Jump to content

African Institute for Mathematical Sciences

From Wikipedia
African Institute for Mathematical Sciences
research institute
Year dem found am2003 Edit
CountrySouth Africa Edit
Edey de administrative territorial entity insydMuizenberg Edit
Coordinate location34°6′26″S 18°28′14″E Edit
Street addressAIMS Rwanda Centre,Sector Remera,KN 3 Kigali,Rwanda Edit
Phone number+250 788 312 469 Edit
Email addressmailto:info@aims.ac.rw Edit
Dema official websitehttp://www.aims.ac.za/ Edit
Map

De African Institute for Mathematical Sciences (AIMS) be tertiary education den research institute wey dey Muizenberg, South Africa, wey dem establish for September 2003 insyd, wey eget network of linked institutes for Senegal, Ghana, Cameroon, den Rwanda insyd.

Demma History[edit | edit source]

Founder[edit | edit source]

De first African Institute for Mathematical Sciences (AIMS) start for Muizenberg wey dey near Cape Town, wey Neil Turok form am for 2003, as na he be Chair of Mathematical Physics for Cambridge University. Neil Turok be de kiddie of Ben Turok, wey be ANC MP. For 2008 insyd, Turok cam turn Executive Director of de Perimeter Institute for Theoretical Physics, wey dem replace am plus Dr. Robert Myers for 2019.

AIMS South Africa be partnership between de following universities: University of Stellenbosch, University of Cambridge, University of Cape Town, University of Oxford, University of Paris-Sud, den University of the Western Cape.[1]

Demma Mission[edit | edit source]

Teaching den research[edit | edit source]

De AIMS institutes dey teach both basic den applied mathematics, wey dey cover chaw mathematical applications for physics ( wey dey including astrophysics den cosmology), quantitative biology, bioinformatics, scientific computing, finance, agriculture modelling, den so on. De one for Senegal dey propose courses for both French den English. Apart from de academic programmes, AIMS South Africa get one research centre for interdisciplinary areas like cosmology, computing, den finance. For 2015 insyd, na AIMS Cameroon dey plan say ego launch ein own research centre wey go host resident den visiting researchers from universities for Cameroon den beyond.[2]

Community service[edit | edit source]

De AIMS institutes dey provide community services. AIMS Senegal develop one innovative teaching module give secondary school maths teachers wey epartner plus local businesses so say ego raise funds give de creation of one national contest for computer applications den mathematical modelling top, wey edey focus say ego find development-oriented solutions. AIMS South Africa dey direct de AIMS Schools Enrichment Centre for primary den secondary school teachers, wey esana dey organize public lectures, workshops, den master classes wey edey support maths clubs for schools wey dey across de country. Scholars den lecturers from AIMS Ghana equip teachers for Biriwa Junior High School plus one innovative teaching module.[2]

AIMS South Africa[edit | edit source]

Demma Academic programme[edit | edit source]

Demma Structured Masters programme[edit | edit source]

De main programme of AIMS South Africa be one 10-month Structured Masters programme for de Mathematical Sciences insyd. Dem upgrade de programme for 2012 from one Postgraduate Diploma. De master's degree be from de three South African universities wey dey for partnership insyd. Students dey comot from Africa fi apply for full scholarships, wey edey include travel, accommodation, tuition, den stipend. AIMS be commited say ego make shoddies participate chaw for science den make sure say de student body go represent different regions for de African continent.

De goal of de programme be say ego produce students wey be capable of doing sam high quality research-based master's degree. Dem dey place special emphasis for intuitive understanding, problem solving skills, collaboration, scientific writing skills, den computer modelling top by say dem go use Free Software such as SageMath, SciPy, den R.

AIMS dey offer bursaries for chaw alumni continuing studies top for South Africa.

Honours Degree for Mathematical Biology insyd[edit | edit source]

AIMS, for conjunction plus University of Stellenbosch, dey offer sam honours degree for Mathematical Biology insyd give South African students.

Honours Degree for Mathematical Finance insyd[edit | edit source]

Dem dey offer sam honours degree for Mathematical Finance insyd give South African students for conjunction plus University of Stellenbosch den de University of Cape Town.

Master's den doctoral studies[edit | edit source]

For AIMS Research Centre insyd students, often AIMS alumni, dem dey study towards sam MSc anaa PhD degree under supervision of sam resident researcher for Mathematical Biology den Mathematical Finance.

Research centre[edit | edit source]

AIMS South Africa dey host sam research centre wey open for May 2008 insyd. Stephen Hawking visit de AIMS research centre den AIMS-Next Einstein Initiative launch.[3][4][5][6][7]

De centre dey specialise for Mathematical Biology, Industrial Mathematics, Mathematical Finance, Astrophysics & Cosmology, den Computer Algebra. Dem dey offer Bursaries give Master's den doctoral studies.[8]

School Enrichment Centre[edit | edit source]

AIMS South Africa dey host sam School Enrichment Centre wey dey offer free learning resources den professional development courses give South African mathematics teachers.[9]

Workshops and conferences[edit | edit source]

AIMS South Africa regularly dey host short conferences anaa workshops for mathematics den ein applications insyd, especially for physics, mathematical finance, epidemiology insyd. Oda topics dey include scientific modelling anaa system administration plus Debian GNU/Linux as sam platform.

Public lectures[edit | edit source]

Eminent scientists dey offer regular public lectures for sam wide range of topics for de forefront of research for demma field insyd.

Funding[edit | edit source]

Ebe International corporations, international development organisations den de South African departments of Education den Science and Technology dey sponsor AIMS South Africa. For February 2010 insyd, Google donate $1 million give AIMS.[10]

For July 2010 insyd, Canada commit CAN$20 million of federal funding give AIMS den de AIMS-Next Einstein Initiative.[11][12][13] Ebe International Development Research Centre den de Perimeter Institute for Theoretical Physics wey administer de funds.

For September 2010 insyd, dem award AIMS Next Einstein Initiative AIMS-NEI plus US$2 million from Google's Project 10^100.[14]

Individuals donate give AIMS for GivenGain top.[15]

References[edit | edit source]

  1. ↑ "About AIMS". AIMS South Africa. Archived from the original on 8 September 2017. Retrieved 8 September 2017.
  2. ↑ 2.0 2.1 Kraemer-Mbula, Erika; Scerri, Mario (2015). Southern Africa. In: UNESCO Science Report: towards 2030 (PDF). Paris: UNESCO. pp. 535–555. ISBN 978-92-3-100129-1.
  3. ↑ "Stephen Hawking to visit AIMS Research Centre Launch". Sagoodnews.co.za. Archived from the original on 29 December 2010.
  4. ↑ Andrew Norfolk (7 July 2011). "Stephen Hawking in hunt for Africa's hidden talent". Timesonline.co.uk.
  5. ↑ "Stephen Hawking meets Nelson Mandela for AIMS". Blog.ted.com. 15 May 2008.
  6. ↑ Stephen Hawking Meets Nelson Mandela Archived 4 January 2010
  7. ↑ "Stephen Hawking seeks 'Einsteins of Africa'". Digitaljournal.com. 7 July 2008.
  8. ↑ "Cosmology at AIMS". Cosmoaims.wordpress.com.
  9. ↑ "AIMS-SEC School Enrichment Centre". Aimssec.aims.ac.za. Archived from the original on 11 August 2011. Retrieved 18 September 2019.
  10. ↑ "Google donates $1 million to AIMS". Blog.ted.com. 11 February 2010.
  11. ↑ "Canada gives $20M to expand AIMS across Africa". Blog.ted.com. 6 July 2010.
  12. ↑ "PM announces Banting Postdoctoral Fellowships, support for Next Einstein Initiative". Pm.gc.ca. 6 July 2010. Archived from the original on 2 August 2010.
  13. ↑ Perimeter Institute & Canada Partner on Growing Science & Technology Capacity Globally Archived 9 July 2010
  14. ↑ "Project 10^100". Project10tothe100.com. Archived from the original on 28 July 2009.
  15. ↑ "Individuals donate to AIMS on GivenGain". Givengain.com.

External links[edit | edit source]

Dem retrieve am from "https://gpe.wikipedia.org/w/index.php?title=African_Institute_for_Mathematical_Sciences&oldid=30840"