Jump to content

Cuttington University

From Wikipedia
Cuttington University
university
Year dem found am1889 Edit
CountryLiberia Edit
Edey de administrative territorial entity insydMonrovia Edit
Coordinate location7°2′24″N 9°33′15″W Edit
Member ofAssociation of African Universities Edit
Dema official websitehttp://www.cuttington.org/ Edit
Map

Cuttington University be private university insyd Suacoco, Liberia. Dem found am insyd 1889 as Cuttington College by de Episcopal Church of the United States (ECUSA), ebe de oldest private, coeducational, four-year, degree-granting institution insyd sub-Saharan Africa.[1]

History[edit | edit source]

Insyd 1887, Robert Fulton Cutting, treasurer of de ECUSA, donate $5,000 to Episcopalian bishop insyd Liberia for de establishment of school make dem dey teach Liberian kiddies — regardless of ethnicity — about industry den agriculture.[2] Na dem finally establish university insyd 1889 by Samuel David Ferguson insyd Cape Palmas, wer na e remain til 1929. Dem name am Cuttington College wen na dem gbele am, M. P. Keda Valentine serve as de first principal follow by Samuel Taylor.[2] Among de first private colleges insyd de West African region, na dem dey see de school as college for Liberia ein elite.[3] Sam of de earliest graduates include "two chief justices of de Liberian Supreme Court den three associate justices, one minister of education den chaw civil servants".

Insyd 1948, dem move de college go Suacoco insyd Bong County, 120 miles north of Liberia ein capital of Monrovia. Prior to de First Liberian Civil War, na 45% of government officials be alumni of de college.[3] For de wake of de 1980 military coup, de college continue make ebe favour plus government assistance, as de Ministry of Action for Development den Progress provide approximately $1.5 million for de college ein 1981-1982 budget.[4] During de First Liberian Civil War from 1989 to 1996, na dem loot de school wey dem damage de structures wey na dem use de campus as training facility give militias[3]. From 1990 to 1997, de school operate for office per insyd de U.S. state of Virginia.[3] Insyd 1998, de now Cuttington University College re-open plus class of 103 students.[3]

De college now reopen for de third time for ein history insyd (na dem hold de second founding for ein current location insyd 1948), after lengthy period of civil conflict. For August 15, 2004, 117 students graduate for de war-ravaged campus for various disciplines insyd, plus de highest number of graduates be insyd nursing.

War damage[edit | edit source]

For February 5, 2004, de Presido of Cuttington, Dr. Henrique F. Tokpa meet ein son Captain Matthew J. Denkyan of de U.S. Army, wey na dem assign am to Liberia as military observer. Na dem be part of inspection team wey tour de partially facilities dem renovate wich na looters damage am during de war:

  1. De Dunbar Building, wich dey house de office of Registrar; bookstore den few classrooms na dem de-roof am wey na heavy den repeated rain storms damage de ceiling, roofing frame den nearly all of de books na dem previously donate by de County College of Morris insyd Randolph, New Jersey, USA.
  2. De AFRICANA Museum dey insyd similar condition to de Dunbar Building (looters komot de zinc den ceiling material wey na de roofing timbers be expose to de weather den de concrete walls den rafters per wey remain for place.
  3. Na de Tubman Library sustain less structural damage, buh extensive looting den on site destruction of books den facilities take place der.
  4. Na de Seth C. Edwards cafeteria be partially de-roof wey sam of de roofing timbers collapse.
  5. Na grass fire destroy building wey dem build by de Lutheran Church as de guest house for commuting professors. Na de fire create extensive cracks insyd de structure wey na dem for demolish am. Dem no know de cause of de grass fire, during de dry Harmattan season grass fires be common, buh due to de war dem burn out of control.
  6. De newly constructed Power House wich na dem construct plus USAID den ASHA grant be relatively intact although looters enter de building, na dem do less damage. De current presido of de Cuttington University be Dr. Romelle Horton de institution ein 13th presido.

Details[edit | edit source]

Cuttington University dey locate 120 miles north of Monrovia insyd Suacoco, Bong County

Cuttington University be de oldest private, coeducational, four-year, degree-granting institution insyd sub-Saharan Africa.[1] E dey issue degrees insyd de liberal arts den number of technical studies. E educate generations of leaders give de nation of Liberia den West Africa. Ein roots dey lie deep within de history of de nation, de relationship between Liberia den de United States, den de Episcopal Church.

Currently, de school dey attempt make e find sponsors wey go fi help make dem improve ein communications plus de world. Since de end of de war, dem restore regular telephone, electricity, den internet services. De campus sanso dey run ein own water treatment facility. For present, volunteer web site dey maintain remotely insyd de United States. De Cuttington University public radio den television stations resume broadcasts insyd January 2010.

De campus, 120 miles from Monrovia, dey include single-story white structure per.[3] Dese dem set among hills wey dey roll den cotton trees as well as rice paddies den de native tropical plants.[3] Next to campus be de school ein affiliate hospital, Phebe Hospital.[3] Cuttington be member of de Association of African Universities.[5]

Notable people[edit | edit source]

  • Dessaline Harris, Supreme Court justice[6]
  • Roosevelt Jayjay, faculty member; Minister of Mines, GOL[7]
  • Harry Moniba, former Vice Pee of Liberia
  • Roselyn Nugba-Ballah, Liberia ein first recipient of de Florence Nightingale Medal[8]
  • James A. A. Pierre (1929), Attorney General den Chief Justice of Liberia
  • Wilton Sankawulo, faculty member den author[9][10]
  • Jewel Taylor, Vice Pee of Liberia; former First Lady of Liberia

References[edit | edit source]

  1. ↑ 1.0 1.1 "Cuttington University (Liberia)". The Talloires Network. Retrieved 2020-04-14.
  2. ↑ 2.0 2.1 Saha, Santosh C. “Agriculture in Liberia during the Nineteenth Century: Americo-Liberians' Contribution”, Canadian Journal of African Studies, Vol. 22, No. 2 (1988), Canadian Association of African Studies, pp. 224-239.
  3. ↑ 3.0 3.1 3.2 3.3 3.4 3.5 3.6 3.7 Rossouw, Henk. “A Liberian University Rises Up From the Ravages of War”, The Chronicle of Higher Education, November 9, 2001, International, p. 58.
  4. ↑ Greaves, Cynthia. "Cuttington Will Open Next Month". Daily Observer 1981-03-04: 12.
  5. ↑ "Member Details: Cuttington University College". Membership. Association of African Universities. Archived from the original on 6 October 2006. Retrieved 29 June 2011.
  6. ↑ "Justice Harris To Be Buried in Bassa". Liberian Star 1966-03-30: 1/6.
  7. ↑ "'Mine Boy' Becomes Minister of Mines". The Inquirer 2011-02-28: 16.
  8. ↑ Harmon, William Q. (2017-12-01). ""A True Patriot," Nurse Roselyn Ballah, Gets Nightingale Award Presented". Liberian Observer. Archived from the original on 2021-04-14. Retrieved 2020-05-23.
  9. ↑ Sankawulo, Wilton. Great Tales of Liberia as told by Wilton Sankawulo ISBN 973-651-838-8
  10. ↑ Sankawulo, Wilton. Sundown at Dawn: A Liberian Odyssey ISBN 0-9763565-0-3.

External links[edit | edit source]

Dem retrieve am from "https://gpe.wikipedia.org/w/index.php?title=Cuttington_University&oldid=33434"