University of Ngozi

De University of Ngozi (UNG), dem sanso know am as Ngozi University, be private university insyd Burundi. Dem establish am for 17 April 1999 by de Constituent Assembly wey na dem approve am by Ministerial Ordinance No. 530/264 for 7 May 1999.

Location

De university campus dey locate insyd de city of Ngozi, insyd Ngozi Province for northern Burundi insyd. Dis be approximately 126 kilometres (78 mi), northeast of Bujumbura, de commercial capital den largest city insyd de county. De university campus dey locate about 88 kilometres (55 mi) north of de city of Gitega, de national political capital.

Dis location dey lie off de Kayanza– Gashikanwa Road (RN6) insyd de north-eastern part of de city of Ngozi. De geograpical coordinates of de university campus be: 2°54'16.0"S, 29°49'52.0"E (Latitude:-2.904444; Longitude:29.831111).

Overview

According to ein website, na dem establish de University of Ngozi partly make e address admission pressures for de University of Burundi, insyd Bujumbura for dat time. Insyd 1999, na dem estimate say der be about 7,000 university students wey dey attend de University of Bujumbura, de university per insyd Burundi then, wich na dem design make e accommodate no more dan 4,000 students then.

For addition, na der be active civil war wey dey go on for Burundi insyd. De planners' of Ngozi University, calculate say plus more university positions available insyd de country, dem go encourage young people make dem pursue further education, instead of make dem join de civil conflict.

Faculties

De university dey maintain de faculties wey dey follow:

1. Faculty of Law, Economics den Management

2. Faculty of Letters, Languages, Communication den Arts

3. Faculty of Medicine den Health Sciences (University Institute of Health Sciences of Ngozi)

4. Faculty of Agronomics den Veterinary Sciences

5. Faculty of Science den Technology

Alumni

1. Eveque Mutabaruka: Chief Information Officer for Bank of Kigali, since September 2022. He graduate plus Bachelor of Science degree plus honors, in Computer Science, from University of Ngozi.