King Ampaw
| Ein sex anaa gender | male  |
|---|---|
| Country wey e be citizen | Ghana |
| Name wey dem give am | King |
| Ein date of birth | 25 July 1940 |
| Languages edey speak, rep anaa sign | English |
| Ein occupation | actor, film actor, film director |
King Ampaw be one Ghanaian filmmaker and actor wey born for Kukurantumi for Eastern Region of Ghana. Dem know am for act as second lead role plus late Hollywood actor, Klaus Kinski for Werner Herzog ein big film Cobra Verde (1987) wey he sanso co-produce.[1] He sana co-produce de film African Timber (1989) wey Peter F. Bringmann direct am.[2]
Ein Biography
[edit | edit source]King Ampaw born 25 July 1940 for Kukurantumi, Eastern Region of Ghana. He go Academy of Film for Potsdam, Germany for 1965. For 1966, he sanso go Academy of Music and Performing Arts for Vienna, Austria, den Hochschule für Fernsehen und Film München, Germany (HFF Munich) from 1967 to 1972, wey he study plus Werner Herzog den Wim Wenders. He graduate as film director plus ein first film, They Call it Love.[1]
After ein return to Ghana, he cam turn senior director for Ghana Broadcasting Corporation (GBC) from 1979 to 1982, wen he lef GBC make he start ein own film company, Afro Movies Ltd.[1] King Ampaw write, direct den produce ein own films like Kukurantumi, Road to Accra (1983), Juju (1985) den No Time to Die (2006).[3] Chaw of ein films get funding from ein own company, Afromovies Ltd, den international agencies den governments, like No Time to Die wey get funding from European Union den French Government.[4] Ein films get praise from all over de world wey dem win chaw awards, wey dey include Film Critics Award for Kukurantumi, Road to Accra at FESPACO, Input Film Award for Juju insyd Czech Republic, den Talifa Film Festival Award for No Time to Die insyd Spain.
He be de first Filmmaker wey dem give Honorary Award for de Africa Movie Academy Awards (AMAA) for Nigeria.[5] For de 2012 NAFTI Film Lectures, dem honour am for ein immense contribution put de film industry plus cross-cultural collaborations between Ghana den Germany.[6] He sana receive another Lifetime Achievement Award for 2013 for Accra International Film Festival.[7] He be one of de founding members of FEPACI (Union of African Filmmakers), FESPACO, Ghana Academy of Film and Television Arts (GAFTA), den Directors' Guild of Ghana (DGG).[1]
King Ampaw dey work on one film now, wey dey titled "The Son and Sun of Africa", wey dey talk about de life of de legendary Pan-Africanist, Kwame Nkrumah, wey dis one go be ein last film, make he plete ein creative works.[1][6]
Filmography
[edit | edit source]- They Call it Love (1972)[8]
- Kukurantumi, Road to Accra (1983)[8]
- Juju (Nana Akoto) (1985)[9]
- No Time to Die (2006)[10]
- Cobra Verde (1987)[11]
Ein Awards den nomination
[edit | edit source]For 2007, dem award am "Best Actor award for de 4th African Film Festival of Tarifa for Spain.[8] He go present for de 20th anniversary of de "Pan-African Film and Arts Festival" for Georgia, Atlanta, for 2008.[8] He sana win de Film Critics Award for Kukurantumi for Fespaco in Ouagadougou plus Input Film Award for Nana Akoto in Czechoslovakia.[8] He sana be de winner of Honorary Award give an edition for de Africa Movie Academy Awards (AMAA), for Nigeria.[8] Additionally, dem award am Lifetime Achievement Award for de Accra International Film Festival (AIFF) insyd 2013.[8]
Ein life matter
[edit | edit source]He marry wey he get two sons.[5]
References
[edit | edit source]- ↑ 1.0 1.1 1.2 1.3 1.4 "King Ampaw Honoured". www.modernghana.com. Retrieved 26 February 2015.
- ↑ "African Timber". www.african-archive.com. Retrieved 26 February 2015.
- ↑ "Ghana: King Ampaw to Premier "No Time to Die" in Atlanta". allafrica.com. Retrieved September 25, 2020.
- ↑ "'No Time to Die' - King Ampaw's Latest Film". www.modernghana.com. Retrieved 26 February 2015.
- ↑ 5.0 5.1 "African Film festival: New York". www.africanfilmny.org. Retrieved 26 February 2015.
- ↑ 6.0 6.1 "Government votes GHc 2m for creative Industry". thechronicle.com.gh. Retrieved 26 February 2015
- ↑ "King Ampaw receives lifetime achievement award". www.gbcghana.com. Retrieved 26 February 2015.
- ↑ 8.0 8.1 8.2 8.3 8.4 8.5 8.6 "Filmmaker King Ampaw turns 80". www.graphic.com.gh. Retrieved September 25, 2020.
- ↑ "King Ampaw Biography, Born 1987 among others". africanfilmny.org. Retrieved September 25, 2020.
- ↑ "'No Time To Die' - King Ampaw's Latest Film". MyJoyOnline.com. 2007-01-27. Archived from the original on 2020-12-09. Retrieved 2020-08-07.
- ↑ "Ampaw, King | African Film Festival, Inc". Retrieved 2024-09-04.