Jump to content

Djo Tunda Wa Munga

From Wikipedia
Djo Tunda Wa Munga
human
Ein sex anaa gendermale Edit
Country wey e be citizenDemocratic Republic of the Congo Edit
Ein date of birth25 October 1972 Edit
Place dem born amKinshasa Edit
Ein occupationfilm director, screenwriter, film producer Edit

Djo Tunda Wa Munga (born 1972)[1] dem sanso know am as Djo Munga, be a Congolese film director den producer. He be best known for ein award-winning 2010 thriller Viva Riva!, de first feature film make dem produce insyd de Democratic Republic of the Congo for over 28 years.[2]

Early Life den Education

[edit | edit source]

Na dem born Djo Munga insyd 1972 insyd Kinshasa, insyd de Democratic Republic of the Congo, na den times ebe Zaire. For age nine he move go Belgium wer na he attend a catholic boarding school for College St. Augustine for five years. He attend a fine Arts school insyd Brussels before he enroll insyd INSAS, de national film school of Belgium, insyd 1993.[3]

Career

[edit | edit source]

Prompted by de end of Mobutu Sese Seko ein dictatorship insyd 1997, Munga return to Kinshasa make he start a career as a filmmaker. War break out insyd 1998, upending ein plans wey e force am make he take on a variety of jobs beyond just filmmaking while he dey travel back den forth between Belgium den de DRC for de chaw years wey dey follow.[3]

Insyd 2002 Munga get ein first notable break insyd de film business as a production manager for de BBC documentary television series Congo: White King, Red Rubber and Black Death about King Leopold II of Belgium ein brutal reign over de Congo Free State.[3][4] Na work for oda television documentaries follow wey dey include as a line producer for de DRTV2 2004 production of The Danish Congo Adventure wich chronicle de role of Danish seamen insyd Belgium ein colonization of de Congo. Insyd 2005 he serve as assistant director for Cuba, an African Odyssey about Cuba ein support for various African revolutions.[5]

Insyd 2005, Munga sanso direct ein own documentary, Horizon en Transition, wich dey follow de political transition insyd de DRC after decades of dictatorship den five years of war.[6]

Munga cap 2010 plus de international premier of ein first feature film, Via Riva!, for de Toronto International Film Festival. He wrep, direct den produce de thriller, a gritty portrayal of life insyd Kinshasa wey cam turn an international critical den commercial success. E go on make e receive 12 nominations wey e win 6 awards, wey dey include for Best Director, for de 7th Africa Movie Academy Awards.[7][8][9] E sanso win Best African Movie for de 2011 MTV Movie Awards.[10] Insyd 2011 de film open insyd 18 countries thru out Africa, an unusually wide release for an African film.[11]

Insyd de director notes give de film Munga state say: "In making Viva Riva! I wanted to find a new way to talk about life in Kinshasa today - to describe how my hometown works and how it doesn't work. I also felt the time was right to depict aspects of life in the capital that everyone knows exist but no one has ever talked about publicly."[12]

Na dem name am African trailblazer for de 2010 MIPCOM, de international forum for documentary screenings.

References

[edit | edit source]
  1. ↑ "Djo Tunda Wa Munga". Brooklyn, New York, USA: www.icarusfilms.com. Retrieved 29 May 2011.
  2. ↑ "The first feature film out of the DRC in over 28 years". africasacountry.com (in American English). 2019-06-15. Retrieved 2024-12-10.
  3. ↑ 3.0 3.1 3.2 "Djo Munga". georginacapel.com (in English). Retrieved 2024-12-10.
  4. ↑ "A review of the TV programme 'Congo: White King, Red Rubber and Black Death' (BBC 4)". archives.history.ac.uk. Retrieved 2024-12-11.
  5. ↑ "Icarus Films". icarusfilms.com. Retrieved 2024-12-10.
  6. ↑ "Films | Africultures : Horizon en transition". Africultures (in French). Retrieved 2024-12-10.
  7. ↑ Roxborough, Scott (31 March 2011). "'Viva Riva!' Sweeps African Academy Awards". The Hollywood Reporter. Los Angeles, California. Retrieved 29 May 2011.
  8. ↑ Clarke, Cath (31 March 2011). "First sight: Djo Tunda Wa Munga". guardian.co.uk. Guardian Media Group. Retrieved 29 May 2011.
  9. ↑ Hahn, Kate (9 April 2010). "Filmmaker breaks ground in Congo". Variety. NY City, New York, USA. Retrieved 29 May 2011.
  10. ↑ "Viva Riva! Wins Inaugural Best African Movie Category", MTV News, 6 June 2011.
  11. ↑ Smith, David (2011-10-19). "Congo's first feature film for 25 years opens in 18 countries". The Guardian (in British English). ISSN 0261-3077. Retrieved 2024-12-10.
  12. ↑ "Viva Riva Production Notes" (PDF). indigenousfilm.co.za. 2025. Retrieved 1 January 2025.
[edit | edit source]
Wikimedia Commons get media wey relate to Djo Tunda Wa Munga.
Dem retrieve am from "https://gpe.wikipedia.org/w/index.php?title=Djo_Tunda_Wa_Munga&oldid=47781"