Kenneth Nana Yaw Ofori-Atta (dem born am 7 November 1958), be Ghanaian investment banker wey dey serve as de Minister for Finance den Economic Planning for Nana Akufo-Addo ein cabinet insyd. Na he be de co-founder of Databank Group, Ghanaian financial services company, wey he san serve as executive chairman until 2012, wen he come resign. President Nana Akufo-Addo nominate am on 10 January 2017 wey he assume office on 27 January 2017.
Ein early life den education[edit | edit source]
Dem born Ofori Atta for 7 November 1958 for Kibi, town wey dey Eastern Region for Ghana insyd. He be member for de Ofori-Atta family. He be de son for de economist den politician Jones Ofori Atta. Ofori-Atta attend Achimota School for ein O-Level den A-Level certificate wey he receive for 1976 den 1978 respectively. He teach temporarily for Accra Academy as maths teacher for sum period after ein A-level for Achimota. For August 1980 insyd, Ofori-Atta enrol for Columbia University for ein B. A. for Econs insyd. He graduate from Columbia for 1984 insyd wey he job for Morgan Stanley for New York insyd. He study for den receive ein MBA from Yale University School of Management for 1988 insyd wey he go job for Salomon Brothers wey be investment bank.
Ein activities[edit | edit source]
- Joint World Bank-IMF Development Committee, Chair (since 2018)
- African Development Bank (AfDB), Ex-Officio Member for de Board of Governors (since 2017)
- ECOWAS Bank for Investment and Development (EBID), Ex-Officio Member for de Board of Governors (since 2017)
- Multilateral Investment Guarantee Agency (MIGA), World Bank Group, Ex-Officio Member for de Board of Governors (since 2017)
- World Bank, Ex-Officio Member for de Board of Governors (since 2017)
Ein awards den recognition[edit | edit source]
Ofori-Atta be Henry Crown fellow for de Aspen Institute. Na dem adjudge am as de 2nd most respected C.E.O for Ghana insyd. Ken be Donaldson Fellow for Yale University for 2010 insyd wey he be recipient for de John Jay Award from Columbia University for 2011 insyd. He be co-founder for de Aspen Africa Leadership Initiative.
PricewaterhouseCoppers Ghana honor am twice as one of de Top 5 Most Respected CEOs for Ghana insyd.
For May 2018 insyd, London-based magazine The Banker adjudge am Best Africa Finance Minister for de year.
The Africa Report for 2021 insyd name am as one of Africa ein most politically connected bankers.
Ein life matter[edit | edit source]
Ofori-Atta marry Professor Angela Lamensdorf Ofori-Atta, clinical psychologist for de University of Ghana Medical School. De couple get four kiddies.
References[edit | edit source]
- Ken Ofori-Atta. Leadership, Entrepreneurship, and Values: Selected Speeches, Statements, and Writings. Frangipani, 2009. p. 234. ISBN 9988847289.