Eric Opoku (politician)

Eric Opoku (politician)

human

Sex anaa gender	male
Country wey e be citizen	Ghana
Name in native language	Eric Opoku
Given name	Eric
Family name	Opoku
Date of birth	5 June 1970
Place dem born am	Brong-Ahafo Region
Languages dem dey speak, wrep anaa sign	English
Occupation	politician, farmer, teacher
Position dem hold	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 4th Parliament of the 4th Republic of Ghana, Member of the 8th Parliament of the 4th Republic of Ghana
Educate for	Kwame Nkrumah University of Science and Technology
Political party ein member	National Democratic Congress
Candidacy in election	2020 Ghanaian parliamentary election
Religion anaa worldview	Christianity

Eric Opoku be Ghanaian politician den member of de Seventh Parliament den 8th Parliament for de Fourth Republic for Ghana wey he dey rep Asunafo South Constituency wey dey de den Brong-Ahafo Region, now Bono Region for de ticket of de National Democratic Congress.

Ein early life den education

Dem born Eric Opoku for 5 June 1970. He dey comot from town dem dey bell Sankore for de Brong Ahafo region for Ghana insyd. He get ein Bachelor of Arts degree for Social Science from Kwame Nkrumah University of Science den Technology for 2004 insyd.

Ein career

Opoku be farmer/ agriculturist. Prior to ein election for parliament, he job as teacher plus de Ghana Education Service for SDA Primary School for Sankore, from 1997 come 2000. He san job plus Kuapa Kookoo Ltd as demma Society Development Secretary from 1998 come 2001.

Ein political career

Dem elect Opoku first go parliament for de 3rd parliament for de 4th republic of Ghana as de member of parliament for de Asunafo South constituency for de den Brong Ahafo Region, now Bono Region for Ghana. Though he lost ein seat for ein subsequent election, dem san elect am for parliament for 7 January 2013 after he claim victory for de 2012 Ghanaian General Elections wey he go rep de Asunafo South Constituency wey he serve until 6 January 2017. Dem san reelect am for 7 January 2017 after de 2016 Ghanaian General Elections wey he get 52.97% of de valid votes cast. He job as de Deputy Brong Ahafo Regional Minister from 2009 come 2013. For de 7th parliament for de 4th republic of Ghana he serve on top of Food, Agriculture den Cocoa Affairs Committee as demma ranking Member. He san serve for de Privileges Committee den Appointments Committee for de same parliament.

Opoku receive award as de best member of parliament for communal den rural development for 2017 from de Bureau of Research on Governance, Commerce den Administration (BORGCA). Dis award dem take give am for ein contribution to developmental projects for de Asunafo South Constituency.

Elections

Dem elect Opoku as de member of parliament for de Asunafo South Constituency for de den Brong Ahafo region for de 2004 Ghanaian general elections. He chop for de ticket of de National Democratic Congress. Ein constituency be part of de 10 parliamentary seats out of total 24 seats won by de National Democratic Congress for dat election for de Brong Ahafo Region. Ein constituents wey dey Asunafo South vote ‘skirt den blouse’ cos dem vote give presidential candidate elect by de constituency electorates as John Kufour wey commot from de major opposition New Patriotic Party. De National Democratic Congress chop minority total of 94 parliamentary seats out of 230 seats for dat elections insyd. Dem elect Opoku plus 14,076 votes out of 29,345 total valid votes cast, equivalent to 48% of total valid votes cast. Dem elect am ova George William Amponsah who rep New Patriotic Party, Jack Kennedy Brobbey as de independent candidate den Fredrick Nkrumah of de Convention People's Party. Dem obtain 43.80% , 7.30% den 0.90% respectively of total valid votes cast. Dem san re-elect Opoku for de 2020 Parliamentary election isyd make he represent dem for de 8th Parliament for de fourth Republic of Ghana insyd.

Attack

Dem attack Opoku for ein residence insyd for 25 December 2017 for Sankore wey dey Brong Ahafo Region for Ghana insyd. De National Democratic Congress allege say de attackers be armed supporters of de opposition New Patriotic Party. Dem attack am for de second tym, for 1 April 2018, for ein home for Sankore by armed men. Though dem unharm am, de attackers allegedly made away plus about GHS 10,400.00, television set den ein decoder wey dem damage three of Opoku ein vehicles.

Ein life matter

Opoku get four kiddies plus ein married wyf. He san be Christian.