Felix Nartey

Felix Nartey

human

Sex anaa gender	male
Country wey e be citizen	Ghana
Name in native language	Felix Nartey
Given name	Felix
Family name	Nartey
Place dem born am	Tema
Sibling	Dj Aroma
Languages dem dey speak, wrep anaa sign	English, Ga, Twi, Ghanaian Pidgin English
Occupation	entrepreneur, banker
Position dem hold	community association manager, organizational founder, director
Educate for	Central University College, Hochschule Anhalt, Pope John Senior High School den Minor Seminary
Residence	Tema
Participant in	GLAMWiki Conference 2018
Award dem receive	Wikimedian of the Year
Email address	mailto:fnartey@wikimedia.org
Skype username	Flixtey

Felix Nartey be Ghanaian social entrepreneur den open advocate. Dem name am de Wikimedian of de Year for August 2017 insyd by Wikipedia dema co-founder Jimmy Wales for Wikimania. He be de chapter lead den Co-founder of Creative Commons Ghana wey he sa be co-founder of Open Foundation West Africa.

Ein early life

Dem born Felix for Tema for Ghana insyd. He graduate from Pope John Secondary School for 2008 insyd, Central University plus B.Sc. for Banking den Finance for 2013 insyd, wey he san plete ein M.B.A for de Anhalt University of Applied Sciences. As he dey study for Central University, dem appoint am as Google Student Ambassador, position wey surge ein interest for technology insyd.

Ein career

Nartey job as banker after ein first degree, wey na he be avid volunteer for oda capacities insyd. He serve as de community manager give Wikimedia Ghana. Later nu he co-found Open Foundation West Africa, non-profit organization wey ein goal be say e go encourage de creation of content under open licenses.

As of August 2017, Nartey work as consultant for de capacity of Global Coordinator give de Wikipedia Library for de Wikimedia Foundation. Nartey go on go job for different capacities insyd for de Wikimedia Foundation, wey currently nu he dey occupy de position of Senior Program Officer.

He san so serve for different capacities for boards top den as advisor. He serve for more dan 5 years as board chair give Open Foundation West Africa, currently he dey serve as advisory board member give Kiwix den advisory committee member give Open Access Week.

Ein contributions for de Open Movement

Nartey join de Wikimedia movement for 2012 insyd. He dey add content about ein home country, Ghana, wey he dey lead chaw initiatives so say e go promote de importance make dem edit Wikipedia, wey dey include GLAM activities, de Wikipedia Education Program, activities wey dey target bridging de gender gap, den de Wikipedia Library.

Na he be member for de Drafting Committee give de Wikimedia Movement Strategy, member for de Advisory Group give de transition for de Creative Commons Global Network Strategy den member for de interim Global Network Council give Creative Commons. Na he san so be member for de core team for de Firefox Africa Group.

For ein Wikipedian of de Year dedication, Wales mention say Nartey play leading role for de organization for de 2nd Wiki Indaba conference 2017 for Accra insyd, wey he san so be critical for building up de local communities for Africa insyd.