Jump to content

Alice Teni Boon

From Wikipedia
Alice Teni Boon
human
Ein sex anaa genderfemale Edit
Country wey e be citizenGhana Edit
Name in native languageAlice Teni Boon Edit
Name wey dem give amAlice Edit
Family nameBoon Edit
Ein date of birth12 January 1962 Edit
Place dem born amLambussie Edit
Languages edey speak, rep anaa signEnglish Edit
Ein occupationpolitician, teacher, consultant Edit
Position eholdMember of the Parliament of Ghana, Member of the 4th Parliament of the 4th Republic of Ghana, Member of the 3rd Parliament of the 4th Republic of Ghana Edit
Educate forUniversity of Ghana, University of Westminster, University of Media, Arts and Communication Edit
Work locationLambussie Karni District Edit
Political party ein memberNational Democratic Congress Edit
Candidacy in election2000 Ghanaian general election, 2004 Ghanaian general election Edit
Religion anaa worldviewEastern Orthodoxy Edit

Alice Teni Boon be Ghanaian politician wey serve as member of parliament give Lambussie constituency from 1999 go 2009.[1]

Ein early life den education

[edit | edit source]

Dem born Boon for 12 January 1962 insyd wey she komot from Lambussie wey dey Upper West Region for Ghana insyd.[2] She attend University of Ghana den University of Westminster.[3] She san attend Ghana Institute of Journalism den Pitman Central College wey dey London.[3]

She get ein Masters for Business Administration den Master of Arts for Public Communication. Na ein academic major be Communication.[3]

Ein career

[edit | edit source]

Boon be expert for communication insyd wey she san be consultant by profession. She san be politician wey dey National Democratic Congress, political party wey dey Ghana.[3]

Ein Political life

[edit | edit source]

Alice enter parliament for National Democratic Congress (NDC) dema ticket top for Tuesday 8 June 1999 insyd as she win de by-election for 26 May 1999 insyd secof Luke Koo ein death, de then member of parliament give de Lambussie constituency.[4][5]

She subsequently win de seat for de December 2000 general election den de December 2004 general election insyd. She however lose ein seat give John Duoghr Baloroo wey be New Patriotic Party (NPP) member for de December 2008 general election insyd. For December 2012 general election insyd, dem replace plus Edward K. Dery wey consequently win de seat give de NDC.[6]

Ein 2000 Elections

[edit | edit source]

Dem elect Boon as de member of parliament for de Lambussie constituency wey dey Upper West region of Ghana for de 2000 Ghanaian general elections insyd. She represent de constituency for de 4th parliament of the 4th republic of Ghana insyd.[7]

Dem elect am plus 7,076 out of de total votes cast. Dis be equivalent to 60.80% of de total valid votes cast. Dem elect ova David Mwinfor Deribaa wey be independent candidate, Kabiri Nmin wey be National Reform Party member, Ampulling Nicholas wey be New Patriotic Party member den Bamie Mubashir Ahmed wey be United Ghana Movement Party member. Dese people obtain 2,472 votes, 1,272 votes, 441 votes, 375 votes den 0 votes respectively.[7]

Dese be equivalent to 60.80%, 21.20% , 10.90%, 3.80%, 3.20% den 0.00% respectively of de total valid votes cast. Dem elect Boon for National Democratic Congress dema ticket top. De National Democratic Congress win total of 7 parliamentary seats for Upper West Region for dat elections insyd.[7][8]

In all, de party win minority total of 89 parliamentary representation out of 200 seats for de 3rd parliament of de 4th republic of Ghana insyd.[8]

Ein 2004 Elections

[edit | edit source]

Dem elect Boon as de member of parliament give de Lambussie constituency for de 2004 Ghanaian general elections insyd. She represent de constituency for de 4th parliament of de 4th republic of Ghana insyd. Dem elect am plus 6,554 votes out of 12,480 total valid votes cast. Dis be equivalent to 52.5% of de total valid votes cast.[3][9][10]

Dem elect am ova Thomas F. Bitie-Ketting wey be People's National Convention member, Sebastian Koug Bamile wey be New Patriotic Party member den Abubakari Alhaji Yahaya wey be Convention People's Party member.[9][10]

Dese obtain 1,265 votes, 4,553 votes den 108 votes respectively of de total valid votes cast. Dese be equivalent to 10.1%, 36.5% den 0.9% respectively of de total valid votes cast. Dem elect Boon for National Democratic Congress dema ticket top.[9][10]

De National Democratic Congress obtain 7 parliamentary seats for dat election insyd for Upper West region of Ghana.[11]

Ein life matter

[edit | edit source]

Boon be Christian.[3] She marry Jacob Bawiine Boon, lawyer den former member of parliament give de Lambussie constituency wey he san so be former District Chief Executive for de Jirapa/Lambussie District.[4]

Make you see dis too

[edit | edit source]

References

[edit | edit source]
  1. ↑ Sam, Eben C. (12 March 2005). "The Mirror: Issue 2622 March 12 2005".
  2. ↑ "Teni, Boon Alice". Ghana MPS. Retrieved 17 September 2023.
  3. ↑ 3.0 3.1 3.2 3.3 3.4 3.5 Ghana Parliamentary Register, 2004-2008. Ghana: The Office of Parliament. 2004. p. 247.
  4. ↑ 4.0 4.1 "MP for Lambussie sworn in". www.ghanaweb.com. 9 June 1999. Retrieved 21 May 2020.
  5. ↑ "All is set for the Lambussie bye-election". www.ghanaweb.com. 26 May 1999. Retrieved 21 May 2020.
  6. ↑ "Lambussie – Karni Constituency – Election 2016 Results". Peace Fm Online. Retrieved 21 May 2020.
  7. ↑ 7.0 7.1 7.2 FM, Peace. "Ghana Election 2000 Results - Lambussie - Karni Constituency". Ghana Elections - Peace FM. Retrieved 2 September 2020.
  8. ↑ 8.0 8.1 FM, Peace. "Ghana Election 2000". Ghana Elections - Peace FM. Retrieved 2 September 2020.
  9. ↑ 9.0 9.1 9.2 Elections 2004; Ghana's Parliamentary and Presidential Elections. Ghana: Electoral Commission of Ghana; Friedrich Ebert Stiftung. 2005. p. 189.
  10. ↑ 10.0 10.1 10.2 FM, Peace. "Ghana Election 2004 Results – Lambussie – Karni Constituency". Ghana Elections – Peace FM. Retrieved 3 August 2020.
  11. ↑ "Statistics of Presidential and Parliamentary Election Results". Fact Check Ghana. 1 August 2016. Retrieved 3 August 2020.
Dem retrieve am from "https://gpe.wikipedia.org/w/index.php?title=Alice_Teni_Boon&oldid=23628"