Hannah Kudjoe

Hannah Kudjoe

human

Sex anaa gender	female
Country wey e be citizen	Gold Coast Colony, Ghana
Name in native language	Hannah Esi Badu Kudjoe
Given name	Hannah
Family name	Dadson, Kudjoe
Date of birth	December 1918
Place dem born am	Busua
Date of death	9 March 1986
Languages dem dey speak, wrep anaa sign	English, Ahanta
Occupation	activist, politician
Position dem hold	organizational founder
Educate for	Busua Methodist Primary
Work location	Tarkwa
Political party ein member	Convention People's Party

Hannah Esi Badu Kudjoe (dem born am December 1918 – she die 9 March 1986), née Hannah Dadson, me she be prominent activist for Ghanaian independence for 1940s den 1950s insyd. Na she be one of de first high-profile female nationalists for de movement insyd, wey na she be de National Propaganda Secretary for de Convention People's Party. Na she be political activist for Dr. Kwame Nkrumah ein tym of government. Na she sanso be active philanthropist wey she job make dem inprove women dema lives for Northern Ghana insyd. Hannah get de ability make she bring people togeda. She be able make she convince odas make dem support den fight for independence. She help Kwame Nkrumah make he bring people make dem join CPP den support am. She once be help de Big Six make she bring people togeda make dem release dem wen de colonial masters arrest dem.

Ein early life

Dem born am for Busua insyd (near Dixcove), wey dey de Ahanta District for de Western Region for de Gold Coast (now Ghana) for December 1918 to Mr. den Mrs. John Peter Dadson for Busua, na Kudjoe be de youngest of 10 kiddies. Na she be one of de privileged few girlies wey go school for era wey few girlies dey go school. She start ein elementary education for Busua Methodist School wey she plete for Sekondi Methodist School. After she fini school, she cam turn popular dressmaker for Tarkwa insyd, wey she marry J. C. Kudjoe. Na he be manager for Abontiako gold mines near Tarkwa. De marriage no last, wey she begin dey live plus ein bro, E. K. Dadson, prominent United Gold Coast Convention (UGCC) activist.

Death

Hannah Kudjoe die for 9 March 1986. Dem publish ein obituary for 8 May 1986 dey end: "She was a priceless gem who in no small measure contributed to the political emancipation of Ghana from the clutches of imperialism. The vacuum created by her demise in spiritual terms though temporary, will be difficult to fill." Ein funeral take place for de Calvary Methodist Church for Accra insyd for 6 July 1986.

Sources

• Allman, Jean, ed. (2004). Fashioning Africa: Power and the Politics of Dress. Indiana University Press. ISBN 9780253111043. Retrieved 15 January 2016.
• Allman, Jean (2009). "The Disappearing of Hannah Kudjoe". Journal of Women's History. 21 (3): 13-35. doi:10.1353/jowh.0.0096. S2CID 143920628.
• Little, Kenneth (1973). African Women in Towns: An Aspect of Africa's Social Revolution. CUP Archive. ISBN 9780521098199.
• Owusu-Ansah, David (2014). Historical Dictionary of Ghana. Rowman & Littlefield. ISBN 9780810875005. Retrieved 15 January 2016.