University of Natal

University of Natal

university

Year dem found am	1910
Country	South Africa
Edey de administrative territorial entity insyd	Durban
Demma headquarters location	Durban
Replaced by	University of KwaZulu-Natal
Date dem dissolve, abolish anaa demolish	1 January 2004
Dema official website	http://www.nu.ac.za/

Na de University of Natal be university insyd de former South African province Natal wey later cam turn KwaZulu-Natal. De University of Natal no longer dey exist as distinct legal entity, as na dem incorporate am into de University of KwaZulu-Natal for 1 January 2004. Na dem found am insyd 1910 as de Natal University College insyd Pietermaritzburg wey dem expand am make e include campus insyd Durban for 1931 insyd. Insyd 1947, de university gbele medical school give non-white students insyd Durban. Na dem know de Pietermaritzburg campus for ein agricultural engineering programmes, hence de nickie "de farmers" whilst dem know de Durban campus as "de engineers," as edey concentrate for oda engineering programmes.

For 1 January 2004, dem merge de University of Natal plus de University of Durban-Westville make dem create fresh legal entity dem dey bell de University of KwaZulu-Natal, as part of broader reorganisation of South African universities.

Former leaders

Principal

• Owen P.F. Horwood
• -1977 Francis E. Stock
• 1977-1984 N. Desmond Clarence
• 1984-1991 Peter de V. Booysen

Vice-principal, Pietermaritzburg campus

• 1976-1988 Deneys Schreiner
• 1988-1992 Colin Webb

Vice-principal, Durban campus

• -1977 N. Desmond Clarence
• 1977-1984 Peter de V. Booysen
• 1992- Christopher F. Cresswell

Post-2002

De Council of the University of Natal vote for 31 May 2002 make e offer de post of Vice-Chancellor den University Principal to world-renowned medical scientist den former Medical Research Council Presido - Professor Malegapuru Makgoba whey he assume office for 1 September 2002. Na dem entrust am plus make he lead de University of Natal into de merger plus de University of Durban-Westville. For so doing, he cam turn de last Vice-Chancellor of de University of Natal. Professor Makgoba succeed Professor Brenda Gourley as Vice-Chancellor.

Brenda Gourley, qualified chartered accountant, na she de second last vice-chancellor of de University of Natal. Ein appointment for de university insyd 1994 na ebe historical event insyd South Africa. Na she be de first woman insyd South Africa make dem appoint am as vice-chancellor of South African university.

De Maritime law programme base for de then Institute of Maritime Law for de University of Natal, wey na dem pioneer am under de headship of Professor Hilton Staniland, na he be one of de first Maritime law programmes of ein kind insyd South Africa. Dem know well de above institute insyd South African Maritime circles. Number of South African statutes wey dey regulate de South African maritime industry na dem draft am by Professor Hilton Staniland for de above Institute, wey dey include de Carriage of Goods by Sea Act 1 of 1986 den de Wreck den Salvage Act 94 of 1996.

De Memorial Tower Building for de Howard College Campus of de University of KwaZulu-Natal, Durban

Events

Under apartheid, de Howard College Campus, insyd Durban, na dem know am for de activism of ein staff den students against government-imposed racial segregation. Particularly insyd de 1960s na Natal University students be active insyd de non-racial National Union of South African Students, wey na ebe one of de main organizations wey dey oppose de apartheid system. Insyd de 1970s den 1980 na chaw of ein students be members of de often-banned South African Students' Organisation (SASO), centre for de main arts centre for de Howard College campus. For addition, de university magazine Dome (dem name give for de dome of de Howard College Building), na ebe active against apartheid wey na dem often ban am, plus de printing press dem move around make e dem prevent am make police no confiscate am.

Campus Facilities

De main science block for de Howard College campus, dem plete am insyd de early 1980s, na ebe pivotal location for biological research den game conservation for de province. De Howard College campus insyd Durban na dem string am out along de Berea, ridge to de north of de Durban city centre.

De Howard College campus get number of onsite residences, dem name after prominent South Africans wey dey include John Bews, Ernest Jansen, Louis Botha den Mabel Palmer.

Na de Pietermartizburg campus be de original campus, though e later cam turn de smaller of de two main campuses. De campus dey insyd suburban location, centre for de library den administration buildings top. De library dey house chaw historic books, wey dey include books for colonial history den Boer war history top. Unlike de Durban campus, chaw students no dey live insyd campus residences.

De Pietermaritzburg campus dey house de Alan Paton Centre & Struggle Archives. Formerly dem dey bell am de Alan Paton Centre for de Study of de Literature den Politics of Inter-group Conciliation, dem gbele dis centre for 24 April 1989 by Professor Colin Webb.

Alumni

Further information: Category:University of Natal alumni

External links

Wikimedia Commons get media wey dey relate to University of KwaZulu-Natal.

• University of Natal at de Wayback Machine (archive index)
• University of Natal-Durban at de Wayback Machine (archive index)
• University of Natal-Pietermaritzburg at de Wayback Machine (archive index)