Fathia Nkrumah

Fathia Nkrumah

human

Sex anaa gender	female
Country wey e be citizen	Egypt, Ghana
Birth name	Fathia Rizk
Given name	Fathia
Date of birth	22 February 1932
Place dem born am	Cairo
Date of death	31 May 2007
Place dem die	Cairo
Place wey dem bury am	Kwame Nkrumah Mausoleum
Spouse	Kwame Nkrumah
Kiddie	Samia Nkrumah, Sekou Nkrumah, Gamal Nkrumah
Languages dem dey speak, wrep anaa sign	English
Occupation	teacher, bank teller, politician
Position dem hold	First Lady of Ghana
Political party ein member	Convention People's Party

Halena Ritz Fathia Nkrumah (22 February 1932 - 31 May 2007), born Fathia Halim Rizk, be Coptic Egyptian den First Lady give newly independent Ghana. Na she be de wife of Kwame Nkrumah, first presido for Ghana.

E be Coptic family wey e born Fathia Nkrumah, dem raise am for Zeitoun, a district insyd Cairo. Na she be de first kiddie give one civil servant, buh he die early, so e be ein momee wey raise am.

Early Life den career

E be Fathia Halim Rizk wey born am for Zeitoun, Cairo, in 1932. Na ein popee dey job as clerk give Egyptian telephone company buh he die early. Ein momee turn widow den raise Fathia alone. Fathia be de eldest among five children insyd de family.

She go study French for secondary school, as she plete she job as teacher give ein school insyd Zeitoun, Notre Dame des Apôtres. Na she no dey feel teaching like that so she shun go job for Bank.

Marriage

One American journalist be wey dem bell am Frederick published a book give Fathia in 1967 talk say Nkrumah talked ein paddy, Alhaji Saleh Said Sinare, say make he find him Christian shoddy make he marry. Na Alhaji Saleh Said Sinare be one of de first Ghanaian Muslims wey dem study for Egypt. Fathia be mong dem five shoddies wey Alhaji picked. Den Kwame Nkrumah propose say he go marry Fathia. Na Fathia ein momee no dey gree say ein kiddie go lef de country again sakof Fathia ein brother lef plus ein English wife already.

Fathia talked say Nkrumah be one anti-colonial hero, like Nasser, buh ein momee still no gree say she go talk plus Nkrumah wey she no bless the marriage too. Nkrumah den Fathia married for Christianborg Castle, e dey Accra, de night dem dey celebrate 1957 New Year's Eve as she come Ghana naa.

As She lef Ghana den later life

Fathia Nkrumah born three kiddies as dem overthrown ein husbee by de coup d'etat insyd Ghana in 24 February 1966. She lef plus ein kiddies go Cairo as dem take ein husbee go exile insyd Guinea.

Ein kiddies all go do politics. Ein daughter, Samia Nkrumah, turn de chairperson give Convention People's Party (CPP), dis party be Ghanaian political party wey ein popee be de founder from 2011 to 2015.

Death

Fathia died insyd Badrawy Hospital insyd Cairo on 31 May 2007. She get stroke as she suffer illness for long.

Ein memorial mass happened for Coptic Orthodox Cathedral Church insyd Cairo led by Pope Shenouda III on 1 June 2007. Dem take ein body go Ghana for funeral insyd de State House den bury am next to ein husbee at de Kwame Nkrumah Memorial Park. Na e be ein "lifelong request".

Check dis too

• Ghana
• Kwame Nkrumah
• Samia Nkrumah
• List of Copts