Ghana Communication Technology University

Ghana Communication Technology University

university

Year dem found am	2006
Short name	GCTU
Motto text	Knowledge comes from learning
Country	Ghana
Edey de administrative territorial entity insyd	Accra, Okaikoi South
Ein location	Okaikoi South
Coordinate location	5°35′45″N 0°13′23″W
Member of	Ghanaian Academic and Research Network
Dema official website	http://www.gctu.edu.gh/

Ghana Communication Technology University (GCTU) be public technical university wey dey Accra, Ghana wey dem found am for 2005 insyd.

Dem formerly dey bell am Ghana Technology University College den Ghana Telecom University College. De change for name go Ghana Communication Technology University cam plus de passing of de Ghana Communication Technology University Bill for June 2020 insyd.

Summary

De university dey provide bachelor's degrees den graduate programs, particularly for Telecommunications Engineering den Information den Communications Technologies. Esana dey offer certificate programs, plus courses wey dey provide credit for de bachelor's degree, den oda professional development seminars den workshops.

De school of Business open for January 2009 insyd. First degrees for business insyd dey include Bachelor of Science in Business den Bachelor of Science in Entrepreneurship. Dem dey offer Master of Science in Entrepreneurship den Technology.

De school get partnership plus Kwame Nkrumah University of Science & Technology (KNUST), Ghana; Coventry University, United Kingdom, AFRALTI, Kenya; De Open University, United Kingdom; DePaul University, USA; Aalborg University, Denmark; St. Mary's College of Maryland, USA; Antioch University, USA; University of California, Santa Barbara, California; Information Communication Technology (ICU), South Korea; University of Hertfordshire, United Kingdom; Wildau Institute of Technology, Germany.

Since de first class of 350 students matriculate for 2006, GTUC increase de enrollment reach about 7,000 students for 2017 insyd.

GTUC main campus dey Tesano area of Accra, Republic of Ghana. Dem open second campus for nearby Abeka, anoda Accra suburb, den sam satellite campus for Nungua. Apart from Accra, dem get satellite campuses for Kumasi, Takoradi, Koforidua, den Ho.

Dem inaugurate de 9-member University Council, wey get distinguished educators, business executives, den government officials, for August 23, 2010.

Mr. Nii Adotei Abrahams be de new Registrar give de university for one term, wey be 4-year period (August 2020 - July 2024). He take ova from Dr. Mrs. Juliana Owusu-Ansah, wey serve for two terms (October 2012 - September 2020).