Koforidua
| Continent | Africa  |
|---|---|
| Country | Ghana |
| Capital of | Eastern Region (Ghana) |
| Dem locate for de administrative territorial entity insyd | Eastern Region (Ghana) |
| Located in time zone | UTC±00:00 |
| Coordinate location | 6°6′0″N 0°16′0″W |
| Official website | http://www.newjuaben.ghanadistricts.gov.gh/ |
Koforidua, alias K-dua anaa Koftown, be city den de capital of Eastern Region for southern Ghana insyd.[1][2] dem find Koforidua for 1875 insyd by migrants wey dey comot Ashanti. Dem san dey bell am New Juaben.[3][4][5] De city get settlement city proper population of 183,727 people as of 2010, Koforidua be sam amalgamation of two Municipalities; New Juaben North den South. De city get sam blend of colonial den modern architecture.[6]
Koforidua dey serve as sam commercial center den Regional Capital for Eastern region den New Juaben Municipal District. De city be home give chaw businesses, plus de exception of heavy duty industries. De city be home give Intravenous Infusions Ltd., one of de oldest pharmaceutical companies wey dey Ghana den West Africa insyd, sam leading producer of injections den drips. Dem list de company for Ghana Stock exchange top wey dem register am for 1969 insyd. De city be home give chaw Government Departments den Ministries for de Regional level. De recent construction of de four-lane highway road wey dey link de Koforidua Technical University den Koforidua go Oyoko dey bring commerce give de city. De highway san dey serve as sam valid alternative route go Kumasi.
Ein Etymology[edit | edit source]
Oral tradition dey talk say, Koforidua dey owe ein name give sam akan man, Kofi Ofori, wey build ein hut for sam mahogany tree wey bola ein unders. Dis tree provide shelter give weary farmers wey na dem dey return from demma farms afta sam hard day's work. Ova tym, ecam turn common give de farmers say dem dey go rest Kofi Ofori ein tree unders. For Akan language insyd, Twi, de word for tree be "dua". Sm amalgamation of Kofi Ofori ein name den tree, therefore, ebe "Koforidua." Koforidua today be sam multi-ethnic city plus people from various ethnic groups for Ghana insyd dey bell de city say ebe demma home.
Ein History[edit | edit source]
Dem find Koforidua for 1875 insyd by sam Akan migrants wey dey comot Asanteman. De completion of de Kumasi railway for 1923 insyd dey see Koforidua say ecam turn sam important road den rail junction. Koforidua be one of de country ein oldest cocoa-producing centers.Esan be noted today for ein weekly Thursday bead market, wey dey draw bead buyers den sellers wey dey comot all ova de Eastern region.[7]
Legend about Koforidua[edit | edit source]
Legend get am say, de Obuotabiri mountain wey dem find for New Juabeng insyd, be de home of de gods wey edey protect de people. Dem dey believe say ebe dwarfs wey dey inhabit am wey dem dey consider am as de soul of de New Juabeng traditional area. All de townsfolk get great reverence for de mountain: OBUOTABIRI - de rock of Tabiri.
Ein Geography[edit | edit source]
De New Juaben Municipality dey fall within de Eastern Region of South Ghana. De municipality dey cover sam estimated area of 110 square kilometres, wey dey constitute 0.57% of de total land area of de Eastern Region. De municipality get 48 electoral areas.[8]
De New-Juaben municipality dey share boundaries plus East-Akim Municipality go de northeast, Akwapim North District go de east den south, den Suhum-Kraboa-Coaltar District go de west. De city of Koforidua (New Juabeng) be made up of chaw neighbourhoods den settlements, wey dey include Effiduase, Asokore, Oyoko, Jumapo, Suhyen, Dansuagya, Betom, den Srodae. Koforidua be two hours by road from Accra.
Ein Climate[edit | edit source]
Koforidua, wey dey owe ein location for de heart of de Dahomey Gap insyd, get sam hot semi-arid climate (Köppen BSh). De weather be hot den humid year-round, but dem dey see significant rainfall between April den June, although for wetter years for September insyd sey October san dey see substantial falls.
| hideClimate data for Koforidua | |||||||||||||
|---|---|---|---|---|---|---|---|---|---|---|---|---|---|
| Month | Jan | Feb | Mar | Apr | May | Jun | Jul | Aug | Sep | Oct | Nov | Dec | Year |
| Average high °C (°F) | 32
(90) |
32
(90) |
33
(92) |
32
(89) |
32
(90) |
29
(85) |
28
(82) |
28
(82) |
28
(82) |
30
(86) |
32
(89) |
31
(88) |
31
(88) |
| Average low °C (°F) | 24
(75) |
24
(75) |
26
(78) |
24
(76) |
25
(77) |
23
(73) |
23
(73) |
23
(73) |
22
(72) |
23
(73) |
23
(73) |
23
(73) |
23
(74) |
| Average rainfall mm (inches) | 7.6
(0.3) |
25
(1.0) |
51
(2.0) |
100
(4.0) |
130
(5.0) |
150
(6.0) |
76
(3.0) |
25
(1.0) |
76
(3.0) |
76
(3.0) |
25
(1.0) |
7.6
(0.3) |
749.2
(29.6) |
| Source: Myweather2.com[9] | |||||||||||||
Ein Demographics[edit | edit source]
Presently de city ein population be 127,334 people wey Akans chaw for der. Dem dey celebrate 'Akwantukese' (De Big Journey Festival) every year so say dem go take mark de movement of de inhabitants of Koforidua ein ancestors from 'Asanteman' go demma present location of Koforidua.[6]
Ein Economy[edit | edit source]
Ein Industries[edit | edit source]
De city be home give one of Ghana ein oldest pharmaceutical Manufacturing companies i.e. Intravenous infusion Ltd wey dey manufacture drips den injections for de West African Market insyd. Oda Industrial activities of Koforidua dey include textiles, crafts, soap, carpentry den joinery, traditional medicine, pottery den ceramics, den de production of alcoholic den non-alcoholic beverages.[9][10]
Ein Financial Services[edit | edit source]
Koforidua san be home give chaw financial services companies wey dey range from Universal Banks, Micro-finance, Rural Banks den Savings den Loans Companies go Insurance Companies.
Ein Agriculture[edit | edit source]
De city currently dey depend mainly for Government Administration, Retailing, hospitality, commercial and Education services top. Plus inhabitants for de Cornubations (Outskirt surrounding communities) dey engage for sam form of subsistence farming insyd.
Ein Cocoa production[edit | edit source]
Koforidua dey produce cocoa. However, as cocoa production move go westward go de Ashanti Region den Brong-Ahafo Region areas of virgin soil, Koforidua cam turn increasingly dependent for ein commercial den business administrative functions top. De city of Koforidua get only small-medium scale industries today.[9]
Ein Tourism[edit | edit source]
Koforidua ein predominant tourism attractions dey include such natural features as Obuo Tabri Mountain, wey dem dey consider am as sacred. Nearby be Akosombo Dam, wey dey hold Lake Volta, de world ein largest man-made lake. Waterfalls for de area insyd, such as Akaa Falls den Boti Falls, den de Umbrella Rock dey attract tourists go de Eastern region. Even though such tourist sites dey function all year round, dem dey encourage tourists at tyms say make dem visit de place for certain tyms of de year, especially for de rainy seasons insyd. For such tyms, de Boti Fall dey bee den very interesting you go fi visit.
Education[edit | edit source]
Koforidua still be major hub of education for Ghana insyd. Ebe home give chaw basic schools den sam number of prominent senior high schools for de country, Ghana insyd. For 2012 insyd, dem rank one of ein schools; Pope John Senior High School den Minor Seminary as 9th of de ova 200 senior high schools wey dey Ghana insyd. De city san get Technical University (Koforidua Technical University) way first dem dey call am koforidua polytechnic https://www.ktu.edu.gh den two private universities (All Nations University College) den (Ghana telecom University College) wey eget campuses for oda national Universities, de city san get sam Teacher training college, Nursing den Midwifery College den oda educational institutions.
Oda High Schools too dey Koforidua insyd. Dese dey include; Koforidua Secondary Technical Senior High School (K.S.T.S), Pope John Senior High den Junior Seminary (Pojoss), Oti Boateng Senior High School (Oboss), Pentecost Senior High School (Pensec), Ghana Senior High School (Ghanass, Koforidua), New Juabeng Senior High School (Njuasco), SDA Senior High School (Sedass), Oyoko Methodist Senior High School (Omess), plus sam oda technical (Koforidua Technical Institute) den Private Vocational Schools. De Senior High schools dey train students wey dey comot all ova Ghana, wey dey prepare dem for de West African Senior School Certificate Examination (WASSCE). If you dey want enter Universities den oda Tertiary Institutions for Ghana insyd, you for pass WASSCE. Esan be guy if you dey mention schools like Ghanass, Pojoss, Sectech plus odas wey be consistent say dem dey represent de municipality den de region as large for de famous annual National Science den Maths Quiz insyd.
Accommodation
Koforidua get chaw hotels. Royal Plaza hotel, Capital View Hotel, Eastern Premier, Canadian Dreams Hotel, Oyinka Hotel, Bedtime Hotel, Partners May Hotel plus odas for town.[11]
Make you see dis one too[edit | edit source]
References[edit | edit source]
- ↑ https://www.myjoyonline.com/new-juaben-assembly-revokes-permit-for-statue-after-family-sued-paramount-chief-for-ordering-its-destruction/
- ↑ https://www.myjoyonline.com/3-men-jailed-for-defiling-14-year-old-girl-in-nkawkaw/
- ↑ https://www.encyclopedia.com/reference/encyclopedias-almanacs-transcripts-and-maps/koforidua
- ↑ https://www.factmonster.com/encyclopedia/places/africa/ghana/koforidua
- ↑ https://www.rome2rio.com/s/Dewu-Asaman
- ↑ 6.0 6.1 https://web.archive.org/web/20120111172126/http://bevoelkerungsstatistik.de/wg.php?x=1170623253&men=gcis&lng=de&dat=32&geo=-85&srt=npan&col=aohdq&pt=c&va=x
- ↑ https://www.ghanaweb.com/GhanaHomePage/geography/koforidua.php
- ↑ https://web.archive.org/web/20100211203702/http://newjuaben.ghanadistricts.gov.gh/
- ↑ 9.0 9.1 9.2 http://www.myweather2.com/City-Town/Ghana/Koforidua/climate-profile.aspx
- ↑ http://www.vibeghana.com/
- ↑ https://www.kayak.com/Koforidua-Hotels.64597.hotel.ksp