Dzifa Gomashie

Dzifa Gomashie

human

Sex anaa gender	female
Country wey e be citizen	Ghana
Name in native language	Dzifa Abla Gomashie
Given name	Dzifa
Family name	Gomashie
Date of birth	25 July 1965
Place dem born am	Aflao
Native language	Ewe
Languages dem dey speak, wrep anaa sign	English
Occupation	actor, entrepreneur, politician
Position dem hold	Member of the 8th Parliament of the 4th Republic of Ghana
Educate for	University of Ghana, St. Louis Senior High School, Institute of African Studies University of Ghana
Academic degree	diploma, bachelor's degree, Master of Philosophy
Academic major	theater arts, African studies
Work location	Aflao
Work period (start)	1985
Political party ein member	National Democratic Congress
Candidacy in election	2020 Ghanaian general election
Notable work	By the Fire Side, Black Star, Mambo, House of Pain, House of Gold
Award dem receive	3Music Awards

Ablah Dzifa Gomashie be Ghanaian female veteran actress, producer, screen scriptwriter den politician. Na she be de Deputy Minister of Tourism for National Democratic Congress (NDC) dema term for office between 2013 den 2017 as na John Dramani Mahama be de presido. She be de current parliamentary candidate of de NDC give Ketu South Constituency den queen-mother give Aflao Traditional Area.

Ein early den education

Dem born Gomashie for 25 July 1965 insyd for Accra wey ebe Mr Patrick Dotse Gomashie den Helen Gomashie wey born am. She dey cam from Aflao wey dey Volta region. She get secondary level education for St. Louis Senior High School wey dey Kumasi wey she later further for University of Ghana, wer she acquire diploma for Theatre Arts insyd, bachelor's degree for Theatre Management insyd den MPhil for African Studies insyd from de Institute of African Studies.

Ein career

Gomashie begin ein career as actress start for 1985 insyd as she join de Talents Theatre Company. She feature for plays like Black Star, Mambo, Chaka de Zulu, Jogolo den De Third Woman. She san star for several movies insyd wey dey include: Ghost Tears, House of Pain, Heart of Gold den chaw numba of National Arts NAFTI student productions. She san be script writer wey write den produce 'By The Fire Side', ebi GTV programme wey use story-telling encourage kiddies so say Dem go mow more den develop demma reading skills but ebi currently on hold secof dem dey lack sponsors.

Aside say she dey act, she get restaurant wey dem bell am 'Mama's Kitchen' for Ashale Botwe, but eno dey operate again.

Ein life matter

Gomashie marry de late Martin K. G. Ahiaglo. Dis couple neva get kiddie togeda. Na Dzifa get one kiddie (son) from ein previous relationship.

Ein honors

De organizers of 3Music Awards honor am secof ein achievement for de entertainment industry insyd for Ghana.