Mavis Hawa Koomson

 

Mavis Hawa Koomson

human

Sex anaa gender	female
Country wey e be citizen	Ghana
Date of birth	3 February 1966
Place dem born am	Salaga
Languages dem dey speak, wrep anaa sign	English
Occupation	politician, head teacher
Position dem hold	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 8th Parliament of the 4th Republic of Ghana, Minister for Fisheries
Educate for	Ghana Institute of Management and Public Administration, University of Education, Winneba
Work period (start)	2012
Political party ein member	New Patriotic Party
Religion anaa worldview	Christianity

Mavis Hawa Koomson (dem born am on 3 February 1966) bi a Ghanaian politician den educationist. She bi de Member of Parliament for Awutu Senya East Constituency insyd Central Region den doubles as de President of Ghana Nana Akuffo-Addo appoint am on 22 January 2021 as Minister for Fisheries and Aquaculture Development after reshuffle as de Minister of Special Development Initiatives.

Early life and education

Koomson dey hail from Salaga insyd de Savannah Region of Ghana wey den born am on 3 February 1966. She gey ein training college education for de Bimbilla Training College. She dey hold diploma den a bachelor degree insyd Basic Education from de University Education Winneba. She gey ein master degree, postgraduate diploma insyd public administration (CPA) den postgraduate diploma insyd public administration (DPA) from Ghana Institute of Management and Public Administration (GIMPA).

Career

Koomson bi a teacher by profession, occupying various positions wey edey include head teacher, assistant superintendent den Principal superintendent. She san bi de president of Gender Unit of the Ghana National Association of Teachers Ladies Association (GNATLAS) Sekondi local, treasurer for GNATLAS (Western Region) den secretary for GNATLAS (Takoradi local).

Politics

Koomson bi a member for de New Patriotic Party. Rydee she bi de Member of Parliament for Awutu Senya East Constituency insyd de Central Region of Ghana.

Cabinet minister

Insyd May 2017, President Nana Akufo-Addo name Mavis Hawa Koomson as part of ein nineteen ministers who wey dey form ein cabinet. De names of de 19 ministers dem submit give de Parliament of Ghana den announce am by de Speaker of de House, Rt. Hon. Prof. Mike Ocquaye. As a Cabinet minister, Mavis Hawa Koomson bi part of de inner circle wey dey give de president advice for key decision-making activities insyd de country. She bi rydee de Minister for Fisheries and Aquaculture Development.

2020 elections

Insyd de 2020 Ghanaian general elections, she win de Awutu Senya East Constituency parliamentary seat plus 57,114 votes wey edey make up 52.6% for de total votes cast wey de NDC parliamentary candidate Phillis Naa Koryoo Okunor gey 51,561 votes wey edey make 47.5% for de total votes cast, de GUM parliamentary candidate Hanson Ishmael Amuzu gey 0 vote wey edey repp 0.0% of de total votes cast, de CPP parliamentary candidate Addy Ishmael gey 0 vote wey edey make 0.0% of de total votes cast, de GCPP parliamentary candidate Peter Kwao Lartey gey 0 vote wey dey make 0.0% for de total votes cast den de UPP parliamentary candidate Mohammed Issah Al-Marzuque gey 0 vote wey dey make 0.0% for de total votes cast.

Committee

Koomson bi a member of de Business Committee.

Controversy

Insyd July 2020, Hawa Koomson breach security laws den fire gunshots into a crowd of citizens who den in de process of registering for de controversial voters ID card. Dis incident occurr insyd Kasoa. De Minister claim she bi inform of foreigners who gey come from different towns to register insyd ein constituency. She regard dis as a threat to her party ein victory insyd de upcoming elections. De Minister claim dat de act bi in self-defense because she feel threaten. She respond to de invitation of de CID for de police insyd de Central region. Ein gun dem retrieve by de Central Regional police. De license covering de weapon wey dem retrieve am wen she report give de police insyd Cape Coast.

Personal life

She bi Christian den she marry with three kiddies.

Philanthropy

She introduce ein annual soccer competition wey dem call am de Kasoa MP's Cup wey dem go play among de youth insyd ein constituency.

Insyd 2021, Koomson construct a church hall give de Bethel Methodist Church insyd Kasoa.