Boti Falls
Boti Falls be twin waterfall for Boti wey dey Yilo Krobo District for Eastern Region of Ghana insyd. Dese twin falls, wey dey cam from two rivers, be female den male; according to local myth, sam rainbow dey form if dem merge.[1] Boti be sam seasonal falls wey be double side-by-side falls wey be high flow den de bottom of 250 concrete steps. For full flow tyms, canyon of falling water dey surround you. Edey de forest of Huhunya. Dem mythically dey believe say de larger one be de male wey de smaller one be de female.
Ein Location[edit | edit source]
De falls be 17 km (11 mi) northeast of Koforidua, wey be de eastern regional capital. Ebe just ova 30 minutes drive from Koforidua, den more than 90 minutes from Accra, wey edey depend for de means of transportation top.[2]
Ein Description
Boti Falls be double waterfall wey dey fall side by side wey ebe sam small rocky bored wey dey separate am. Sam dey bell am twins, wey dem dey believe ebe male den female, wey de bigger side be de male den de oda small fall be female.
De Boti Falls be 30 meters high from de ground level. De waterfalls dey get ein source from Ponmpon River wey dey run through de Huhunya forest reserve. De waterfall dey run through de mountainous rock go sam pool of water for ground. Chaw locals dey swim for de pool of water insyd for ground.
According to oral history from de Boti falls managers, Kingdom Ventures, ebe sam white catholic priest wey find de Boti falls for de forest insyd as na he dey survey de area. For de 1960’s insyd, na de waterfall be very famous, wey de first president give de Republic of Ghana, Dr. Kwame Nkrumah visit am.
When you for Visit[edit | edit source]
De best tym you go fi enjoy de Boti falls be de rainy season tym, June go August, de two waterfalls dey splash each oda if emerge for de middle. De splash dey create sam wonderful den colorful rainbow wey de local people dey regard as “mating ceremony.”
Make you sana see[edit | edit source]
References[edit | edit source]
- ↑ Jovago (16 October 2015). "Boti Falls, Not Just Water". Modern Ghana.
- ↑ "How to get there". www.DearGhana.com. DearGhana. Retrieved 1 February 2015.