Kwasi Ameyaw-Cheremeh

Kwasi Ameyaw-Cheremeh

human

Sex anaa gender	male
Country wey e be citizen	Ghana
Name in native language	Kwasi Ameyaw-Cheremeh
Given name	Kwasi
Family name	Cheremeh, Ameyaw
Date of birth	6 November 1966
Place dem born am	Jinijini
Languages dem dey speak, wrep anaa sign	English
Occupation	consultant, politician
Position dem hold	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 5th Parliament of the 4th Republic of Ghana, Member of the 8th Parliament of the 4th Republic of Ghana
Educate for	University of Ghana, Ghana School of Law
Work location	Sunyani East Constituency
Political party ein member	New Patriotic Party
Candidacy in election	2016 Ghanaian general election, 2012 Ghanaian general election, 2008 Ghanaian general election, 2020 Ghanaian general election
Religion anaa worldview	Presbyterianism

Kwasi Ameyaw-Cheremeh (dem born am November 6, 1966), he be Ghanaian politician den member of parliament give de Sunyani East constituency for de 7th parliament insyd de 4th republic.

Ein early life den education

Dem born Ameyaw-Cheremeh for November 6, 1966. He dey hail from Jinijini, town wey dey de Bono Region insyd Ghana. He go de University of Ghana wey he gey ein Master of Philosophy degree for Public Administration inside 2008. He san attend Ghana School of Law wey he obtain ein Bachelor of Laws for 1995 insyd. He san go de Galilee College for Israel den graduate plus de 2008 class.

Ein career

Ameyaw-Cheremeh rydee dey serve as de Board Chairman for de Bui Power Authority. He dey serve as de General Secretary for de National Association of Local Authorities of Ghana (NALAG). He dey job as Lawyer.

Politics

Ameyaw-Cheremeh be member of de New Patriotic Party (NPP). Dem elect am for de 2008 Ghana's general elections as de member of parliament for de Sunyani East constituency for de 5th parliament of the 4th republic of Ghana. He get 33,765 votes from 53,844 total valid votes cast, wey ebi equivalent to 62.71% of total valid votes cast. Dem vote give am over Alanyina Sampana Sampson wey rep de People's National Convention, Justice Samuel Adjei wey rep de National Democratic Congress, Peter Kwaw Alibah wey rep de Democratic Freedom Party den Kwakye Kofi wey rep de Convention People's Party. Dis manners obtain 1.25%, 34.97%, 0.29% den 0.78% respectively for de total valid votes cast. For 2012 insyd, he sanso contest for de Sunyani East constituency seat for de ticket of de NPP for de sixth parliament for de fourth republic wey he chop. He sanso serve for de Parliament of Ghana for Sunyani East constituency den serve as house majority chief whip. As New Patriotic Party (NPP) member, he obtain 42,478 votes out of de 71,918 valid votes cast wey dey represent 59.06% of de total votes cast for de 2012 Ghanaian general elections.

Committees

Ameyaw-Cheremeh be de Chairperson for de Judiciary Committee; member of de Standing Orders Committee; member of de Constitutional, Legal den Parliamentary Affairs Committee; den member of de Education Committee.

Ein life matter

Ameyaw-Cheremeh be Christian. He marry wey he get four kiddies.