Museum of Science den Technology (Accra)

Edit links
From Wikipedia
Museum of Science and Technology
science museum
CountryGhana Edit

Dem establish Museum of Science den Technology wey dey Accra, Ghana for 1963 insyd[1] wey dem first open ein doors for 1965 insyd.[2] D museum dey under administration of Ghana Museums den Monuments Board den de National Commission give Culture.[3]

Ein Background[edit | edit source]

Na de aim wey dem take establish museum be say ego create sam awareness of past den present developments for science den technology wey dey Ghana insyd. Two lecturers from University of Ghana present proposal give Kwame Nkrumah, wey na he be Ghana ein Presido for dat tym.[2] Dem shut down de original museum building wey dem send de exhibits go de current building wey edey experience enormous delays for ein construction insyd.[4]

Ein Location[edit | edit source]

De museum dey de heart of Accra. Ebe close plus de intersection for de east of Barnes Road den for de south of Liberia Road for Accra insyd. West of de museum be deUniversity of Ghana Accra City Campus den for de north be de offices of de National Service Scheme den de Regional Coordination Council.

Demma Activities[edit | edit source]

Aside say edey display exhibits give de public, de museum dey contain sam library. Esana dey organise educational activities give school kiddies.[2] For 2019 insyd, na sam Evolution of Science exhibition wey ebe Wellcome wey fund am wey de exhibition highlight activities wey dey relate plus health den space research.[5]

Demma Opening hours[edit | edit source]

De museum usually dey gbele daily for week days from 9:00 am go 4:30pm. Esana dey charge gate fees.[2]

Make you sana see[edit | edit source]

  • List of museums in Ghana

References[edit | edit source]

  1. ↑ "Museums Introduction". ghanamuseums.org. Ghana Museums and Monuments Board. Retrieved 3 August 2020.
  2. ↑ 2.0 2.1 2.2 2.3 "Museum of Science and Technology (MST), Accra (1963)". ghanamuseums.org. Ghana Museums and Monuments Board. Retrieved 3 August 2020.
  3. ↑ "Museum of Science and Technology". peacefmonline.com. Peace FM Online. Retrieved 3 August 2020.
  4. ↑ "Museum of Science and Technology, Accra, Ghana". youtube.com. Retrieved 3 August 2020.
  5. ↑ Amsen, Eva (14 December 2019). "Artists and Scientists In Ghana Reflect On The Country's Scientific Achievements". forbes.com. Retrieved 3 August 2020.
Dem retrieve am from "https://gpe.wikipedia.org/w/index.php?title=Museum_of_Science_den_Technology_(Accra)&oldid=22192"