Botswana Accountancy College

De Botswana Accountancy College, dem sanso know am as BAC, be business school wich dey headquarter insyd de city of Gaborone, Botswana. Initially dem fund den establish am thru joint venture between de Ministry of Finance den Development Planning den Debswana, de college dey cater for de accountancy den information technology tertiary needs of de country. De Botswana Accountancy College dey assert ein self as de center of excellence insyd Southern Africa den beyond. E dey specialize insyd areas of accounting, finance, business, management, hospitality, taxation, leisure, den ICT. BAC get two campuses; de main campus dey insyd Gaborone, den de oda insyd Francistown. De Gaborone Campus dey locate insyd de Fairgrounds Office Park of south-east Gaborone.

De college get collaborations plus de University of Derby, de University of Sunderland den Sheffield Hallam University insyd England.

History

Na dem establish de college insyd 1996 as joint venture between de Ministry of Finance den Development Planning (MFDP), de Debswana Diamond Company, den de Botswana Institute of Accountants, wey dey enroll about 349 ACCA, CIMA, AAT den NCC diploma students. Botswana Accountancy College sanso dey offer undergraduate programs wey be accredited by de University of Derby. De objectives of de college be make e reduce de reliance for expatriate accountants den, for de long term, make e be self-funding project. BAC be company limited by guarantee plus three sponsors as de shareholders. De MFDP den Debswana fund BAC til 2007. De Gaborone Campus dey locate insyd de Fairgrounds Office Park of south-east Gaborone.

Stakeholders

Stakeholders insyd BAC dey include:

• De Ministry of Finance
• De Ministry of Education
• Debswana
• Botswana Institute of Chartered Accountants
• Tertiary Education Council

Partners

• De University of Derby
• De University of Sunderland
• De Botswana Unified Revenue Service
• De Insurance Institute of South Africa
• Sheffield Hallam University