Sandister Tei

From Wikipedia
Sandister Tei
human
Sex anaa genderfemale Edit
Country wey e be citizenGhana Edit
Given nameSandister Edit
Family nameTei Edit
Place dem born amAccra Edit
Languages dem dey speak, wrep anaa signEnglish Edit
Occupationjournalist, Wikimedian Edit
EmployerAJ+, Citi FM Edit
Educate forCardiff University, University of Ghana Edit
Award dem receiveWikimedian of the Year Edit

Sandister Tei be Ghanaian media professional wey dem name am de Wikimedian of de Year for October 2020 inside by de co-founder give Wikipedia Jimmy Wales. She be co-founder den active volunteer give Wikimedia Ghana User Group.[1]

Ein early life den education[edit | edit source]

Dem born Tei for Accra, Ghana inside.[2] She go Motown wey later she go UG, wer she major for Geography inside. Later Tullow Group award am scholarship for 2013 inside make she go do ein Master of Arts for International journalism inside for Cardiff University.[2][3]

Ein career[edit | edit source]

After Tei do ein Master for Cardiff University, she join Al Jazeera dema digital channel AJ+ for 2014 inside.[2][4] Later nu, she job for Joy FM small as social media executive wey she move go Citi FM as multimedia journalist.[3][5]

Later nu Tei join de Traffic Avenue drive time show as side-kick give Jessica Opare-Saforo.[6] She san so be de presenter give Tech den Social Media trends for de award-winning Citi Breakfast Show top.[7]

Before she depart from Citi, na she be de Deputy Programs Manager give Citi FM den Citi TV.

Aside ein roles for de broadcast media inside, na Tei be digital media trainer wey she facilitate training give Young African Leaders Initiative, Voice of America, Office of de Mayor of Accra.[8]

Wikimedia activity[edit | edit source]

Tei be de co-founder for Wikimedia Ghana User Group, Ghanaian Wikimedians community wey dem create for 2012 inside. Ein volunteer work der include she dey recruit Wikipedia editors den oda outreach activities. She san so help dem launch campaign so say dem go start petition for Freedom of Panorama for Ghana inside for 2018 inside for re:publica Accra.[9]

She represent Wikimedia Ghana User Group for Washington DC inside so say she go confer plus organizers of 2012 Wikimania about ways dem go fi increase African content for Wikipedia top.[1] De year wey dey follow nu, she attend Wikimania for Hong Kong inside as part of African editors dema formal meetup, she come turn de first woman for Ghana inside wey attend such meeting.[1] She participate for de Wikimedia Summit 2019 for Berlin inside, wey she promote de increase de coverage for African topics for Wikimedia projects top. One of ein principal aim be make she "realign" den "experience different perspectives".[10]

Wikipedia co-founder Jimmy Wales name am de Wikimedian of de Year for 15 October 2020 for live YouTube den Facebook broadcast top.[11][12][13] Dem praise Tei sake of ein contributions to Wikimedia projects dema coverage of de COVID-19 pandemic for Ghana inside, wey help to keep permanent record for de pandemic ein effects for der. Sake of de travel restrictions, Wales no fi deliver de award personally give Tei as dat be de standard practice, but instead he talk plus am for surprise Zoom call top.[14]


Ein oda works[edit | edit source]

De time she dey Wales, dem diagnose am plus depression wey ein subsequent treatment help am improve both ein mood den ein grades; she come found Purple People, mental health support group (now e be inactive) give people plus mood disorders, years after she battle depression ein self.[15]

References[edit | edit source]

  1. ↑ 1.0 1.1 1.2 https://www.ghanaweb.com/GhanaHomePage/features/Planning-Wikimedia-Ghana-283480
  2. ↑ 2.0 2.1 2.2 https://web.archive.org/web/20200927010151/https://folks.pillpack.com/ghanas-purple-people/
  3. ↑ 3.0 3.1 https://web.archive.org/web/20210115154453/https://tgssalumnigroup.org/en/profile/SandisterTei.html
  4. ↑ https://citifmonline.com/2016/02/student-journalists-dig-into-data-after-journoshop-ii/
  5. ↑ https://citifmonline.com/2016/02/student-journalists-dig-into-data-after-journoshop-ii/
  6. ↑ https://citinewsroom.com/2018/05/citi-countdown-akwaaba-rules-citi-fms-top-10-ghanaian-songs/
  7. ↑ https://citinewsroom.com/2019/10/together-citi-breakfast-show-team-is-more-fidelity-bank-lives-by-their-example-article/
  8. ↑ https://techcamp.america.gov/bios/sandister-tei/
  9. ↑ https://accra18.re-publica.com/en/user/17463
  10. ↑ https://www.graphic.com.gh/news/general-news/ghana-news-ghanaians-participate-in-global-wikimedia-summit-in-germany.html
  11. ↑ https://www.youtube.com/watch?v=iGG-SQjh29U
  12. ↑ https://diff.wikimedia.org/2020/10/15/meet-the-2020-wikimedian-of-the-year-sandister-tei/
  13. ↑ https://medium.com/freely-sharing-the-sum-of-all-knowledge/meet-the-2020-wikimedian-of-the-year-a761e0a7febe
  14. ↑ https://yen.com.gh/173249-ghanaian-lady-awarded-by-wikipedia-worldwide-worker-year-2020.html
  15. ↑ https://web.archive.org/web/20200927010151/https://folks.pillpack.com/ghanas-purple-people/
Dem retrieve am from "https://gpe.wikipedia.org/w/index.php?title=Sandister_Tei&oldid=27108"