Ursula Owusu

Ursula Owusu

human

Sex anaa gender	female
Country wey e be citizen	Ghana
Given name	Ursula
Family name	Owusu
Date of birth	20 October 1964
Place dem born am	Akim Oda
Languages dem dey speak, wrep anaa sign	English
Occupation	politician, lawyer
Position dem hold	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Minister for Communications, Member of the 8th Parliament of the 4th Republic of Ghana
Educate for	University of Ghana, Ghana School of Law, Mfantsiman Girls Senior High School, Labone Senior High School, Kofi Annan International Peacekeeping Training Centre
Political party ein member	New Patriotic Party
Religion anaa worldview	Christianity

Hon. Ursula Owusu-Ekuful (dem born am 20 October 1964) dey komot from Akim Oda wey dey Eastern Region of Ghana. She be lawyer, women's rights activist den Ghanaian parliamentarian wey dey represent Ablekuma West constituency. She be de current Minister of Communications den Digitalisation.

Ein early life den education

Ursula dey cam from Akim Oda wey dey Eastern Region for Ghana insyd. She plete Labone Senior High School wey she san continue for Mfantisman Girls Secondary School for ein sixth form education. She proceed go de University of Ghana plus de Ghana School Of Law, wey she get ein LLB. Dem call am for bar 1990 insyd. She do ein master's degree for Conflict, Peace and Security for Kofi Annan International Peacekeeping Training Centre.

Ein pre-political career

She job ten years as lawyer give Akufo-Addo, Prempeh & Co. law firm before she komot go telecommunication industry inside .

Ursula, job for different boards top den for different capacities insyd.

• Managing Consultant plus N. U. Consult Legal, Governance den Gender Consultants,
• Executive Member give International Federation of Women Lawyers (FIDA), Ghana,
• Former President give FIDA Ghana
• Former Vice President give de Africa Regional FIDA International.
• Member plus de Ghana Bar Association,
• Member give de African Women Lawyers Association (AWLA)
• Acting Managing Director give Western Telesystems (Westel) (September 2005 come May 2008) den
• Corporate den External Affairs Director, ZAIN Ghana (April 2008 come January 2009)

Ein political life

Insyd 2012, dem vote give am say she for be Member of Parliament for de fresh constituency, Ablekuma West Constituency as demma first member of parliament.

Insyd 2015, she chop de NPP parliamentary primaries give de Ablekuma West Constituency. She retain ein parliamentary seat for de 2016 Ghanaian general elections by winning 34,376 votes out of de 60,558 valid votes cast wey dey make 56.96%. Dem put she den ein oda female MPs for personal attacks after na dispute dey for chaw places take give female members of parliament. She talk say she wan shun politics for de future, but ein next year she cam turn de Minister of Communications.

For 2017 insyd, dem appoint am as de Minister wey she dey go head de Ministry for Communications by President Akufo-Addo. She still dey job as de Minister for Communications den Digitalization.

For December 2020 insyd, she go contest for re-election for de member of parliament for de 2020 Ghanaian general election as NPP demma parliamentary candidate. She retain ein seat after polling 37,363 out of 69,353 votes for de Ablekuma West Constituency. Ein closest competitor be Rev. Kweku Addo wey dey National Democratic Congress (NDC) pull 30,733 votes, whilst de oda candidates wey contest from de oda parties say, GUM, LPG den PNC pull 359, 330 den 65 respectively.

Ein committees

Currently she dey serve for dese committees for Parliamentary inside:

Constitutional, Legal den Parliamentary Affairs Committee (7th Parliament) den Appointments Committee (7th Parliament)

Ein socio-politics

For 2015 insyd, she den ein other female MPs were put for personal attacks after there was a dispute for a places take give female members of parliament. She talk say she wan shun politics for de future, but ein next year she became de Minister of Communications. as she cam chop ein current position as de Minister of Communication, she serve for pletey boards den pletey capacities for ein professional career inside.

For April 2018 insyd, section for Ghana put pressure for ein top say she share ein post for social media top say Ghanaian Muslims no be intolerant. On Saturday, de 29th of September 2018, Dem install am as a de Nkosuohemaa (Development Queen) by traditional leaders wey dey Akem Asuom for Eastern Region for Ghana insyd. De installment take place for de Palace of Asuomhene Osabarima Ofosuhene Apenteng II.

For 2021 insyd, she go criticize de Ghanaian anti-LGBT bill say de bill go promote laziness den dishonesty so dem for change am. She san go advised LGBT+ menners for Ghana inside May 2021, to keep demma activities private sake of Ghanaians no dey accept same-sex relations.

Ein life matter

She marry plus one Ghanaian optometrist wey dey UK Dr Sam Ekuful, dem get one kiddie plus one child to UK-based Ghanaian. She talk say she be Christian.

Ein honours

For Saturday, 29 September 2018, dem install am as de Nkosuohemaa (Development Queen) by de traditional leaders den people for Akyem Asuom for de Kwaebibirem District wey dey Eastern Region for Ghana.

For February 2019 insyd, International Federation of Women Lawyers (FIDA) honour am for ein work for de protection for women den children demma right at de 2019 FIDA Africa Regional Congress wey drm hold for Abuja, Nigeria insyd.

References

Dis be template wey go make wanna references make structured.