Francis Kofi Allotey

Francis Allotey

human

Sex anaa gender	male
Country wey e be citizen	Ghana
Name in native language	Francis Kofi Ampenyin Allotey
Birth name	Francis Kofi Ampenyin Allotey
Given name	Francis
Family name	Allotey
Date of birth	9 August 1932
Place dem born am	Saltpond
Date of death	2 November 2017
Place dem die	Accra
Manner of death	natural causes
Cause of death	illness
Languages dem dey speak, wrep anaa sign	English
Occupation	mathematician, physicist
Field for work	mathematical physics
Employer	Kwame Nkrumah University of Science and Technology, Kwame Nkrumah University of Science and Technology
Position dem hold	chairperson
Educate for	Princeton University, Ghana National College, Imperial College London, Saltpond Catholic Boys' Basic School, London South Bank University
Academic thesis	Effect of Electron-Hole Scattering Resonance on X-Ray Emission Spectrum
Doctoral advisor	John Hopfield
Work location	Accra
Member of	The World Academy of Sciences

Francis Kofi Allotey (9 August 1932- 2 November 2017) na he be Ghanaian Mathematical Physicist. Togeda plus Daniel Afedzi Akyeampong, he cam turn de first Ghanaian wey get doctorate for Mathematical Sciences for Ghana here for 1966 insyd.

Early life den education

Den born Allotey for Saltpond wey edey insyd Central Region for Ghana for 9 August 1932. Ein poppie be Joseph Kofi Allotey wey ein mommie be Alice Esi Nyena Allotey, dressmaker wey komot de Royal Dehyena family for Enyan Owomase den Ekumfi Edumafa for de Central Region for Ghana insyd. Ein poppie get bookstore. During ein kiddie tym, Allotey spend ein free tym for ein poppie ein bookstore wey he dey read de biographies of famous scientists wey pique ein interest for science insyd. Dem raise am as Roman Catholic. He get ein primary education for St. John the Baptist Catholic (Boys) School for Saltpond insyd wey na he be among de pioneer batch of Ghana National College wen Dr. Kwame Nkrumah found de school for July 1948 insyd.

After ein secondary school, he attend de University Tutorial College for Ghana insyd den de London Borough Polytechnic. Na he dey zuk master's den doctorate degrees from Princeton University, dem award am for 1966 insyd wey earlier de Diploma of Imperial College, he obtain for 1960 insyd. Na de Pakistani Nobel prize-winning physicist Abdus Salam tutor am as undergraduate for Imperial College. During ein tym for Princeton, chaw physicists lyk Robert Dicke, Val Fitch, Robert Oppenheimer, Paul A. M. Dirac den C. N. Yang mentor Allotey.

Ein life matter

First nu Allotey marry Edoris Enid Chandler wey komot Barbados, he meet am de tym dem both dey study for London insyd. Dem get two kiddies, Francis Kojo Enu Allotey den Joseph Kobina Nyansa Allotey. Chandler die for November 1981 insyd. He then remarry Ruby Asie Mirekuwa Akuamoah. Togeda dem raise ein two kiddies, Cilinnie den Kay. Akuamoah die for October, 2011 insyd. Overall, Allotey get four kiddies den 20 grand kiddies.

Death den state funeral

Francis Allotey die of natural causes for 2 November 2017. De Ghanaian government accord am state funeral secof ein contributions go de advancement of science den technology for Ghana insyd. Dem inter ein body for ein hometown, Saltpond, Central Region.