CAD laboratories. Dem dey conduct all courses for English Language insyd.

Faculty of Computer Science den Information Technology

[edit | edit source]

Dem establish de Faculty of Computer Science den Information Technology make e satisfy urgent need insyd Sudan for program of advanced study & training insyd de field of Information Technology.[19]

References

[edit | edit source]
  1. ↑ 1.0 1.1 1.2 1.3 "UMST Chairman of the Board". UMST University. 2016. Retrieved 2017-02-05.
  2. ↑ 2.0 2.1 "University Rankings - University of Medical Sciences and Technology". UniRank. 2017-02-05. Retrieved 2017-02-05.
  3. ↑ 3.0 3.1 "Tarik Hassane's university issue statement on his arrest". 5 Pillars. 2014-10-12. Retrieved 2017-02-05.
  4. ↑ 4.0 4.1 4.2 Gardham, Duncan (2015-07-04). "Doctors and Islamic State - Time for tighter checks on medical schools?" (PDF). The British Medical Journal. Retrieved 2017-02-06.
  5. ↑ Ille, Enrico (2017). "4". In Fasenfest, David (ed.). Rethinking Private Higher Education: Ethnographic Perspectives - Political, Financial and Moral Aspects of Sudan's Private Higher Education. Vol. 101. Netherlands: Koninklijke Brill. p. 105. ISBN 978-90-04-26739-8.
  6. ↑ 6.0 6.1 "Undergraduate Faculties". UMST. 2016. Retrieved 2017-02-06.
  7. ↑ 7.0 7.1 7.2 "Dean, Graduate College, Professor Abdalla O Elkhawad". UMST University. 2016. Retrieved 2017-02-06.
  8. ↑ "Undergraduate tuition fees for the academic year 2016 – 2017". UMST University. 2016. Retrieved 2017-02-06.
  9. ↑ Hamilton, Fiona (2017-03-02). "British medical students killed fighting for Islamic State in Iraq". The Times. Retrieved 2017-03-02.
  10. ↑ Hashim, Daniel Sandford, Steve Swann and Mohanad (2015-07-17). "UK medical student 'recruited for IS' at university in Sudan". BBC News. Retrieved 2017-02-05.
  11. ↑ "Fresh batch of Sudanese college students fly to join ISIS". Sudan Tribune. 2015-08-31. Retrieved 2017-02-05.
  12. ↑ Dipesh, Gadher (2017-02-05). "British medics studying in Sudan flock to join Isis". The Times. Retrieved 2017-02-05.
  13. ↑ "Faculty of Medicine". UMST University. 2016. Retrieved 2017-02-06.
  14. ↑ "Faculty of Dentistry". UMST University. 2016. Retrieved 2017-02-06.
  15. ↑ "Faculty of Pharmacy". UMST University. 2016. Retrieved 2017-02-06.
  16. ↑ "Faculty of Anaesthesia". UMST University. 2016. Retrieved 2017-02-06.
  17. ↑ "Faculty of Nursing Sciences". UMST University. 2016. Retrieved 2017-02-06.
  18. ↑ "Faculty of Engineering". UMST University. 2016. Retrieved 2017-02-06.
  19. ↑ "Faculty of Computer Science & Information Technology". UMST University. 2016. Retrieved 2017-02-06.
[edit | edit source]
Dem retrieve am from "https://gpe.wikipedia.org/w/index.php?title=University_of_Medical_Sciences_and_Technology&oldid=34057"