Free SHS
| Country | Ghana  |
|---|---|
| Dey apply to jurisdiction | Ghana |
| Start time | September 2017 |
De Free Senior High School (Free SHS) education policy for Ghana insyd be government demma initiative wey dem introduce for 2017 September. Nana Akufo-Addo ein promise Ghana people say he go do wey he do am.[1] De policy be one of the promise wey de President give for ein campaign for Ghana demma 2016 election time nu, he talk say ebi something wey dey hia waa for Ghana ein educational system insyd.[2] De policy ein theme be 'access, equity den equality" so say e go follow de United Nations demma Sustainable Development Goals nu, wer member countries dey amalgamate dis themes for demma educational systems insyd so say e go certify adwquate learning experiences give students.[3] Politicians den social workers all allocate de duty so say e go ensure de policy ein efficiency, productivity den further development. Dis leaders dey span from chao government departments wey dey include Ghana ein Ministry of Finance den Economic Planning, Ghana Education Service den Ministry of Education for Ghana insyd.[2] as dem launch the polici, dem appoint Abraham Attah say make he be de ambassador sec of ein popularity den achievements, so say he go fi make the polici beneficial give the whole country.[4]The polici get some main pillers the government wan achieve. the pillars be access,equity den quality. every bro dey appreciate this effort.[5] Another person wey be second ambassador be Rahim Banda he sa be actor for Ghana.[6]
References[edit | edit source]
- ↑ https://presidency.gov.gh/index.php/briefing-room/news-style-2/364-president-akufo-addo-launches-free-shs-policy
- ↑ 2.0 2.1 Kyeremanteng, Harriet. (2016). Assessing stakeholder participation in policy formulation and implementation: The case study of the Free Senior High School Policy in Ghana. (PDF). The University of Ghana, Legon: pp.1-80. Retrieved 15 April 2020, from http://ugspace.ug.edu.gh/bitstream/handle/123456789/30912/ Assessing Stakeholder Participation in Policy Formulation and Implementation- The Case Study of the Free Senior High School Policy in Ghana.pdf?sequence=1&isAllowed=y
- ↑ United Nations Sustainable Development Goal 4 (SDG 4) | Education within the 2030 Agenda for Sustainable Development. (2020). Retrieved 22 April 2020, from https://sdg4education2030.org/the-goal
- ↑ https://web.archive.org/web/20230602210300/https://freeshs.gov.gh/index.php/freeshs-ambassador/
- ↑ freeshs.gov.gh
- ↑ ghanapubliceye.com