Kyabobo National Park
| Inception | 1993  |
|---|---|
| IUCN protected areas category | unknown value |
| Country | Ghana |
| Dem locate for de administrative territorial entity insyd | Volta Region |
| Location | Volta Region |
| Coordinate location | 8°25′0″N 0°37′0″E |
| Significant place | Nkwanta |
Kyabobo National Park (dem dey pronounce am CHAY-a-bobo) be sam 360-square-kilometre (140 sq mi) national park for Ghana insyd.[1][2]
Kyabobo dey Oti Region for de border top plus Togo. De nearest town be Nkwanta.[1]
Dem establish de reserve for 1993 insyd but dem adjust ein boundaries chaw tyms till September 1999 as dem fix de current den final boundary.[2] Ghana ein second highest mountain, Mount Dzebobo dey within de park wey edey offer visitors sam impressive view of de Lake Volta.
De park dey sam transition zone between tropical rain forest den tree savanna. De Park ein wildlife dey include African bush elephants, African leopards, African buffalo, waterbuck, several primate species, bushbuck, duikers den, sam symbol give de park, de rock hyrax. A park survey dey list at least 500 species of butterflies den 235 birds.[1]
De park get seven hiking trails den two mountain biking trails. De most popular hiking trail dey follow sam ridge for de southeast corner of de park go sam peak atop one of de "Breast Mountains."
References[edit | edit source]
- ↑ 1.0 1.1 1.2 Ryman, Leif (30 April 2012). "Ecotourism in Ghana: Undiscovered Kyabobo - The Travel Word". Archived from the original on 8 November 2014. Retrieved 17 October 2014
- ↑ 2.0 2.1 Parks and Reserves of Ghana: Management Effectiveness Assessment of Protected Areas (PDF). IUCN – International Union for Conservation of Nature. 2010. pp. 16–17. Retrieved February 10, 2017