Central University (Ghana)

Central University College

university

Year dem found am	1997
Country	Ghana
Edey de administrative territorial entity insyd	Accra, Greater Accra Region
Coordinate location	5°33′59″N 0°14′28″W
Member of	Association of African Universities
Demma headquarters location	Accra
Dema official website	http://www.centraluniversity.org/

De Central University be Private university wey dey Ghana, wey International Central Gospel Church (ICGC) found am. Dem found as sam pastoral training institute by Mensah Otabil for 1988 insyd. For June 1991 insyd, na ebe known as de Central Bible College. E later cam turn Central Christian College for 1993 wey eventually ecam turn de Central University College for 1998. For 2016 insyd, Central University College attain de status of sam fully-fledged University wey now Central University. De stated aims of de university be say ego provide sam "integrated den biblically-based tertiary education plus particular reference give de needs of de African continent". Currently, ebe de biggest private university for Ghana insyd.

Dema History

For 1988 insyd, wey dem found de Central Bible College. For 1993 insyd, ecam turn de Christian University College wey ecam turn de Central University College (CUC) for year 1998 insyd after change of name.Central University College (CUC) be privately owned university college wey dey Ghana. Ebe International Central Gospel Church, ein founder den chancellor, Rev. Dr. Mensa Otabil wey dey own am wey within de last two decades, emerged as a leading voice in African Christianity advocating for a proper synthesis of Christian religious expression den de translation of spirituality go practical everyday action. De Idea of CUC start for 1988 insyd.

CUC start as short-term pastoral training institute mainly give pastors of ICGC. Ecam turn Christian University College for 1993 wey dem expand programs ova de years say dem go include de academic study of Christian Theology, business administration, economics, computer science den sam select number of modern languages wey dey include French. Dem dey offer most of demma current programs up to de graduate level wey dem see de establishment of de schools of architecture den pharmacy for de 2008/2009 academic year. For 1998 insyd, (NAB) accredit de university college. Sam Ghanaian newspaper feature for CUC wey appear for The Spectator of Saturday 16 October 2007 describe CUC as "sam University college wey be class of ein own". For January 2016 insyd, de University College receive de long-awaited Presidential Charter wey dem ecam turn sam autonomous den sam fully-fledged university as Central University.

Ten (10) years down de line, CUC ein development cam turn phenomenal plus de construction of sam permanent campus wey dey Miotso, near Dawhenya. For 26 October 2007 insyd, CUC relocate sam greater part of ein campus from de heart of Accra, de capital go Miotso, sam community wey be near Dawhenya for Greater Accra Region insyd.

Na de university ein first registrar, Johnson Kanda, be de first employee of de university, wey draft den put togeda almost all de documentation wey de university dey hia; he serve period of 10 years between 1998 den 2008.

De university ein chancellor Rev. Mensa Otabil be de Head Pastor of de International Central Gospel Church (ICGC). Na de university ein past President V. P. Y. Gadzekpo, be de president from 2004 till 2012. He take ova from Rev. Kingsley Larbi wey na he be principal of Central Christian College, Ghana. Ein distinguished pioneering efforts for de then Central Christian College lead go de establishment of Central University College, Ghana, wer he serve as ein first president anaa vice-chancellor from November 1998 till July 2003. Kwesi Yankah be de next person wey head de university He take ova from V. P. Y. Gadzekpo for 1 September 2012. He hand ova give de current vice chancellor, Bill Buenar Puplampu.

De university receive sam charter from de president for 2016 wey now echange from college go university.

Milestones

• 1984 – Rev. Dr. Mensa Otabil wey found International Central Gospel Church [ICGC]
• 1988 – De ICGC open ministerial institute say ego train new generation of leaders
• 1991 – Dem form Central Bible College from de success of de ICGC ministerial institute
• 1993 – Central Bible College incorporate as de Central Christian College

1997

• Investiture of Rev. Dr. Mensa Otabil as chancellor
• Dem commission Central Business School

1998

• Central Bible College re-christen Central University College say ego reflect ein new status as liberal arts tertiary institution
• Dem induct Johnson Kanda as de first registrar
• Dem appoint Rev. Kingsley Larbi as de first principal

2002 De Business Development Centre open for business

2003 Dem carve de Development Directorate from de pre-existing Project Office

2004 V. P. Y. Gadzekpo take office as de second president

2006 Dem establish Faculty of Arts & Social Sciences

2007 Dem launch Quality Assurance Unit

Dem establish Vision & Legacy Unit

2008 Dem commission School of Applied Sciences

2009 Dem appoint J. F. Odartey Blankson as de university ein second registrar

Dem create Human Resources Directorate.

Dem inaugurate Centre for International Relations & Programmes

2011 Dem establish School of Graduate Studies

Dem institute William Ofori-Atta Institute of Integrity [WOAII]

De historic migration of de university from Mataheko go Miotso start for 2012

2012 Dem appoint Kwesi Yankah as de third president of de university

2013 Dem inaugurate Faculty of Law

Dem institute three lecture-series: Distinguished Speaker Series, Professorial Inaugural Lectures den Annual Colloquia.

CU's Schools den Faculties commence de first Annual Colloquia Series

Adigun Agbaje start de Distinguished Speaker Series plus de topic "Electoral Politics den de Travails of Democracy" for Africa insyd.

2014

• Mahamudu Bawumia den Kwesi Botchwey deliver de second den third lectures of de Distinguished Speakers Series for de respective topics: "Restoring de Value of de Cedi" den "De State of de Nation ein Political Economy".
• Kwaku Appiah-Adu give de first Professorial Inaugural Lecture for de topic "Sam Framework for Oil & Gas Development wey dey Ghana insyd".
• De university receive de Socrates Award [Oxford] for Best University & Best Manager
• 2015 – De Head of State Awards for Academic Excellence [Tertiary] happen for de university

2016

• Presidential Charter award de university as fully-fledged university
• Impact Africa Summit award vice-chancellor of de university, Kwesi Yankah, Laureate for Education for Ghana.

2017

• Dem appoint Bill Buenar Puplampu as Vice Chancellor
• Dem establish School of Pharmacy, School of Architecture den Design den de School of Medicine den Health Sciences.

2019

• De school start dey use of solar energy so say ego reduce de costs of electricity.

Organisation

De university get seven schools den two faculties

Faculty of Law

Dis be de newest school dem establish for de Miotso campus.

• Bachelor of Laws (LL.B)

School of Theology den Missions

De oldest of de schools, na dem start am insyd 1988 as pastoral training institute thus dey predate de university.

• Department of Biblical den Theological Studies
• Department of Historical Theology
• Department of Practical Theology

Central Business School

Na dem establish dis school insyd 1997.

• Department of Accounting
• Department of Finance
• Department of Agribusiness Management
• Department of Management den Public Administration
• Department of Human Resource Management
• Department of Marketing

School of Applied Sciences

Dis dey locate for de Miosto campus.

• Department of Architecture
• Department of Civil Engineering
• Department of Natural Sciences
• Department of Nursing Studies den Practice
• Department of Pharmaceutical Sciences
• Department of Physician Assistantship Studies

Faculty of Arts den Social Sciences

Dis be de third school dem create. E dey locate for de Dawhenya campus. Na dem establish am insyd October 2006

• Department of Communication Studies
• Department of Environment den Development Studies
• Department of English Language
• Department of Economics
• Department of French
• Department of Psychology
• Department of Sociology
• Department of social Works

School of Graduate Studies and Research

• Master of Business Administration programme plus duration of 18 calendar months. Dem design am make e provide intensive quality post-graduate education insyd business den management within supportive collaborative environment. Intensive foreign language training programme (French den Chinese) as well as a Personal Professional Development Programme of study.

Campuses

De university dey occupy de following campus locations

Miotso (permanent campus)

Dis dey consist of expanding number of structures for de 248-acre (1.00 km²) plot of land top. Edey house de new 'face' of CU. Miotso be 58.2 km away from Accra Central. Dis permanent campus dey accommodate de Central Business School, de School of Applied Sciences, de Faculty of Law den de faculty of art den social science. De administration section of de University College sanso dey locate der.

Mataheko Campus

De Mataheko campus dey locate insyd de heart of Accra near Kaneshie. De university get four campuses wey dey locate within de Mataheko area for lecture halls den administrative offices. Dese campuses sanso dey serve de Central Business School den Administration den de Faculty of Arts den Social Sciences.

Christ Temple Graduate School Campus

Dis campus dey house de Graduate School of Business wich dey run de Master of Business Administration programme plus duration of eighteen calendar months. Dem design am make e provide intensive quality post-graduate education insyd business den management within supportive collaborative environment.

Kumasi Campus

De Kumasi campus dey locate for Calvary Charismatic Church (CCC) close to de KNUST den Ayigya Police Station.

Affiliations

• University of Cape Coast, Cape Coast
• Council for Christian Colleges and Universities, USA
• Association of African Universities
• University of Ghana
• Kwame Nkrumah University of Science and Technology

Memberships

Central University College be member of de Association of African Universities (AAU))

Students' union

Central University College's Student Representative Council dey operate mainly from de Miotso campus. De various class representatives dey serve as contacts for de various campuses top.

People

List of chancellors

• Rev. Dr. Mensa Otabil (1997–Present)

List of presidos

• Rev. Kingsley Larbi – 1998 to 2003
• P. Y. Gadzekpo FGA 2004 to 2012
• Kwesi Yankah – 2012 to 2017
• Bill Buenar Puplampu – 2017 to date

List of registrars

• Johnson Kanda (1998–2008)
• J. F. Odartey Blankson (2009–2011)
• Emil Afenyo (2016 – to date)

List of vice-pees

• K. Oduro Afriyie – Academic (2006–2012)
• J. F. Odartey Blankson – Finance and Administration (2011 – 2016)

List of notable alumni

• Nathan Kwabena Adisi, broadcaster
• Yvonne Nelson, actress
• Adina, musician
• Elvis Agyemang, Pastor @ Grace Mountain Ministries - Alpha Hour