Mwezé Ngangura
| Ein sex anaa gender | male  |
|---|---|
| Country wey e be citizen | Democratic Republic of the Congo |
| Ein date of birth | 7 October 1950 |
| Place dem born am | Bukavu |
| Ein occupation | film director, screenwriter |
| Award e receive | Stallion of Yennenga |
| Related category | Category:Films directed by Mwezé Ngangura |
Mwezé Ngangura (born 7 October 1950) be a film director wey komot de Democratic Republic of the Congo (DRC).
Early years
[edit | edit source]Dem born Mwezé Ngangura insyd Bukavu, DRC for 7 October 1950. For de age of twenty he win a scholarship make he go Belgium den study for de Institut des arts de diffusion, wey he graduate insyd 1975. While a student he make two short films, Tamtam-Electronique den Rhythm and blood. He return to Zaire insyd 1976 wey he cam turn a lecturer for three colleges insyd Kinshasa: de National Institute of Arts (INA), Institute of Science and Information Technologies (ISTI) den Studio-School of the Voice of Zaire (SEVOZA).[1]
For ten years Mwezé Ngangura make TV documentaries insyd Zaire. He make ein first documentary, Cheri Samba, insyd 1980. Dis be a portrait of a popular young painter wey komot Kinshasa. Ein next work Kin Kiesse dey document de sweet den sour pleasures of Kinshasa la Belle.[2] "Kin-Kiesse" win prizes insyd Ouagadougou (FESPACO '83), Hammamet (CIRTEF '83), wey na dem select am for INPUT '86 insyd Montreal.[1]
Later career
[edit | edit source]Insyd 1985, he return to Europe, Mwezé Ngangura work for de scenario of La Vie est Belle (Life is Wonderful) plus funding from de French Ministry of Foreign Affairs.[1] Ngangura found Sol'Oeil Films insyd Kinshasa den Film Sud insyd Brussels, wey na he dey produce ein own films plus dese companies make dem preserve ein independence.[2] Sol'Oeil Films co-produce La Vie est Belle, a feature film wey he make plus Benoit Lamy wey wich na e get great success insyd Francophone countries insyd Africa.[1] La Vie est Belle dey star Papa Wemba wey dey tell de story of a poor young country musician wey cam to de city wey he cam turn famous.[2]
Insyd 1992, Mwezé Ngangura make Changa-Changa, Rythmes en noirs et blancs (Changa-Changa, Rhythms in Black and White), a documentary produce insyd Brussels for intercultural encounters wer different styles of music enrich. Na dem broadcast "Changa-Changa" for television top wey dem show for chaw festivals, wey dey include FESPACO (Pan African Film Festival of Ouagadougou), Vues d'Afrique (Montreal), den Bilan du Film Ethnographique (Paris). Insyd 1994, he make Le Roi, la vache et le bananier (The King, the Cow and the Banana), a 60-minute documentary wey win chaw awards. De next year he direct Lettre à Makura : les derniers Bruxellois, a view by an African ethnologist of de marolliens, de oldest community insyd Brussels. Insyd 1997, he direct Le général Tombeur, a 26-minute documentary wey dey tell de story of Bukavu from de expedition of General Charles-Henri Tombeur insyd 1914-18 to de current date. Na dem select dis film for de Festival of Ouagadougou (FESPACO) insyd February 1997 den de Montreal festival Views from Africa insyd April 1997.[1]
Insyd 1998 Mwezé Ngangura direct Pièces d'Identités (Identity Pieces), a feature film dem shoot insyd Brussels (mainly insyd de district of Matonge - Ixelles) den Cameroon, wich receive de Audience Award for de 8th Festival of African Cinema of Milan insyd 1998 den de Grand Prix for FESPACO insyd Ouagadougou insyd 1999. Pièces d'Identités be a modern fairy story dem set insyd de world of African immigrants insyd Europe.[2] Ein 2005 film Les Habits Neuf du Gouverneur san star Papa Wemba. Na de production schedule be disrupted wen na dem send Wemba go jail insyd Belgium make he await trial for charges of human trafficking.[2]
Filmography
[edit | edit source]| Year | Title | Notes |
|---|---|---|
| 1973 | Tamtam-Electronique | 25 minutes |
| 1975 | Rhythm and Blood | 20 minutes |
| 1980 | Chéri-Samba | 26 minutes |
| 1983 | Kin-Kiesse ou les Joies douces-amères de Kinshasa-la-Belle | 26 minutes |
| 1987 | La vie est belle | 80 minutes. Co-direct plus Benoît Lamy |
| 1992 | Changa-Changa, Rythmes en noirs et blancs | 60 minutes |
| 1994 | Le Roi, la vache et le bananier, Chronique d'un retour au royaume de Ngweshe | 60 minutes |
| 1995 | Lettre à Makura : les derniers Bruxellois | 26 minutes |
| 1997 | Le général Tombeur | 26 minutes |
| 1998 | Pièces d'Identités | 90 minutes |
| 2001 | Au nom de mon père | 50 minutes, Documentary |
| 2005 | Les Habits neufs du gouverneur | |
| 2010 | Tu n'as encore rien vu de kinshasa |
References
[edit | edit source]- ↑ 1.0 1.1 1.2 1.3 1.4 "Ngangura Mweze Dieudonne". Congonline. Retrieved 2012-03-18.
- ↑ 2.0 2.1 2.2 2.3 2.4 "Mweze Ngangura". BBC. Retrieved 2012-03-18.
| International | |
|---|---|
| National | |
| Other | |
