Jump to content

Cinema of Ghana

From Wikipedia
Cinema of Ghana
cinema by country or region
Facet givecinema Edit
CountryGhana Edit
Ein locationGhana Edit

Cinema of Ghana, wey dem dey call Ghana Film Industry, dem nickname am Ghallywood,[1] Everything start when dem first bring film making enter British colony of Gold Coast (now Ghana) for 1923. Dat time, na only big men dem dey see de films, especially de white people wey be de boss for Gold Coast.[2][3][4] Film making for Ghana begin to grow for 1950 insyd.[5][6][7][8] Cinema be de main place wey people dey go watch film until home video cam turn popular pass am. Film industry no get official name yet secof dem dey consult den engage plus stakeholders wen dem send petition to Ministry of Tourism, Arts and Culture wey suspend de use of de name Black Star Films.[9]

National Theatre of Ghana, Accra

Cinema for de colonial period insyd

[edit | edit source]

For 1920s insyd, some private people bring film enter Ghana (wey dem dey call Gold Coast den) by opening cinema for urban areas. By 1923, cinema cam turn new way wey people dey take enjoy, buh no be big men per dem dey see de films wey dem dey show for cinemas. Cinemas be for first class people, dat be de colonial leaders den top officials. Later, dem start use cinema vans for rural areas.

For 1948, when de colonial masters see say film, apart from de entertainment tins, dem fit use am brainwash den change society to follow de filmmaker way, dem decide to establish Gold Coast Film Unit for Information Services Department of de colonial government. Film cam turn anoda way, wey dem consider scientifically correct, to influence society. Gold Coast Film Unit use green-yellow Bedford bus go screen documentary films, newsreels, den government information films to de public. Dem no charge entrance fee. (Sakyi 1996: 9). De films dey include propaganda films about World War II, wey Colonial Film Unit (CFU) for London produce. (cf. Diawara 1992: 3).

After de war, de unit start produce educational films den feature films for dem African colonies. Dem design de films make dem show say Western "civilised" way of life dey better pass African "backward" way of life. Dem suggest say "superstitious" customs dem for stop am. (Diawara 1992: 3; Ukadike 1994: 44ff).

Gold Coast Film Unit, sanso produce films wey dey concern local people, make dem take encourage dem make improvements for health, crops, living, marketing, plus human co-operation. (Middleton-Mends 1995: 1; Diawara 1992: 5). For 1948, Gold Coast Film Unit start train local African film makers. Dem dey exchange films plus oda British colonies for Africa. (Middleton-Mends ibid.).[10]

Ghana Film Industry: Contemporary Ghana cinema

[edit | edit source]

Cinema industry for Ghana, wey dem dey call Ghana Film Industry, formerly Ghallywood, start for early 1980s. Before dat, na only government of Ghana, wey inherit film industry from colonial government, dey produce films for de country. First presido of Ghana, Dr. Kwame Nkrumah, for 1964, establish Ghana Film Industry Corporation (GFIC) for Kanda, Accra, wey cam turn de country capital for 1877. GFIC now house TV3, private Malaysian TV station. Dr. Kwame Nkrumah, Presido of first Republic of Ghana, send plenty Ghanaians go abroad learn filmmaking, purposely for GFIC work. Ghana get professionally trained filmmakers wey government employ to produce films for socioeconomic development of de country. Legends like Rev. Chris Hesse, Mr. Ernest Abbeyquaye, Mr. Kwaw Ansah den chaw odas, all train by government, under Presido Nkrumah leadership. Dem establish GFIC make e use indigenous Ghanaian made films reverse de negative impact of films made by colonial government den restore pride of being Ghanaian den African for citizens. Ghana Film Industry Corporation dey make films make e serve purpose of building self-reliance for African people. More dan 150 feature den documentary films, GFIC produce by late 1960s. After Nkrumah overthrow for 1966, film industry for Ghana nose dive.

For 1981, de first independent film, Love Brewed in de African Pot, Kwaw Ansah produce am, one of de legendary filmmakers for Ghana. Dem shoot de film on celluloid film. After dat, King Ampaw, Ghanaian filmmaker wey train for German, sanso follow suit plus de release of ein film Kukurantumi - The Road to Accra for 1982. By de middle of 1980s, new generation for Ghana, led by William Akuffo, decide to adapt de new video technology wey dem introduce to de world for 1978, for de production of films. Dem use Video Home System (VHS) cameras shoot feature-length films from 1986 for Ghana. De idea be to tell Ghanaian den African story by African. Ghana be de first country for de world to use VHS cameras shoot feature-length films. By de end of 1980s, Ghana fit boast of plenty films wey dem produce for Ghana on VHS tapes cassettes

Since de late 1980s insyd, direct-to-video film ein making increase for Ghana insyd. Money for cinematography hard to get for both state own Ghana Film Industry Corporation (GFIC) and independent film makers. So, people for Ghana start make dem own films use VHS video cameras. Independent filmmakers create dem own Ghanaian stories den scripts, assemble actors, both professional den amateur, wey make successful films, especially for Accra. Money from these VHS video movies help support film industry. For 1980s, wen filmmakers start make video-films, GFIC rise against am bitterly. GFIC authorities no see say video technology go cam turn part of global format of filmmaking, so dem rise against am den make am difficult for independent producers for Ghana dat time. GFIC prohibit dem film directors to assist independent producers make video-films. Dis decision of GFIC cause Ghana lose professionalism for filmmaking. Producers force start direct dem own video-films. Dis culture of produce den direct without professional training for filmmaking go cam turn de culture wey dem no fit control for next three decades.

After some years, GFIC start offer technical support to VHS filmmakers in exchange for right to first screening for dem Accra cinemas. Dema film come make very popular since Ghanaians dey see true stories of who dem be thru de films wey indigenous Ghanaian filmmakers dey make. By early 1990s, about fifty VHS video movies per year na dem dey make for Ghana insyd. Over time, professional plus amateur filmmakers for Ghana produce films wey dey similar quality plus get equal respect.

For 1996, government of Ghana sell seventy percent of shares for GFIC to Malaysian TV production company, Sistem Televisyen Malaysia Berhad of Kuala Lumpur. Dem rename GFIC to "Gama Media System Ltd". Dis one also affect de rising film industry for Ghana very bad. GFIC dey control about half of cinema-theatres for de country dat time. De sale of 70% of GFIC collapse cinema industry. De company no get interest for film making, so film industry for Ghana continue with independent film makers wey dem funding depend on popular appeal of de films.[11] For example, for Ghana cinema, dey get one popular theme of darkness den occultism wey dem place for framework of Christian dualism, wey involve God den de Devil (see Meyer 1999a).[12]

Dem dey call Twi dialect movies "Kumawood" films. English-speaking Ghanaian films sometimes dem dey call "Ghallywood" productions. And all de films wey dem make for Ghana dem dey refer to as Ghana Films since dem no get official name yet.[13] Films wey dey show African witchcraft dey popular for Ghana, even though dem dey criticize dem. Ghana dey produce low-budget visual effects films. Dem include 2016 (2010), den Obonsam Besu (The Devil Will Cry).[14][15][16]

About 1997, Ghanaians den Nigerians start dey make collaboration films wey introduce Nigerian film directors like Ifeanyi Onyeabor (a.k.a. Big Slim), Rev. Tony Meribe-White den later around 2006, Nigerian filmmaker Frank Rajah Arase wey Ifeanyi Onyeabor bring am in as ein personal anaa production assistant. He sanso grow make e cam turn movie director den collaborate plus Venus Films, Ghanaian production company, to produce plenty films wey bring out Ghanaian popular actors wey fit get work for Nigeria (Nollywood). Some of de actors include Van Vicker, Jackie Appiah, Majid Michel, Yvonne Nelson, John Dumelo, Nadia Buari den Yvonne Okoro. Some Nigerian producers film for Ghana where production costs dey low.[17]

For 2017, dem establish Ndiva Women's Film Festival, African film festival for women filmmakers and audiences, for Accra..[18]

References

[edit | edit source]
  1. ↑ Starrfm.com.gh (2021-12-18). "Tourism Ministry suspends new name for Ghana film industry — Starr Fm". Retrieved 2022-06-23.
  2. ↑ Frindéthié, K. Martial (24 March 2009). Francophone African Cinema: History, Culture, Politics and Theory. McFarland. ISBN 9780786453566 – via Google Books.
  3. ↑ "Ghana Movies – The beginning of the end? (Part 1)". Ghanamagazine.com. 24 November 2011. Archived from the original on 3 November 2016. Retrieved 12 September 2016.
  4. ↑ Martin, Michael T. (1 January 1995). Cinemas of the Black Diaspora: Diversity, Dependence, and Oppositionality. Wayne State University Press. ISBN 0814325882 – via Google Books.
  5. ↑ "Storytelling from the Margins: Accra's Emerging Cinema Shifts National Memory". accradotaltradio.com. 7 June 2016. Archived from the original on 4 July 2020. Retrieved 12 September 2016.
  6. ↑ "The New Face Of Cinema In Ghana". Globe Entertainment. 13 August 2015.
  7. ↑ Davis, Lauren (9 September 2009). "The Curious Art of Ghana's Mobile Movie Posters". gizmodo.com.
  8. ↑ Frindéthié, K. Martial (24 March 2009). Francophone African Cinema: History, Culture, Politics and Theory. McFarland. ISBN 9780786453566 – via Google Books.
  9. ↑ "'Blackstar Films' suspended as new brand name for GH film industry". Ghana Weekend. 2021-12-18. Retrieved 2022-06-23.
  10. ↑ Meyer, Birgit. "Ghanaian Popular Cinema and the Magic in and of Film | African Film Festival, Inc". Retrieved 2022-01-14.
  11. ↑ "The Video Film Industry" (PDF). Content.ucpress.edu. Retrieved 31 May 2017.
  12. ↑ Meyer, Birgit; Pels, Peter (31 May 2017). Magic and Modernity: Interfaces of Revelation and Concealment. Stanford University Press. ISBN 9780804744645. Retrieved 31 May 2017 – via Google Books.
  13. ↑ "Ministry of Tourism suspends new name for Ghana Movie Industry". Graphic Online. Retrieved 2022-06-23.
  14. ↑ Lamar, Cyriaque Lama (14 November 2011). "2016, the trailer for Ghana's Predator, is the best thing you'll see all day". io9. Retrieved 16 December 2016.
  15. ↑ Carter, Grey (18 November 2011). "Devil May Cry: The Movie". The Escapist. Retrieved 16 November 2016.
  16. ↑ Asiedu, William A. "Ghana news: Graphic Online - Graphic Online".
  17. ↑ "Nollywood: Lights, camera, Africa". The Economist. 16 December 2010. Retrieved 20 February 2015.
  18. ↑ "Zed Multimedia". Zed Multimedia. Retrieved 2024-09-25.

Bibliography

[edit | edit source]
  • Allen, Robert C. 1995 Introduction. In: R. C. Allen (ed.) To be Continued.... Soap Operas Around the World. London: Routledge. pp. 1–26.
  • Brantlinger, Patrick. 1988. Rule of Darkness. British Literature and Imperialism, 1830–1914. Ithaca and London: Cornell University
  • Diawara, Manthia. 1992. African Cinema. Politics & Culture. Bloomington & Indianapolis: Indiana University Press.
  • Geschiere, Peter. 1997. The Modernity of Witchcraft. Politics and the Occult in Postcolonial Africa. Charlottesville and London: University Press of Virginia
  • Gifford, Paul. 1994. "Ghana's Charismatic Churches". Journal of Religion in Africa 64 (3): 241-65
  • Gifford, Paul. 1998 African Christianity. Its Public Role. Bloomington and Indianapolis: Indianan University Press
  • Gunning, Tom. 1989. "An Aesthetic of Astonishment". Art & Text 34 (Spring):*
  • Kramer, Fritz. 1987. Der rote Fes. †ber Besessenheit und Kunst in Afrika. Frankfurt am Main: AthenŠum.
  • Landau, Paul. 1994. "The Illumination of Christ in the Kalahari Desert". Representations 45 (Winter): 26–40.
  • McLuhan, Marshall. 1995 [1964] Understanding Media. The Extensions of Man. London: Routledge.
  • McQuire, Scott. 1998. Visions of Modernity. Representation, Memory, Time and Space in the Age of the Camera. London: Sage.
  • Mensah, G. B. 1989. "The Film Industry in Ghana — Development, Potentials and Constraints". University of Ghana, Legon: Unpublished thesis.
  • Meyer, Birgit. 1995. "Delivered from the Powers of Darkness. Confessions about Satanic Riches in Christian Ghana". Africa, Vol. 65 (2): 263–55.
  • Meyer, Birgit. "Make a complete break with the past. Memory and Post-colonial Modernity in Ghanaian Pentecostalist discourse". Journal of Religion in Africa XXVII (3):316–349.
  • Meyer, Birgit. 1999a. Translating the Devil. Religion and Modernity Among the Ewe in Ghana. Edinburgh: Edinburgh University Press.
  • Meyer, Birgit.1999b. "Popular Ghanaian Cinema and the African Heritage". Working Paper 7. The Hague: WOTRO-Project "Globalization and the Construction of Communal Identitie".
  • Middleton–Mends, Kofi. 1995. "Video-Production — Which Direction?" Unpublished paper.
  • Moore, Rachel. n.d. "Savage Theory. Cinema as Modern Magic". Manuscript.
  • Morton–Williams. 1953. Cinema in Rural Nigeria. A Field Study of the Impact of Fundamental-Education Films on Rural Audiences in Nigeria. West African Institute of Social and Economic Research, University College, Ibadan.
  • Neal, James H. 1966. Ju-ju in My Life. London: George G. Harap.
  • Pels, Peter. 1999. A Politics of Presence. Contacts Between Missionaries and Waluguru in Late Colonial Tanganyika. Chur: Harwood Academic Publishers.
  • Powdermaker, Hortense. 1950. Hollywood. The Dream Factory. USA: The Universal Library, Little Brown, and Company
  • Sakyi, Kwamina. 1996. "The Problems and Achievements of the Ghana Film Industry Corporation and the Growth and Development of the Film Industry in Ghana". University of Ghana, Legon: Unpublished thesis.
  • Sreberny–Mohammadi, Annabelle and Ali Mohammadi. 1994. Small Media, Big Revolution. Communication, Culture, and the Iranian Revolution. Minneapolis: University of Minnesota Press.
  • Starker, Steven. 1989. Evil Influences. Crusades Against the Mass Media. New Brunswick & London: Transaction Publishers.
  • Tyler, Parker. 1971[1947] Magic and Myth of the Movies. London: Secker & Warburg.
  • Ukadike, Nwachukwu Frank. 1994. Black African Cinema. Berkeley, Los Angeles, London: University of California Press.
  • Van der Geest, Sjaak. n.d. "Ybisa Wo Fie: Building a House in Akan Culture". Unpublished paper.
  • Verrips, Jojada. in press. "The State and the Empire of Evil" in J. Mitchell & P. Clough (eds), Powers of Good and Evil. Oxford: Berghahn Books.
  • Richard Yaw Boateng, National President of Film Directors Guild of Ghana (FDGG). 2015.
Dem retrieve am from "https://gpe.wikipedia.org/w/index.php?title=Cinema_of_Ghana&oldid=39482"